ಭಾರತ- ಪಾಕ್​ ಬಿಗ್ ಫೈಟ್​​.. ಕುತೂಹಲದಲ್ಲಿ ಫ್ಯಾನ್ಸ್​

ಬೂಮ್ರಾ ಕಮ್​ಬ್ಯಾಕ್​ ಮಾಡಿದ್ರೂ ಟೆನ್ಶನ್​.. ಟೆನ್ಶನ್​

ಟೀಮ್​ ಇಂಡಿಯಾ ಅಭಿಮಾನಿಗಳಿಗೆ ಕಾಡ್ತಿದೆ ಆತಂಕ

ಏಷ್ಯಾಕಪ್​ ಟೂರ್ನಿಗೆ ಕ್ಷಣಗಣನೆ ಆರಂಭವಾಗ್ತಿದ್ದಂತೆ ಇಂಡೋ – ಪಾಕ್​ ಫೈಟ್​ನ​​ ಫೀವರ್​ ಕ್ರಿಕೆಟ್​​ ವಲಯದಲ್ಲಿ ಹೆಚ್ಚಾಗ್ತಿದೆ. ಇಂಡೋ -ಪಾಕ್​ ಪಂದ್ಯ ಅಂದ ಮೇಲೆ ಯಾರು ಗೆಲ್ತಾರೆ ಅನ್ನೋ ಪ್ರಶ್ನೆಯೇ ಉದ್ಭವಿಸಲ್ಲ. ಭಾರತವೇ ಗೆಲ್ಬೇಕು ಅನ್ನೋದು ಅಭಿಮಾನಿಗಳ ಆಸೆ. ಆದ್ರೆ, ಇದು ಸಾಧ್ಯಾನಾ?.

ಮಹತ್ವದ ಏಷ್ಯಾಕಪ್​ ಟೂರ್ನಿ ಆರಂಭವಾಗಿ 3 ದಿನ ಆಯಿತು. 2 ಪಂದ್ಯಗಳೂ ಮುಗಿದಿವೆ. ಆದ್ರೆ, ಇಡೀ ಜಗತ್ತೆ ಏಷ್ಯಾಕಪ್​​ನತ್ತ ತಿರುಗಿ ನೋಡ್ತಿದೆ. ಯಾಕಂದ್ರೆ, ಅಸಲಿ ಟೂರ್ನಿ ಆರಂಭವಾಗ್ತಿರೋದು ಇವತ್ತು.

ಇಂಡೋ -ಪಾಕ್​ ಫೈಟ್​​ ನೋಡಲು ಫ್ಯಾನ್ಸ್​ ಕಾತರ

ಪಲ್ಲೆಕೆಲೆಯಲ್ಲಿ ರಿಯಲ್​ ದಂಗಲ್​ ನೋಡಲು ಇಡೀ ವಿಶ್ವವೇ ಕಾದು ಕುಳಿತಿದ್ದು, ಇಂಡೋ-ಪಾಕ್ ಮ್ಯಾಚ್​ ಫೀವರ್​ ಈಗಾಗಲೇ ಹೆಚ್ಚಿದೆ. ಟೂರ್ನಿಯಲ್ಲಿ ಇಂಡಿಯಾ ಚಾಂಪಿಯನ್​ ಆಗುತ್ತೋ.. ಇಲ್ವೋ.. ಪಾಕ್​ ವಿರುದ್ಧ ಸೋಲಬಾರದು ಅನ್ನೋದಷ್ಟೇ ಫ್ಯಾನ್ಸ್​ ಪ್ರಾರ್ಥನೆ.

ಟೀಮ್​ ಇಂಡಿಯಾ ಅಭಿಮಾನಿಗಳಿಗೆ ಕಾಡ್ತಿದೆ ಆತಂಕ.!

ಗೊಂದಲದ ಗೂಡಾಗಿರೋ ಟೀಮ್​ ಇಂಡಿಯಾ ಕ್ಯಾಂಪ್​ನಲ್ಲಿ ಕಾನ್ಫಿಡೆನ್ಸ್​​ ಮಾಯವಾಗಿದೆ. ತಂಡದಲ್ಲಿರೋ ಸಮಸ್ಯೆಗಳೆ ಬಗೆಹರಿದಿಲ್ಲ. ಇದ್ರ ನಡುವೆ ಪಾಕ್​​ ವಿರುದ್ಧದ ಪಂದ್ಯಕ್ಕೂ ಮುನ್ನ ಬೌಲಿಂಗ್​ ಯುನಿಟ್​ ಆತಂಕವನ್ನ ಹೆಚ್ಚಿಸಿದೆ. ಪಾಕ್​ನ ಬಲಿಷ್ಠ ಬೌಲಿಂಗ್​ ಅಟ್ಯಾಕ್​ ಮುಂದೆ ನಮ್ಮ ಬೌಲರ್ಸ್​​ ದುರ್ಬಲವಾಗಿ ಕಾಣ್ತಿದೆ.

ಬೂಮ್ರಾ ಕಮ್​ಬ್ಯಾಕ್​ ಮಾಡಿದ್ರೂ ಟೆನ್ಶನ್​.. ಟೆನ್ಶನ್​.!

