ಏಷ್ಯಾಕಪ್​ನಲ್ಲಿ ಡಾಮಿನೇಟಿಂಗ್ ಪರ್ಫಾಮೆನ್ಸ್ ನೀಡಿದ ಭಾರತ

ಪಾಕ್ ವಿರುದ್ಧ ರಾಹುಲ್ ಆಡಿದ ಅಮೋಘ ಬ್ಯಾಟಿಂಗ್ ಅದ್ಭುತ

ಬಾಂಗ್ಲಾ ವಿರುದ್ಧ ಏಕಾಂಗಿ ಹೋರಾಟದಲ್ಲಿ ಎಡವಿದ ಶುಭ್​ಮನ್

ಏಷ್ಯಾಕಪ್​ ಮುಗಿಯಿತು. ಟೀಮ್ ಇಂಡಿಯಾ ಚಾಂಪಿಯನ್ ಆಗಿ ಮೆರೆದಾಡಿದ್ದು ಆಯ್ತು. ಆದ್ರೆ, ಈ ಅದ್ಭುತ ಪಯಣದಲ್ಲಿ ಈ ತ್ರಿಮೂರ್ತಿಗಳ ಬ್ಯಾಟಿಂಗ್​ನ ಮರೆಯುವಂತೆ ಇಲ್ಲ. ಏಷ್ಯಾಕಪ್​​ ಟೂರ್ನಿಯಲ್ಲಿ ನಿಜಕ್ಕೂ ಟೀಮ್ ಇಂಡಿಯಾ ಡಾಮಿನೇಟಿಂಗ್ ಪರ್ಫಾಮೆನ್ಸ್​ ನೀಡಿದೆ. ವಿಶ್ವಕಪ್ ಆರಂಭಕ್ಕೂ ಮುನ್ನ ನಡೆದ ಈ ಮಹಾ ಸಮರದಲ್ಲಿ ಅದ್ಭುತ ಆಟವಾಡಿ, ಶತಕ ಸಿಡಿಸಿದ್ದು ತ್ರಿಮೂರ್ತಿಗಳು. ಆದ್ರೆ, ಈ ತ್ರಿಮೂರ್ತಿಗಳಲ್ಲಿ ಯಾರದ್ದು ಟಾಪ್​​ ಕ್ಲಾಸ್​ ಇನ್ನಿಂಗ್ಸ್​.

ಪಾಕ್​ ಎದುರು ಕೆ.ಎಲ್ ರಾಹುಲ್​ರ ಅಮೋಘ ಶತಕ!

ಏಷ್ಯಾಕಪ್​​ನಲ್ಲಿ ಮೂಡಿ ಬಂದ ಟಾಪ್- ಇನ್ನಿಂಗ್ಸ್​ ಅಂದ್ರೆ, ಅದು ಕನ್ನಡಿಗ ಕೆ.ಎಲ್.ರಾಹುಲ್ ಶತಕದಾಟ. ಇಂಜುರಿ ಸಮಸ್ಯೆಯಿಂದ ಲೀಗ್​ ಮ್ಯಾಚ್​ಗಳಿಗೆ ಅಲಭ್ಯರಾಗಿದ್ದ ರಾಹುಲ್, ಪಾಕ್​​ ವಿರುದ್ಧದ ಸೂಪರ್​​-4 ಮ್ಯಾಚ್ ನಿಜಕ್ಕೂ ಬಿಗ್ ಚಾಲೆಂಜ್ ಆಗಿತ್ತು. ಆದ್ರೆ, 3ನೇ ವಿಕೆಟ್​​ಗೆ ಕೊಹ್ಲಿ ಜೊತೆ ರಾಹುಲ್ ದಾಖಲೆಯ 233 ರನ್​ಗಳ ಜೊತೆಯಾಟವಾಡಿದರು. ಈ ಅದ್ಭುತ ಜೊತೆಯಾಟದಲ್ಲಿ 12 ಬೌಂಡರಿ, 2 ಸಿಕ್ಸರ್ ಒಳಗೊಂಡ 111 ರನ್ ಬಾರಿಸಿದ್ದು ನಿಜಕ್ಕೂ ಅಮೋಘ. ಅಷ್ಟೇ ಅಲ್ಲ, ಟೂರ್ನಿ ಉದ್ದಕ್ಕೂ ಇಂಪ್ರೆಸ್ಸಿಂಗ್ ಪರ್ಫಾಮೆನ್ಸ್ ನೀಡಿ ಸೈ ಎನಿಸಿಕೊಂಡರು.

ಸೂಪರ್​-4ನಲ್ಲಿ ವಿರಾಟ್ ಕೊಹ್ಲಿಯ ಸಿಡಿಲಬ್ಬರದಾಟ..!

