ವಾಟರ್​ ಬಾಯ್​ ಆದ ವಿಶ್ವದ ಶ್ರೀಮಂತ ಕ್ರಿಕೆಟಿಗ..!

ಇಂಡೋ-ಪಾಕ್​ ಫೈಟ್​ನಲ್ಲಿ ಸಹೋದರತ್ವದ ಸಂದೇಶ

ಟೀಮ್​ ಇಂಡಿಯನ್ಸ್​ ನಡೆಗೆ ನೇಪಾಳ ಕ್ರಿಕೆಟರ್ಸ್​ ಖುಷ್.​.!

ಚಾಂಪಿಯನ್​ ಯಾರಾದರೂ ಅನ್ನೋದನ್ನು ಹೊರತುಪಡಿಸಿಯೂ ಈ ಬಾರಿ ಏಷ್ಯಾಕಪ್​ ಟೂರ್ನಿ ಕ್ರಿಕೆಟ್​ ಲೋಕದ ಗಮನ ಸೆಳೆಯಿತು. ಕಾಂಟ್ರವರ್ಸಿ, ಆನ್​ಫೀಲ್ಡ್​ ಆಟ, ರೆಕಾರ್ಡ್​​ಗಳು ಇವನ್ನೆಲ್ಲಾ ಸೈಡಿಗಿಡಿ. ಇದ್ರ ಹೊರತಾಗಿ ಈ ಬಾರಿಯ ಏಷ್ಯಾಕಪ್​ನ ಟಾಪ್​​ ಮೂಮೆಂಟ್ಸ್​ ಇಲ್ಲಿದೆ.

ಏಷ್ಯಾಕಪ್​ ಟೂರ್ನಿ ಆರಂಭವಾದಾಗಿನಿಂದ ಈವರೆಗೆ ಇದೊಂದು ಬ್ಯಾಟ್​ ಮತ್ತು ಬಾಲ್​ ವಾರ್​ ಆಗಿ ಮಾತ್ರ ಸೀಮಿತವಾಗಿತ್ತು. ಸಿಕ್ಕಾಪಟ್ಟೆ ಡಿಫರೆಂಟ್​ ಆಗಿ ಟೂರ್ನಿ ಕಾಣಿಸಿಕೊಳ್ತು. ಆನ್​ಫೀಲ್ಡ್​ನ ಹೋರಾಟದ ಹೊರತಾಗಿ ಆಪ್​ ದ ಫೀಲ್ಡ್​ನ ಕೆಲ ವಿಚಾರಗಳು ವಿಶ್ವ ಕ್ರಿಕೆಟ್​ ಲೋಕದ ಗಮನ ಸೆಳೆದ್ವು.

ವಾಟರ್​ ಬಾಯ್​ ಆದ ವಿಶ್ವದ ಶ್ರೀಮಂತ ಕ್ರಿಕೆಟಿಗ..!

ಈ ಬಾರಿಯ ಏಷ್ಯಾಕಪ್​ ಟೂರ್ನಿಯಲ್ಲಿ ಜಗತ್ತಿನ ಶ್ರೀಮಂತ ವಾಟರ್​ ಬಾಯ್​​ ದರ್ಶನವಾಯ್ತು. ಬಾಂಗ್ಲಾದೇಶ ವಿರುದ್ಧದ ಸೂಪರ್​ 4 ಪಂದ್ಯದಲ್ಲಿ ವಿಶ್ರಾಂತಿ ಪಡೆದಿದ್ದ ಕೊಹ್ಲಿ ವಾಟರ್​ ಬಾಯ್​ ಜವಾಬ್ದಾರಿ ನಿರ್ವಹಿಸಿದ್ರು. ಬ್ರೇಕ್​ ವೇಳೆ ಡ್ರಿಂಕ್ಸ್​ ಹಿಡಿದು ಫನ್ನಿಯಾಗಿ ಡ್ಯಾನ್ಸ್​ ಮಾಡಿಕೊಂಡು ಬಂದ ಕೊಹ್ಲಿ ಸರಳತೆಯಿಂದ ಎಲ್ಲರ ಮನ ಗೆದ್ರು.

