World Cup 2023: ಯಾರಿಗುಂಟು.. ಯಾರಿಗಿಲ್ಲ! ಭಾರತ ಗೆದ್ದರೆ 100 ಕೋಟಿ ರೂಪಾಯಿ ನೀಡುತ್ತೇನೆಂದ ಆಸ್ಟ್ರೋಟಾಕ್​ ಸಿಇಒ!

ಟೀಂ ಇಂಡಿಯಾದ ಕುರಿತಾಗಿ ಭಾರೀ ನಿರೀಕ್ಷೆಗಳಿವೆ. ಅದರಲ್ಲೂ ಎಲ್ಲರ ಬಾಯಲ್ಲಿ ಈ ಬಾರಿ ಟೀಂ ಇಂಡಿಯಾಗೆ ವಿಶ್ವಕಪ್​ ಟ್ರೋಫಿ ಎಂಬ ಮಂತ್ರವನ್ನು ಕೇಳುತ್ತಿದೆ. ಅದರಲ್ಲೂ ಕೆಲವರು ಟೀಂ ಇಂಡಿಯಾ ಗೆಲ್ಲುತ್ತದೆ ಎಂಬ ಭರವಸೆ ನೀಡುವುದರ ಜೊತೆಗೆ ಕೆಲವು ಸವಾಲನ್ನು ಹಾಕುತ್ತಿದ್ದಾರೆ. ಅದರಂತೆಯೇ ಆಸ್ಟ್ರೋಟಾಕ್​ ಸಿಇಒ ಪುನೀತ್​ ಗುಪ್ತಾ ಕೂಡ ಭಾರತ ಗೆದ್ದರೆ 100 ಕೋಟಿಯ ಸವಾಲೆಸೆದಿದ್ದಾರೆ.

ಪುನೀತ್​ ಗುಪ್ತಾ, ಭಾರತ ವಿಶ್ವಕಪ್​ ಟ್ರೋಫಿ ಗೆದ್ದರೆ ಆಸ್ಟ್ರೋಟಾಕ್​ ಬಳಕೆದಾರರಿಗೆ 100 ಕೋಟಿ ರೂಪಾಯಿ ವಿತರಿಸುವುದಾಗಿ ಹೇಳಿದ್ದಾರೆ. ಸದ್ಯ ಈ ವಿಚಾರ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿದೆ.

ಲಿಂಕ್ಡ್​ಇನ್​ನಲ್ಲಿ ಪೋಸ್ಟ್​ ಈ ವಿಚಾರವನ್ನು ಹಂಚಿಕೊಂಡ ಪುನೀತ್​ ಗುಪ್ತಾ, ‘‘ಭಾರತ ಕೊನೆಯ ಬಾರಿಗೆ 2011ರಲ್ಲಿ ವಿಶ್ವಕಪ್​ ಗೆದ್ದಾಗ ನಾನು ಕಾಲೇಜಿನಲ್ಲಿದ್ದೆ. ಇದುನನ್ನ ಜೀವನದ ಸಂತಸದ ದಿನವಾಗಿತ್ತು’’ ಎಂದು ಬರೆದುಕೊಂಡಿದ್ದಾರೆ.

ಇದನ್ನು ಓದಿ: INDvsAUS: ಸಿರಾಜ್​ ಮೇಲೆ ಬೇಸರ, ಅಶ್ವಿನ್​ಗಾಗಿ ಕಾತುರ! ನಾಳೆ ತಂಡದಲ್ಲಿ ಬದಲಾವಣೆ ಇದೆಯಾ? ಸಂಭಾವ್ಯ ಪಟ್ಟಿ ಇಲ್ಲಿದೆ

