ನಾಳೆ ಭಾರತ ಮತ್ತು ಪಾಕ್​ ನಡುವಿನ ಮೊದಲ ಜಿದ್ದಾಜಿದ್ದಿ

ಸಿಂಹಳೀಯರ ನಾಡಲ್ಲಿ ಇಂಡೋ -ಪಾಕ್​ ತಂಡಗಳ ಹೋರಾಟ

ಟ್ರೋಫಿ ಗೆಲ್ಲೋ ಲೆಕ್ಕಾಚಾರದಲ್ಲಿದೆ ಟೀಂ ಇಂಡಿಯಾ

ಪಾಕ್​ ವಿರುದ್ಧದ ಕಾಳಗದಲ್ಲಿ ಟೀಮ್​ ಇಂಡಿಯಾನೇ ಗೆಲ್ಲೋ ಫೇವರಿಟ್​​ ಅನ್ನೋದ್ರಲ್ಲಿ ನೋ ಡೌಟ್​!. ಹಾಗಂತ, ಮೈ ಮರೆಯುವಂತಿಲ್ಲ. ಆತ್ಮವಿಶ್ವಾಸ ಒಕೆ. ಅತಿಯಾದ ಆತ್ಮವಿಶ್ವಾಸದಲ್ಲಿ ಕಣಕ್ಕಿಳಿದ್ರೆ ಕಷ್ಟ ಕಷ್ಟ..! ಪಾಕ್​ ಪಡೆಯನ್ನ ನಗ್ಲೆಟ್​​ ಮಾಡುವಂತೆ ಇಲ್ಲ.!

ವಿಶ್ವ ಕ್ರಿಕೆಟ್​ ಲೋಕ ತುದಿಗಾಲಲ್ಲಿ ನಿಂತು ಕಾಯ್ತಿರುವ ಬದ್ಧವೈರಿಗಳ ನಡುವಿನ ಕಾದಾಟಕ್ಕೆ ವೇದಿಕೆ ಸಜ್ಜಾಗಿದೆ. ಸಿಂಹಳೀಯರ ನಾಡಲ್ಲಿ ನಾಳೆ ಇಂಡೋ -ಪಾಕ್​ ತಂಡಗಳ ರಣಾಂಗಣಕ್ಕಿಳಿಯಲಿವೆ. ಇಂಡೋ -ಪಾಕ್​ ಪಂದ್ಯ ಅಂದಮೇಲೆ ಅದರ ಬಗ್ಗೆ ಜಾಸ್ತಿ ವಿವರಿಸೋ ಅಗತ್ಯಾನೇ ಇಲ್ಲ. ಉಭಯ ತಂಡಗಳಿಗೂ ಗೆಲುವೊಂದೆ ಗುರಿ.! ಸೋಲು ಅನ್ನೋ ಪದವನ್ನೇ ಸಹಿಸಲ್ಲ..! ಇಂತಾ ಜಿದ್ದಾಜಿದ್ದಿನ ಕದನಕ್ಕೆ ವೇದಿಕೆ ಸಜ್ಜಾಗಿದೆ.

ಪೆಲ್ಲೆಕೆಲೆಯಲ್ಲಿ ನಾಳೆ ನಡೆಯಲಿರೋ ಪಂದ್ಯದಲ್ಲೂ ಭಾರತವೇ ಗೆಲ್ಲೋ ಫೇವರಿಟ್​ ಆಗಿ ಗುರುತಿಸಿಕೊಂಡಿದೆ. ಟೀಮ್​ ಇಂಡಿಯಾದ ಸ್ಟಾರ್​ಗಳೆಲ್ಲಾ ಸಾಲಿಡ್​ ಫಾರ್ಮ್​ನಲ್ಲಿರೋದು ತಂಡದಲ್ಲೂ ಆತ್ಮವಿಶ್ವಾಸ ಹೆಚ್ಚಿಸಿದೆ. ಭರ್ಜರಿ ಅಭ್ಯಾಸವನ್ನ ನಡೆಸಿರೋ ರೋಹಿತ್​ ಪಡೆ, ಟ್ರೋಫಿ ಗೆಲ್ಲೋ ಲೆಕ್ಕಾಚಾರದಲ್ಲಿ ಶ್ರೀಲಂಕಾಗೆ ಕಾಲಿಟ್ಟಿದೆ. ಆದರೆ ಟ್ರೋಫಿ ಗೆಲುವಿನ ಕನಸು ನನಸಾಗಬೇಕಂದ್ರೆ ಎಚ್ಚರಿಕೆಯ ಆಟ ಅನಿವಾರ್ಯವಾಗಿದೆ. ಅತಿಯಾದ ಆತ್ಮವಿಶ್ವಾಸದಲ್ಲಿ ಕಣಕ್ಕಿಳಿದ್ರೆ, ಪಾಕ್​ ವಿರುದ್ಧದ ಗೆಲುವೇ ಕಷ್ಟವಾಗಲಿದೆ.