Virat Kohli is water boy under Rohit Sharma captaincy 😍#INDvBAN pic.twitter.com/4eYdKYEsgx

— Ctrl C Ctrl Memes (@Ctrlmemes_) September 15, 2023

ಸಹೋದರತ್ವದ ಸಂದೇಶ ಸಾರಿದ ಇಂಡೋ-ಪಾಕ್​ ಫೈಟ್​

ಇಂಡಿಯಾ-ಪಾಕಿಸ್ತಾನ ನಡುವಿನ ಕ್ರಿಕೆಟ್​ ಪಂದ್ಯದ ಕಾವು ವಿಶ್ವದೆಲ್ಲೆಡೆ ಹಬ್ಬಿದ್ದಾಗ ತಮ್ಮ ನಡೆಯಿಂದ ಪಾಕ್​ ವೇಗಿ ಶಾಹಿನ್​ ಶಾ ಅಫ್ರಿದಿ ಎಲ್ಲರ ಮನ ಗೆದ್ರು. ಇಂಡೋ-ಪಾಕ್​ ಸೂಪರ್​-4 ಫೈಟ್​ಗೂ ಮುನ್ನ ತಂದೆಯಾದ ಬೂಮ್ರಾಗೆ, ಸ್ಪೆಷಲ್​ ಗಿಫ್ಟ್​ ನೀಡಿ ವಿಷ್​ ಮಾಡಿ ಸಹೋದರತ್ವದ ಸಂದೇಶ ಸಾರಿದ್ರು. ಇಷ್ಟೇ ಅಲ್ಲ.. ಪಂದ್ಯದ ವೇಳೆ ಪಾಕ್​ ಬ್ಯಾಟರ್​ ಸಲ್ಮಾನ್​ ಆಘಾರ ಕಣ್ಣಿನ ಬಳಿ ಚೆಂಡು ಬಡಿದು ರಕ್ತಸ್ರಾವ ಆದಾಗ ಕೆ.ಎಲ್​ ರಾಹುಲ್​ ಸ್ಪಂದಿಸಿದ ರೀತಿಯೂ ಎಲ್ಲರ ಗಮನ ಸೆಳೆಯಿತು.

Beautiful moments ❤️❤️Shaheen Afridi delivers a special gift to Jasprit Bumrah on this joyous occasion 🎁 #PAKvIND #INDvPAK #ViratKohli #ShaheenAfridi #AsiaCup pic.twitter.com/zgGqKNmbWU

— Akhtar Jamal (@AkhtarActivist) September 10, 2023

ಟೀಮ್​ ಇಂಡಿಯಾ​ ನಡೆಗೆ ನೇಪಾಳ ಕ್ರಿಕೆಟರ್ಸ್​ ಖುಷ್.​.!

ಏಷ್ಯಾಕಪ್​ ಟೂರ್ನಿಗೆ ಮೊದಲ ಬಾರಿ ಎಂಟ್ರಿ ಕೊಟ್ಟ ನೇಪಾಳ ಟೀಮ್​ ಇಂಡಿಯಾ ಎದುರು ಫೈನೆಸ್ಟ್​ ಪರ್ಫಾಮೆನ್ಸ್​ ನೀಡ್ತು. ಆ ಬಳಿಕ ನೇಪಾಳ ಡ್ರೆಸ್ಸಿಂಗ್​ ರೂಮ್​ ತೆರಳಿ ಟೀಮ್​ ಇಂಡಿಯಾ ಕ್ರಿಕೆಟಿಗರು ಅಭಿನಂದಿಸಿ ಕ್ರೀಡಾಸ್ಪೂರ್ತಿ ಮೆರೆದ್ರು. ದ್ರಾವಿಡ್​, ಕೊಹ್ಲಿ, ರೋಹಿತ್ ತಮ್ಮ ನಡೆಯಿಂದಲೇ ಎಲ್ಲರ ಮನ ಗೆದ್ದರು.

In the world of cricket, heroes rise not only through their batting and bowling, but also through their sportsmanship and character. We extend our heartfelt gratitude to the @BCCI @imVkohli @hardikpandya7, and the extraordinary Indian cricket team for the time together. pic.twitter.com/RCaEF0TxwS

— CAN (@CricketNep) September 5, 2023

 

ಜೂನಿಯರ್​ ಆಟಗಾರರಿಗೆ ಕೊಹ್ಲಿ ಕ್ಲಾಸ್​..!
ಟೀಮ್​ ಇಂಡಿಯಾದ ಅಭ್ಯಾಸಕ್ಕೆ ನೆರವಾಗಲು ಶ್ರೀಲಂಕಾದ ಜೂನಿಯರ್​ ಲೆವೆಲ್ ಕ್ರಿಕೆಟರ್​​ಗಳು ನೆಟ್ಸ್​ನಲ್ಲಿ ಆಟಗಾರರಿಗೆ​​ ಬೌಲಿಂಗ್​ ಮಾಡಿದ್ರು. ಈ ಆಟಗಾರರೊಂದಿಗೆ ಕೆಲ ಕಾಲ ಕಳೆದ ಕೊಹ್ಲಿ, ಅನುಭವದ ಪಾಠ ಮಾಡಿದರು.

