ಗಿಲ್​​ಗೆ ಬ್ಯಾಟಿಂಗ್​​ ಟಿಪ್ಸ್​ ನೀಡಿದ 'ರನ್ ಮಾಸ್ಟರ್​​'

ಸುದೀರ್ಘ ಚರ್ಚೆ..ಪ್ರಿನ್ಸ್​​​ಗೆ ಕೊಹ್ಲಿಯ ಪಾಠವೇನು..?

ಗಿಲ್​​ ಬ್ಯಾಟಿಂಗ್​ನ ಸೂಕ್ಷ್ಮವಾಗಿ ಗಮನಿಸಿದ ಕೊಹ್ಲಿ.!

ಶುಭ್​​ಮನ್​​ ಗಿಲ್​ ಏಷ್ಯಾಕಪ್​​ ಅಖಾಡದಲ್ಲಿ ಅಬ್ಬರಿಸಲು ಸಜ್ಜಾಗಿದ್ದಾರೆ. ಇಂದಿನಿಂದ ಟೂರ್ನಿ ಆರಂಭಗೊಳ್ಳಲಿದ್ದು ಪ್ರಿನ್ಸ್​​​​​​​ ಶುಭ್​ಮನ್​​​ಗೆ ಕಿಂಗ್ ಕೊಹ್ಲಿ ಪಾಠ ಮಾಡಿದ್ದಾರೆ. ರನ್​ ಮಾಸ್ಟರ್ ಪಾಠ ಕೇಳಿ ಗಿಲ್​​ ಜೋಶ್ ಡಬಲ್ ಆಗಿದೆ. ಪ್ರಿನ್ಸ್​ಗೆ ಕಿಂಗ್​ ಮಾಡಿದ ಪಾಠದ ಕಂಪ್ಲೀಟ್​​ ಡಿಟೇಲ್ಸ್​​ ಇಲ್ಲಿದೆ.

ಏಷ್ಯಾಕಪ್​​​..! ಏಷ್ಯಾದ ಅಧಿಪತಿ ಪಟ್ಟಕ್ಕಾಗಿ ನಡೆಯುವ ಮಹಾಕದನ. ಈ ಏಷ್ಯಾ ಬ್ಯಾಟಲ್​​ನಲ್ಲಿ ರಾಕಿಂಗ್​ ಪರ್ಫಾಮೆನ್ಸ್​ ನೀಡಲು ಯಂಗ್​​ಗನ್ ಶುಭ್​​ಮನ್ ಗಿಲ್​ ಸಜ್ಜಾಗಿದ್ದಾರೆ. ಆರು ದಿನಗಳ ಕ್ಯಾಂಪ್​​ನಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರಾಕ್ಟೀಸ್​ ನಡೆಸಿದ್ದು, ಹೈ ಪ್ರೊಫೈಲ್​​ ಟೂರ್ನಿಯಲ್ಲಿ ದಮ್ದಾರ್​​ ಪರ್ಫಾಮೆನ್ಸ್​​ ನೀಡುವ ಇರಾದೆಯಲ್ಲಿದ್ದಾರೆ.

ಕಳೆದ​ 6 ಇನ್ನಿಂಗ್ಸ್​ಗಳಿಂದ ಗಿಲ್​​​ ಸಿಡಿಸಿರೋದು 1 ಅರ್ಧಶತಕ.!

ಈ ವರ್ಷಾರಂಭದಲ್ಲಿ ಉತ್ತಮ ಪ್ರದರ್ಶನ ನಡೆಸಿ ದರ್ಬಾರ್​ ನಡೆಸಿದ್ದ ಗಿಲ್​ ಸದ್ಯ ಯಾಕೋ ಸೈಲೆಂಟಾಗಿದ್ದಾರೆ. ಕಳೆದ ಆರು ಏಕದಿನ ಪಂದ್ಯಗಳಿಂದ ಬರೀ 188 ರನ್​ ಹೊಡೆದಿದ್ದಾರೆ. ಈ ಪೈಕಿ ಬರೀ ಒಂದು ಅರ್ಧಶತಕವನ್ನಷ್ಟೇ ಬಾರಿಸಿದ್ದಾರೆ. ಇಂದಿನಿಂದ ಏಷ್ಯಾಕಪ್ ಆರಂಭಗೊಳ್ಳಲಿದ್ದು, ಗಿಲ್​ ಮತ್ತೆ ಜಬರ್ದಸ್ತ್​​ ಪ್ರದರ್ಶನ ನೀಡಬೇಕಿದೆ. ಹೀಗಾಗಿ ಪ್ರಿನ್ಸ್​ ಶುಭ್​ಮನ್​ ಕಿಂಗ್​ ಕೊಹ್ಲಿಯ ಮೊರೆ ಹೋಗಿದ್ದಾರೆ.