ಸಾಲಿಡ್​ ಫಾರ್ಮ್​​ನಲ್ಲಿ ಕ್ಯಾಪ್ಟನ್​ ಬಾಬರ್​ ಅಝಂ.!

ಪಾಕಿಸ್ತಾನ ತಂಡದ ನಾಯಕ ಬಾಬರ್​ ಅಝಂನ ಟೀಮ್​ ಇಂಡಿಯಾಗಿರೋ ಬಿಗ್​ಥ್ರೆಟ್​​. ಸಾಲಿಡ್​​ ಫಾರ್ಮ್​ ಕಂಡುಕೊಂಡಿರುವ ಬಾಬರ್​, ಏಷ್ಯಾಕಪ್​ ಟೂರ್ನಿಯ ಮೊದಲ ಪಂದ್ಯದಲ್ಲೇ 151 ರನ್​ ಚಚ್ಚಿ ಆರ್ಭಟಿಸಿದ್ದಾರೆ. ಬಾಬರ್​ ಶತಕ ಸಿಡಿಸಿದ್ದು ನೇಪಾಳದ ವಿರುದ್ಧವಾದ್ರೂ, ಸಂದೇಶ ರವಾನಿಸಿರೋದು ಟೀಮ್​ ಇಂಡಿಯಾಗೆ!.

ಸೈಲೆಂಟ್​ ಕಿಲ್ಲರ್​ ಇಫ್ತಿಕಾರ್​ ಅಹಮ್ಮದ್​.!

ಸ್ವಲ್ಪ ಯಾಮಾರಿದ್ರೂ, ಮ್ಯಾಚ್​ ವಿನ್ನಿಂಗ್​ ಇನ್ನಿಂಗ್ಸ್​ ಕಟ್ಟಬಲ್ಲ ಸಾಮರ್ಥ್ಯ ಇಫ್ತಿಕಾರ್​ ಅಹಮ್ಮದ್​ಗಿದೆ. ಇದಕ್ಕೆ ನೇಪಾಳ ವಿರುದ್ಧದ ಪಂದ್ಯವೇ ಬೆಸ್ಟ್​ ಎಕ್ಸಾಂಪಲ್​.! ನೇಪಾಳದ ವಿರುದ್ಧ ಕ್ರೂಶಿಯಲ್​ ಟೈಮ್​ನಲ್ಲಿ ಮ್ಯಾಚ್​ ವಿನ್ನಿಂಗ್​​ ಇನ್ನಿಂಗ್ಸ್​ ಕಟ್ಟಿದ ಇಫ್ತಿಕಾರ್​​, ಸೆಂಚುರಿ ಸಿಡಸಿ ಆರ್ಭಟಿಸಿದ್ರು. ಹೀಗಾಗಿ ಇಫ್ತಿಕಾರ್​ ಅಹಮ್ಮದ್​ರನ್ನ ಟೀಮ್​ ಇಂಡಿಯಾ ಪಡೆ ಲಘುವಾಗಿ ಪರಿಗಣಿಸುವಂತಿಲ್ಲ.

ಡೇಂಜರಸ್ ವೆಪನ್​ ಮೊಹಮ್ಮದ್​ ರಿಜ್ವಾನ್​.!

ಪಾಕಿಸ್ತಾನದ ವಿಕೆಟ್​ ಕೀಪರ್​​ ಬ್ಯಾಟ್ಸ್​ಮನ್​ ಮೊಹಮ್ಮದ್​ ರಿಜ್ವಾನ್​ ಕೂಡ ಏಷ್ಯಾಕಪ್​ನ ಮೊದಲ ಪಂದ್ಯದಲ್ಲೇ ಉತ್ತಮ ಬ್ಯಾಟಿಂಗ್​ ನಡೆಸಿದ್ದಾರೆ. ಡಿಸೇಂಟ್​​ ಬ್ಯಾಟಿಂಗ್​ ನಡೆಸಿರುವ ರಿಜ್ವಾನ್ ಕಟ್ಟಿ ಹಾಕಲು ​ರೋಹಿತ್​ & ಟೀಂ ವಿಶೇಷ ಗೇಮ್​ಪ್ಲಾನ್​ ರೂಪಿಸಲೇಬೇಕು. ಯಾಕಂದ್ರೆ, ಸಾಲಿಡ್​​​ ಫಾರ್ಮ್​ನಲ್ಲಿರೋ ರಿಜ್ವಾನ್​, ಭಾರತದ ವಿರುದ್ಧ ಪಂದ್ಯ ಅಂದ್ರೆ, ತೊಡೆ ತಟ್ಟಿ ನಿಲ್ತಾರೆ. ಇದಕ್ಕೆ 2021ರ ಟಿ20 ವಿಶ್ವಕಪ್​ ಪಂದ್ಯಕ್ಕಿಂತ ಉದಾಹರಣೆ ಬೇಕಾ..?