ಸ್ಪೆಷಲ್​ ಗಿಫ್ಟ್​ ನೋಡಿ ಸ್ಪೀಚ್​ಲೆಸ್​ ಆದ ಕೊಹ್ಲಿ.!

ಕೊಹ್ಲಿ ಅನುಭವದ ಪಾಠ ಒಂದೆಡೆಯಾದ್ರೆ, ಲೆಜೆಂಡ್​ ಕೊಹ್ಲಿಯನ್ನ ಭೇಟಿಯಾದ ಖುಷಿ ಜೂನಿಯರ್​ ಕ್ರಿಕೆಟರ್​ಗಳದ್ದಾಗಿತ್ತು. ಅದ್ರಲ್ಲಿದ್ದ ಒಬ್ಬ ಕ್ರಿಕೆಟರ್​​ ಕೊಹ್ಲಿಗೆ ಸ್ಪೆಷಲ್​ ಗಿಫ್ಟ್​ ನೀಡಿ ಕೊಹ್ಲಿಯನ್ನು ಸ್ಪೀಚ್​ಲೆಸ್​ ಮಾಡಿಬಿಟ್ಟ.

Sri Lankan Net bowler Krishan gifted a silver bat to Virat Kohli.

The message on the bat-

" Hey Champ, I just want to see your 100th century in International cricket.I hope you must get it in future. So all the best to you..I hope you like the gift Best wishes to you my champ" pic.twitter.com/y3j7PP7DKD

— Gaurav (@Melbourne__82) September 11, 2023

 

ಮಳೆಯಾಟದ ನಡುವೆ ಮನ ಗೆದ್ದ ಟ್ರೂ ಫೈಟರ್ಸ್​..!

ಈ ಬಾರಿಯ ಏಷ್ಯಾಕಪ್​ ಟೂರ್ನಿ ಬ್ಯಾಟ್​-ಬಾಲ್​ ವಾರ್​ಗಿಂತ ಮಳೆಯಿಂದಲೇ ಹೆಚ್ಚು ಸುದ್ದಿಯಾಯ್ತು. ಆದ್ರೆ, ವರುಣನ ಅವಕೃಪೆಯ ನಡುವೆಯೂ ಪಂದ್ಯವನ್ನ ನಡೆಸಲು ಹೋರಾಡಿದ ಗ್ರೌಂಡ್​ ಸ್ಟಾಫ್​ ಶ್ರಮವನ್ನ ಮೆರಯೋಕೆ ಸಾಧ್ಯಾನೆ ಇಲ್ಲ. ಸುರಿವ ಮಳೆ.. ಕೊರೆವ ಚಳಿಯನ್ನ ಲೆಕ್ಕಿಸದೆ ಪಂದ್ಯ ನಡೀಬೇಕು ಅನ್ನೋ ಏಕೈಕ ಉದ್ದೇಶಕ್ಕೆ ಇವರ ಪಟ್ಟ ಶ್ರಮ ಇದ್ಯಲ್ಲ.. ಅದು ಬೆಲೆ ಕಟ್ಟಲಾಗದ್ದು!

ಒಟ್ಟಿನಲ್ಲಿ, ಈ ಬಾರಿಯ ಏಷ್ಯಾಕಪ್​ ಟೂರ್ನಿ ಕೇವಲ ಬ್ಯಾಟ್​ ಮತ್ತು ಬಾಲ್​ನ ವಾರ್​ಗೆ ಮಾತ್ರ ಸೀಮಿತವಾಗಿರಲಿಲ್ಲ. ಕ್ರಿಕೆಟ್​ನ ಜೊತೆಗೆ ಸಹೋದರತ್ವ, ಮಾನವೀಯತೆ, ತ್ಯಾಗ, ಪರಿಶ್ರಮ ಎಲ್ಲದಕ್ಕೂ ಸಾಕ್ಷಿಯಾಯ್ತು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್