ಏಷ್ಯಾಕಪ್​ನಲ್ಲಿ ಕೊಹ್ಲಿಯಿಂದ ಮೂಡಿ ಬಂದ ಸೂಪರ್ ಆಟವೆಂದ್ರೆ ಪಾಕ್​ ವಿರುದ್ಧದ ಸೂಪರ್​-4 ಮ್ಯಾಚ್​ನ ಶತಕ ಅನ್ನೋದು ಬಿಡಿಸಿ ಹೇಳಬೇಕಿಲ್ಲ. ರೋಹಿತ್, ಗಿಲ್ ವಿಕೆಟ್ ಪತನದ ಬಳಿಕ ಇನ್ನಿಂಗ್ಸ್​ ಕಟ್ಟುವ ಹೊಣೆ ಹೊತ್ತಿದ್ದ ಕೊಹ್ಲಿ 94 ಎಸೆತಗಳಲ್ಲಿ 9 ಬೌಂಡರಿ, 3 ಸಿಕ್ಸರ್ ಒಳಗೊಂಡ ಅಜೇಯ 122 ರನ್ ಸಿಡಿಸಿದರು. ಈ ಮ್ಯಾಚ್ ವಿನ್ನಿಂಗ್ ಪರ್ಫಾಮೆನ್ಸ್​ಗೆ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಮುಡಿಗೇರಿತು.

ಬಾಂಗ್ಲಾ ಎದುರು ಶುಭ್​ಮನ್ ಏಕಾಂಗಿ ಹೋರಾಟ

ಬಾಂಗ್ಲಾ ವಿರುದ್ಧದ ಅನೌಪಚಾರಿಕ ಪಂದ್ಯದಲ್ಲಿ ಟೀಮ್ ಇಂಡಿಯಾ ಸೋಲೊಪ್ಪಿಕೊಳ್ತು. ಈ ಪಂದ್ಯದಲ್ಲಿ ಟೀಮ್ ಇಂಡಿಯಾ ಮುಖಭಂಗ ಅನುಭವಿಸಿದರು. ಏಕಾಂಗಿಯಾಗಿ ಹೋರಾಟ ನಡೆಸಿದ ಗಮನ ಸೆಳೆದಿದ್ದು ಶುಭ್​ಮನ್ ಗಿಲ್..

ಟ್ರಿಕ್ಕಿ ಪಿಚ್​ನಲ್ಲಿ ಬಾಂಗ್ಲಾ ನೀಡಿದ್ದ 266 ರನ್​ಗಳ ಟಾರ್ಗೆಟ್ ಬೆನ್ನತ್ತಿದ್ದ ಟೀಮ್ ಇಂಡಿಯಾ ಆರಂಭದಲ್ಲೇ ಎಡವಿತ್ತು. ಆದ್ರೆ, ಒಂದ್ಕಡೆ ವಿಕೆಟ್ ಬೀಳುತ್ತಿದ್ದರು ಏಕಾಂಗಿ ಹೋರಾಟ ನಡೆಸಿದ ಗಿಲ್ 133 ಎಸೆತಗಳಲ್ಲಿ 8 ಬೌಂಡರಿ, 5 ಸಿಕ್ಸರ್​ ಒಳಗೊಂಡ 121 ರನ್ ಸಿಡಿಸಿ ಗೆಲುವಿನ ಅಂಚಿನಲ್ಲಿ ಎಡವಿದ್ರು. ಈ ಪಂದ್ಯವನ್ನ ಟೀಮ್ ಇಂಡಿಯಾ ಕೈಚೆಲ್ಲಿತು. ಗಿಲ್​ರ ಮನಮೋಹಕ ಆಟ ನಿಜಕ್ಕೂ ನೆಕ್ಸ್ಟ್​ ಲೆವೆಲ್.

ಮೆಗಾ ಟೂರ್ನಿಗೂ ಮುನ್ನ ನಡೆದ ಈ ಮಿನಿ ಸಮರ ಟೀಮ್ ಇಂಡಿಯಾ ಪಾಲಿಗೆ ಅಗ್ನಿ ಪರೀಕ್ಷೆಯ ಕಣವಾಗಿತ್ತು. ಈ ಕಣದಲ್ಲಿ ಟೀಮ್ ಇಂಡಿಯಾದ ಟಾಪ್-4 ಬ್ಯಾಟ್ಸ್​ಮನ್​​ಗಳು ನೀಡಿರುವ ಪ್ರದರ್ಶನ ವಿಶ್ವಕಪ್​ ಮುನ್ನ ಆತ್ಮವಿಶ್ವಾಸ ಡಬಲ್ ಮಾಡಿರೋದು ಸುಳ್ಳಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