ಏಷ್ಯಾ ಕದನಕ್ಕೂ ಮುನ್ನ ಪ್ರಿನ್ಸ್​​​ಗೆ ಕಿಂಗ್ ಪಾಠ

ಶುಭ್​​ಮನ್ ಗಿಲ್​​​ ಏಷ್ಯಾಕಪ್​​ನಲ್ಲಿ ಭಾರತಕ್ಕೆ ಬ್ಯಾಟಿಂಗ್ ಶಕ್ತಿ. ಒಮ್ಮೆ ಕ್ರೀಸ್​​​​ಕಚ್ಚಿ ನಿಂತ್ರೆ ಸಾಕು ಬೌಲರ್​ಗಳ ಮಾರಣಹೋಮವೇ ನಡೆಯುತ್ತೆ. ಇನ್ನು, ಏಷ್ಯಾಕಪ್​ ಅಂದ್ರೆ ಕೇಳ್ಬೇಕಾ ಹೇಳಿ ? ಗಿಲ್​​​ ಮತ್ತಷ್ಟು ಡೇಂಜರಸ್​​.! ಇಂತಾ ಪ್ರಿನ್ಸ್​​ಗೆ ಏಷ್ಯಾಕಪ್ ದಂಗಲ್​ ಆರಂಭಕ್ಕೂ ಮುನ್ನವೇ ಕಿಂಗ್ ಕೊಹ್ಲಿ ಬ್ಯಾಟಿಂಗ್ಸ್ ಟಿಪ್ಸ್ ನೀಡಿದ್ದಾರೆ. ಹೀಗಾಗಿ ಗಿಲ್ ಮೇಲಿನ ಎಕ್ಸ್​​ಪೆಕ್ಟೇಶನ್​​ ಇನ್ನಷ್ಟು ಹೆಚ್ಚಾಗಿದೆ.

ದ್ರಾವಿಡ್ ಜೊತೆ ಗಿಲ್​​ ಬ್ಯಾಟಿಂಗ್​​ ಮೇಲೆ ಹದ್ದಿನ ಕಣ್ಣು..!

ಟೀಮ್ ಇಂಡಿಯಾದ ಏಷ್ಯಾಕಪ್ ಪೂರ್ವಭಾವಿ ತಯಾರಿ ಕ್ಯಾಂಪ್​​ ನಿನ್ನೆಗೆ ಮುಗಿದಿದೆ. ಫೈನಲ್​ ಡೇ ಕೊಹ್ಲಿ-ಗಿಲ್ ಜೊತೆ ಬಹಳಷ್ಟು ಮಾತುಕತೆ ನಡೆಸಿದ್ರು. ಯಂಗ್​ಸ್ಟರ್​​ಗಳನ್ನ​ ಸದಾ ಹುರಿದುಂಬಿಸೋ ಕೊಹ್ಲಿ ನೆಟ್ಸ್​​ನಲ್ಲಿ ಗಿಲ್ ಬಳಿ ತೆರಳಿ ಕೆಲ ಸಮಯ ಮಾತುಕತೆ ನಡೆಸಿದ್ರು. ಆ ಮೂಲಕ ಏಷ್ಯಾಕಪ್​ ಸಮರದಲ್ಲಿ ಒತ್ತಡವನ್ನ ಹೇಗೆ ಮೆಟ್ಟಿನಿಲ್ಲಬೇಕು ಹಾಗೂ ಬ್ಯಾಟಿಂಗ್​ ಅಪ್ರೋಚ್​​ ಹೇಗಿರಬೇಕು ಅನ್ನೋದರ ಬಗ್ಗೆ ಉಪಯುಕ್ತ ಬ್ಯಾಟಿಂಗ್ಸ್ ಸಲಹೆ ನೀಡಿದ್ದಾರೆ.