11 ತಿಂಗಳ ಬಳಿಕ ಬೂಮ್ರಾ ಕಮ್​ಬ್ಯಾಕ್​ ಮಾಡಿದ್ದಾರೆ. ಇದು ತಂಡದ ಬೌಲಿಂಗ್​​ ಬಲವನ್ನ ಹೆಚ್ಚಿಸಿದೆ. ಆದ್ರೆ, ಬೂಮ್ರಾ ಕಮ್​ಬ್ಯಾಕ್​ ಮಾಡಿದ್ರೂ, ಟೆನ್ಶನ್​ ಕಡಿಮೆಯಾಗಿಲ್ಲ. ಯಾಕಂದ್ರೆ, ಇಂಜುರಿಯಿಂದ ವಾಪಾಸ್ಸಾಗಿರೋ ಬೂಮ್ರಾ, ಪರ್ಫಾಮೆನ್ಸ್​ ಹಾಗೂ ಫಿಟ್​ನೆಸ್​ ಬಗ್ಗೆ ಕಾನ್ಫಿಡೆನ್ಸ್​ ಇಲ್ಲ.

ಮೊಹಮ್ಮದ್​ ಶಮಿ ಹಾಗೂ ಸಿರಾಜ್​ ಡಿಪೆಂಡ್​ ಆಗುವಂತೆ ಇಲ್ಲ. ಯಾಕಂದ್ರೆ, ಒತ್ತಡದ ಪಂದ್ಯಗಳಲ್ಲಿ ಸಿರಾಜ್​ ಪರ್ಫಾಮೆನ್ಸ್​ ಅಷ್ಟಕಷ್ಟೇ.. ಆಲ್ರೌಂಡರ್​ ಶಾರ್ದೂಲ್​ ಠಾಕೂರ್​​ ಪರ್ಫಾಮೆನ್ಸ್​ ಕೂಡ ಅವರೇಜ್​. ಹೀಗಾಗಿ ಪೇಸ್​ ಬೌಲಿಂಗ್​ ಅಟ್ಯಾಕ್​ ದೊಡ್ಡ ಸಮಸ್ಯೆಯಾಗಿದೆ. ಹೀಗಾಗಿ ಸದ್ಯಕ್ಕೆ ಸ್ಪಿನ್ನರ್​ ಕುಲ್​​ದೀಪ್​ ಟೀಮ್ ಇಂಡಿಯಾ ಪಾಲಿನ ಗುಡ್​ನ್ಯೂಸ್​..

ಸಾಲಿಡ್​​ ಫಾರ್ಮ್​ನಲ್ಲಿ ಟಾಪ್​-3 ಪೇಸರ್ಸ್​​.!

ಒಂದೆಡೆ ಟೀಮ್​ ಇಂಡಿಯಾ ಬೌಲಿಂಗ್​ ಪಡೆಯಲ್ಲಿ ಆತ್ಮವಿಶ್ವಾಸವೇ ಇಲ್ಲದಿದ್ರೆ, ಪಾಕ್​ ಪಡೆಯ ಪೇಸರ್ಸ್​ ಸಾಲಿಡ್​ ಫಾರ್ಮ್​ನಲ್ಲಿದ್ದಾರೆ. ಶಾಹೀನ್​ ಶಾ ಅಫ್ರಿದಿ, ಹ್ಯಾರೀಸ್​ ರವೂಫ್​, ನಸೀಮ್​ ಶಾ 2023ರಲ್ಲಿ ಸಾಲಿಡ್​​ ಪರ್ಫಾಮೆನ್ಸ್​ ನೀಡಿದ್ದಾರೆ. ವಿಕೆಟ್​ ಟೇಕಿಂಗ್​, ಏಕಾನಮಿ ಎಲ್ಲದರಲ್ಲೂ ದಿ ಬೆಸ್ಟ್​ ಅನಿಸಿಕೊಂಡಿದ್ದಾರೆ.

2023ರಲ್ಲಿ ಪಾಕ್​ ಪೇಸರ್ಸ್​

2023ರಲ್ಲಿ 10 ಇನ್ನಿಂಗ್ಸ್​​ ಆಡಿರುವ ಹ್ಯಾರಿಸ್​​ ರವೂಫ್ 5.62ರ ಎಕಾನಮಿಯಲ್ಲಿ ರನ್​ ಬಿಟ್ಟುಕೊಟ್ಟು 17 ವಿಕೆಟ್​ ಕಬಳಿಸಿದ್ದಾರೆ. ಇನ್ನು, 8 ಇನ್ನಿಂಗ್ಸ್​​ ಆಡಿರುವ ನಸೀಮ್​ ಶಾ 16 ವಿಕೆಟ್​ ಕಬಳಿಸಿದ್ದು 4.68ರ ಎಕಾನಮಿ ಹೊಂದಿದ್ದಾರೆ. ಶಾಹಿನ್​ ಅಫ್ರಿದಿ 5.40ರ ಎಕಾನಮಿಯಲ್ಲಿ ರನ್​ ಬಿಟ್ಟು ಕೊಟ್ಟು 17 ವಿಕೆಟ್​​ ಕಬಳಿಸಿದ್ದಾರೆ.

ಈ ಸೀಸನ್​​ನಲ್ಲಿ ಪಾಕ್​ ಬೌಲರ್​​ಗಳು ನೀಡಿರುವ ಈ ಪರ್ಫಾಮೆನ್ಸ್​, ಸದ್ಯ ಟೀಮ್​ ಇಂಡಿಯಾ ಪಾಳಯದಲ್ಲಿ ಆತಂಕ ಹುಟ್ಟಿಸಿರೋದು ಸುಳ್ಳಲ್ಲ. ಹೀಗಾಗಿ ಟೀಮ್​ ಇಂಡಿಯಾ ಬ್ಯಾಟ್ಸ್​ಮನ್​ಗಳು ಎಚ್ಚರಿಕೆಯ ಆಟವಾಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