ಬಳಿಕ, ‘‘ನಾವು ಇಡೀ ರಾತ್ರಿ ಪಂದ್ಯದ ತಂತ್ರವನ್ನು ಚರ್ಚಿಸುತ್ತಲೇ ಇದ್ದುದ್ದರಿಂದ ಪಂದ್ಯದ ದಿನ ರಾತ್ರಿ ಸರಿಯಾಗಿ ನಿದ್ರೆ ಮಾಡಲಿಲ್ಲ. ಪಂದ್ಯ ಗೆದ್ದಾಗ ಗೆಳೆಯರನ್ನ ಅಪ್ಪಿಕೊಂಡೆ. ಚಂಡೀಗಢದಲ್ಲಿ ಬೈಕ್​ ರೈಡ್​ ಮಾಡಿದೆವು. ಅಪರಿಚಿತರೊಂದಿಗೆ ಸಂತಸ ಹಂಚಿಕೊಂಡೆವು. ಆ ದಿನ ನನ್ನ ಜೀವನದ ಸಂತೋಷದಾಯಕ ದಿನವಾಗಿತ್ತು’’ ಎಂದು ಆಸ್ಟ್ರೋಟಾಕ್ ಸಿಇಓ ಪುನೀತ್​ ಗುಪ್ತಾ ಬರೆದುಕೊಂಡಿದ್ದಾರೆ.

‘‘ಕಳೆದ ವರ್ಷ ನನ್ನ ಸಂತೋಷವನ್ನು ಕೆಲವು ಸ್ನೇಹಿತರೊಂದಿಗೆ ಹಂಚಿಕೊಂಡೆ. ಆದರೆ ಈ ಬಾರಿ ಹೆಚ್ಚು ಆಸ್ಟ್ರೋಟಾಕ್​ ಬಳಕೆದಾರರನ್ನು ಹೊಂದಿದ್ದೇವೆ. ಅವರೊಂದಿಗೆ ನನ್ನ ಸಂತೋಷ ಹಂಚಿಕೊಳ್ಳಲು ನಾನು ಏನು ಮಾಡಬೇಕು ಎಂದು ಯೋಚಿಸಿದೆ. ಹಾಗಾಗಿ ಇಂದು ಬೇಳಿಗ್ಗೆ ನನ್ನ ಹಣಕಾಸು ತಂಡದೊಂದಿಗೆ ಚರ್ಚಿಸಿದೆ. ಭಾರತ ವಿಶ್ವಕಪ್​ ಗೆದ್ದರೆ ನಮ್ಮ ಬಳಕೆದಾರರ ವಾಲೆಟ್​ಗಳಲ್ಲಿ 100 ಕೋಟಿ ರೂಪಾಯಿಗಳನ್ನು ಹಂಚುವುದಾಗಿ ನಿರ್ಣಯ ಮಾಡಿದೆವು’’ ಎಂದು ಹೇಳಿದ್ದಾರೆ.

ಇದನ್ನು ಓದಿ: INDvsAUS: ಮೋದಿ ಜೊತೆಗೆ ಪಂದ್ಯ ವೀಕ್ಷಿಸಲಿದ್ದಾರೆ ಆಸ್ಟ್ರೇಲಿಯಾ ಉಪ ಪ್ರಧಾನಿ.. ನಾಳೆ ಏರ್​ಶೋ, ಲೈವ್​ ಪ್ರದರ್ಶನ ಭಾರೀ ಜೋರು

ಅಂದಹಾಗೆಯೇ ಆಸ್ಟ್ರೋಟಾಕ್ ಎಂಬುದು ಜೋತಿಷ್ಯದ ಬಗ್ಗೆ ತಿಳಿ ಹೇಳುವ ಆ್ಯಪ್​ ಇದಾಗಿದೆ. ಬಹುತೇಕ ಜನರು ಈ ಆ್ಯಪ್​ ಅನ್ನು ಡೌನ್​ಲೋಡ್​ ಮಾಡಿ ಬಳಸುತ್ತಿದ್ದಾರೆ. ಅದರಂತೆಯೇ ಪುನೀತ್​ ಗುಪ್ತಾ ಈ ಆ್ಯಪ್​ ಬಳಕೆದಾರರಿಗಾಗಿ 100 ಕೋಟಿ ಸವಾಲೆಸೆದಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