ಇನ್ನು ಪ್ರತ್ಯೇಕವಾಗಿ ಗಿಲ್​ ಜೊತೆ ಮಾತುಕತೆ ನಡೆಸಿದ ಕೊಹ್ಲಿ ಅಷ್ಟಕ್ಕೆ ಸುಮ್ಮನಾಗಲಿಲ್ಲ. ನೆಟ್ಸ್​​​ನಲ್ಲಿ ಪಂಜಾಬ್​ ಪುತ್ತರ್ ಬ್ಯಾಟಿಂಗ್ ನಡೆಸ್ತಿದ್ರೆ ಇತ್ತ ಕೊಹ್ಲಿ ಗಿಲ್​​​ರ ಬ್ಯಾಟಿಂಗ್​​​ ಅನ್ನ ಕಂಪ್ಲೀಟ್ ಆಗಿ ವಾಚ್​ ಮಾಡಿದ್ರು. ಅದು ಒಬ್ಬರೇ ಅಲ್ಲ. ಹೆಡ್​​ಕೋಚ್ ರಾಹುಲ್​ ದ್ರಾವಿಡ್ ಜೊತೆ ಸೇರಿಕೊಂಡು ಗಿಲ್ ಬ್ಯಾಟಿಂಗ್ ವೈಖರಿಯನ್ನ ಸೂಕ್ಷ್ಮವಾಗಿ ಅವಲೋಕಿಸಿದ್ದಾರೆ.

ಕೊಹ್ಲಿ ಪಂಜಾಬ್​ ಪುತ್ತರ್​ಗೆ ಟಿಪ್ಸ್​ ನೀಡಿದ್ಯಾಕೆ..?

ಈ ಪ್ರಶ್ನೆ ಬಹುತೇಕರನ್ನ ಕಾಡೋದು ಸಹಜ. ಕಿಂಗ್ ಕೊಹ್ಲಿ ಎಲ್ಲರನ್ನೂ ಬಿಟ್ಟು ಗಿಲ್​​​​​ಗೆ ಬ್ಯಾಟಿಂಗ್ ಪಾಠ ಮಾಡಲು ಕಾರಣವಿದೆ. ಕಿಂಗ್ ಕೊಹ್ಲಿ ಯಶೋಗಾಥೆ ಎಂತವರಿಗೂ ಸ್ಪೂರ್ತಿ. 15 ವರ್ಷಗಳ ಕ್ರಿಕೆಟ್ ಕರಿಯರ್​​ನಲ್ಲಿ ಏಕದಿನ-ಟಿ20 ಸೇರಿ ಒಟ್ಟು 8 ವಿಶ್ವಕಪ್​​ಗಳನ್ನ ಆಡಿದ್ದಾರೆ. ಏಷ್ಯಾಕಪ್​ ಅನುಭವವೂ ಸಾಕಷ್ಟಿದೆ. ಬಿಗ್ ಸ್ಟೇಜ್​​​ನಲ್ಲಿ ಹೇಗೆ ಆಡಬೇಕು ? ಎದುರಾಳಿ ತಂಡವನ್ನ ಹೇಗೆ ಎದುರಿಸಬೇಕು ಅನ್ನೋದು ಚೆನ್ನಾಗಿ ಗೊತ್ತಿರುತ್ತೆ. ಈ ಎಲ್ಲಾ ಅನುಭವದ ಪಾಠವನ್ನ ವಿರಾಟ್​​, ಗಿಲ್​ಗೆ ಮಾಡಿದ್ದಾರೆ.

ಏಷ್ಯಾಕಪ್ ಹಾಗೂ ಮುಂಬರುವ ವಿಶ್ವಕಪ್​​ ದೃಷ್ಟಿಯಿಂದ ಶುಭ್​​​ಮನ್​ ರಗಢ್​​ ಫಾರ್ಮ್​ ಟೀಮ್ ಇಂಡಿಯಾಗೆ ಅತ್ಯಗತ್ಯ. ಹೀಗಾಗಿಯೇ ಟೂರ್ನಿ ಶುರುವಿಗೂ ಮುನ್ನವೇ ಕಿಂಗ್​ ಕೊಹ್ಲಿ, ಪ್ರಿನ್ಸ್ ಶುಭ್​ಮನ್​​​ಗೆ ಬ್ಯಾಟಿಂಗ್ ಟಿಪ್ಸ್ ನೀಡಿದ್ದಾರೆ. ವಿರಾಟ್​​ರ ಬ್ಯಾಟಿಂಗ್ ಟಿಪ್ಸ್​ ಅನ್ನ ಗಿಲ್​​ ಎನ್​​ಕ್ಯಾಶ್ ಮಾಡಿಕೊಳ್ತಾರಾ.? ಅನ್ನೋದಕ್ಕೆ ಏಷ್ಯಾಕಪ್ ಸಮರದಲ್ಲಿ ಆನ್ಸರ್ ಸಿಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