ಗುಡ್​ ಟಚ್​ನಲ್ಲಿ ಸ್ಪಿನ್​ ಮಾಸ್ಟರ್​​​​ ಶದಾಬ್​​​ ಖಾನ್​.!

ಪಾಕಿಸ್ತಾನದ ಸ್ಪಿನ್ನರ್​​​ ಶದಾಬ್​​ ಖಾನ್​ ಕೂಡ ಅಮೋಘ ಲಯದಲ್ಲಿದ್ದಾರೆ. ಪಾಕಿಸ್ತಾನ ಪಡೆಯ ಗೇಮ್​ಚೇಂಜರ್​ ಆಗ ಗುರುತಿಸಿಕೊಂಡಿರೋ ಶಬಾದ್​, ಮೊದಲ ಪಂದ್ಯದಲ್ಲೇ 4 ವಿಕೆಟ್​ ಉರುಳಿಸಿ ಮ್ಯಾಜಿಕ್​ ಮಾಡಿದ್ದಾರೆ. ಹೇಳಿ-ಕೇಳಿ ಲಂಕಾದ ಪಿಚ್​ಗಳು ಸ್ಪಿನ್​ ಸ್ನೇಹಿಯಾಗಿರೋದ್ರಿಂದ, ಶದಾಬ್​​​​ ಖಾನ್​ನ ಎಚ್ಚರಿಕೆಯಿಂದ ಡೀಲ್​ ಮಾಡಬೇಕಿದೆ.

ವೇಗಿಗಳೂ ಕೂಡ ಮೋಸ್ಟ್​ ಡೇಂಜರಸ್​​.!

ಪಾಕಿಸ್ತಾನದ ತ್ರಿವಳಿ ಜೋಡಿಗಳಾದ ನಸೀಮ್​ ಶಾ, ಶಾಹೀನ್​ ಶಾ ಅಫ್ರಿದಿ ಹಾಗೂ ಹ್ಯಾರೀಸ್​ ರೌಫ್ ಪಾಕ್​ ಬತ್ತಳಿಕೆಯಲ್ಲಿರೋ ಮೋಸ್ಟ್​ ಡೇಂಜರಸ್​ ವೆಪನ್ಸ್​.! ನೇಪಾಳ ವಿರುದ್ಧ ಹ್ಯಾರಿಸ್​​ ರೌಫ್​, ಶಾಹೀನ್​ ಅಫ್ರಿದಿ ತಲಾ 2 ವಿಕೆಟ್​ ಉರುಳಿಸಿದ್ರೆ, ನಸೀಮ್​ ಶಾ ಎಕಾನಮಿಕಲ್​ ಸ್ಪೆಲ್​ ಹಾಕಿ ಗಮನ ಸೆಳೆದಿದ್ದಾರೆ.

ಒಟ್ಟಿನಲ್ಲಿ, ಬದ್ಧವೈರಿಗಳ ನಡುವಿನ ಕದನದಲ್ಲಿ ಟೀಮ್​ ಇಂಡಿಯಾ ಹೇಗೆ ಗೆಲುವನ್ನೇ ಗುರಿಯಾಗಿಸಿದೆಯೋ, ಹಾಗೇ ಪಾಕ್​ ಸೇಡಿನ ಸಮರಕ್ಕೆ ಸಜ್ಜಾಗಿದೆ. ಕಳೆದ ಟಿ20 ವಿಶ್ವಕಪ್​ ಸೋಲು ಇಂದಿಗೂ ಪಾಕ್​ ಪಡೆಯನ್ನ ಬಿಟ್ಟೋ ಬಿಡದೇ ಕಾಡ್ತಿದೆ. ಈ ಸೇಡಿನ ಜ್ವಾಲೆಯು ಆಟಗಾರರ ಎದೆಯಲ್ಲಿ ಉರೀತಿದೆ. ಹೀಗಾಗಿ ಟೀಮ್​ ಇಂಡಿಯಾಗೆ ಟಫ್​ ಫೈಟ್​​ ಕೊಡೋದಂತೂ ಪಕ್ಕಾ.!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