ಸರ್ಜರಿಗೆ ಎಂದು ಲಂಡನ್​ಗೆ ಹೋಗಿ ಹೊಸ ವಿವಾದ

ಇನ್ನೂ ಬುದ್ಧಿ ಕಲಿಯದ K.L ರಾಹುಲ್

ಹಳೇ ಕಾಫಿ ವಿವಾದದಿಂದ ಬುದ್ಧಿ ಕಲಿಯದ ಕನ್ನಡಿಗ

ಕಲಿಯದಿದ್ರೆ ಇನ್ನೇನು ಹೇಳೋದು ಹೇಳಿ. ಚಿಕಿತ್ಸೆ ಪಡೆಯಲು ಲಂಡನ್​ಗೆ ತೆರಳಿದ್ದ ಟೀಂ ಇಂಡಿಯಾದ ಸ್ಟಾರ್​ ಕ್ರಿಕೆಟರ್​​ ಮೋಜು-ಮಸ್ತಿಯಲ್ಲಿ ಮುಳುಗಿ ವಿವಾದಕ್ಕೀಡಾಗಿದ್ದಾರೆ.

ಮೇ 1, 2023. ಕನ್ನಡಿಗರಿಗೆ ಒಂದು ಬ್ಯಾಡ್​​​ನ್ಯೂಸ್ ಕಿವಿಗಪ್ಪಳಿಸಿತ್ತು. ಕೆ.ಎಲ್​.ರಾಹುಲ್​ ಆರ್​ಸಿಬಿ ಎದುರಿನ ಪಂದ್ಯದಲ್ಲಿ ಥೈ ಇಂಜುರಿಗೆ ತುತ್ತಾಗಿ, ಐಪಿಎಲ್​​​ ಟೂರ್ನಿಯಿಂದ ಹೊರಬಿದ್ದು ನಿರಾಸೆ ಮೂಡಿಸಿದ್ರು. ಗಾಯ ಗಂಭೀರ ಆಗಿದ್ದರಿಂದ ಸರ್ಜರಿಗೆ ಒಳಗಾದ್ರು. ಬಳಿಕ ಅವರಿಗೆ ಉತ್ತಮ ಚಿಕಿತ್ಸೆ ಅಗತ್ಯವಿತ್ತು.
ಕೂಡಲೇ ಬಿಸಿಸಿಐ ರಾಹುಲ್​ರನ್ನ ಯುಕೆಗೆ ಕಳಿಸಿತು. ಸೋ ಸರ್ಜರಿ ಆಗಿರೋ ಕನ್ನಡಿಗ ಎಚ್ಚರಿಕೆಯಿಂದ ಇರಬೇಕು. ಆದಷ್ಟು ಬೇಗ ಕಮ್​ಬ್ಯಾಕ್​​​ ಮಾಡುವ ಮನಸ್ಥಿತಿ ಅಗತ್ಯ. ಬಟ್​ ರಾಹುಲ್ ಮಾಡ್ತಿರೋದೇನು ? ಬಿಸಿಸಿಐ ಲಕ್ಷಾಂತರ ರೂಪಾಯಿ ಕೊಟ್ಟು ಯುಕೆಗೆ ಕಳಿಸಿ, ಸರ್ಜರಿನೂ ಮಾಡಿಸಿ, ಬೇಗ ರಿಕವರಿ ಆಗಲಿ ಅಂತ ಇಷ್ಟೆಲ್ಲಾ ಕಾಳಜಿ ವಹಿಸ್ತಿದೆ.

ಯುಕೆಯಲ್ಲಿ ಕೆಎಲ್ ರಾಹುಲ್ ಸ್ಟ್ರಿಪ್​ ಕ್ಲಬ್
ಲಂಡನ್​​​​ನಲ್ಲಿ ಬೀಡು ಬಿಟ್ಟಿರುವ ಕೆಎಲ್ ರಾಹುಲ್​ ಸ್ಟ್ರಿಪ್ ಕ್ಲಬ್​​ವೊಂದಕ್ಕೆ ಭೇಟಿ ನೀಡಿ ಎಂಜಾಯ್​ ಮಾಡ್ತಿದ್ದಾರೆ. ಅಷ್ಟಕ್ಕೂ ಸ್ಟ್ರಿಪ್ ಕ್ಲಬ್​ ಅಂದ್ರೆ ಏನು ಗೊತ್ತಾ? ಅರೆಬೆತ್ತಲೆ ಡ್ಯಾನ್ಸ್​​. ಟ್ರೀಟ್​ಮೆಂಟ್​ ಪಡೆಯಲು ಯುಕೆಗೆ ಹಾರಿರೋ ರಾಹುಲ್​​​​​​​​​​​​ ಏನ್ ಮಾಡ್ತಿದ್ದಾರೆ ಅನ್ನೋದನ್ನು. ಲಂಡನ್​ ಸ್ಟ್ರಿಪ್​ ಕ್ಲಬ್​ನಲ್ಲಿ ಹೆಂಡ್ತಿ ಮತ್ತು ಫ್ರೆಂಡ್ಸ್​ ಜೊತೆ ಮೋಜು-ಮಸ್ತಿಯಲ್ಲಿ ಮುಳುಗಿದ್ದಾರೆ.

ರಾಹುಲ್​​​​​ರ ಸ್ಟ್ರಿಪ್ ಕ್ಲಬ್ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ರಾಹುಲ್ ವಿರುದ್ಧ ಟೀಕಾಪ್ರಹಾರ ನಡೆಯುತ್ತಿದೆ. ಟೀಮ್ ಇಂಡಿಯಾದ ಸ್ಟಾರ್ ಬ್ಯಾಟ್ಸ್​​​ಮನ್​ ಮಾಡಿದ್ದು ಎಷ್ಟು ಸರಿಯಲ್ಲ ಅಂತ ಸೋಷಿಯಲ್ ಮೀಡಿಯಾದಲ್ಲಿ ಆಕ್ರೋಶ ವ್ಯಕ್ತವಾಗ್ತಿದೆ.

ಕಳಚಿತು ರಾಹುಲ್​​ ಮುಖವಾಡ
ರಾಹುಲ್​​​​ರ​​​​​​​​​​​​​ ಮುಖವಾಡ ಕಳಚಿ ಬಿದ್ದಿದೆ. ರಾಹುಲ್​ ಅಂದ್ರೆ ಅಂದ್ರೆ ಸೌಮ್ಯ, ರಾಹುಲ್​​ ಅಂದ್ರೆ ಡಿಸಿಪ್ಲಿನ್​​​​ ಕ್ರಿಕೆಟರ್ ಅನ್ನೋ ಟಾಕ್ಸ್ ಕ್ರಿಕೆಟ್ ಪಡಸಾಲೆಯಲ್ಲಿತ್ತು. ಆದ್ರೀಗ ಸ್ಟ್ರಿಪ್​​​​​ ಕ್ಲಬ್​​​ ವಿಡಿಯೋದಿಂದ ಆ ಅಭಿಪ್ರಾಯ ಬದಲಾಗಿದೆ.

ಹಳೇ ಕಾಫಿ ವಿವಾದದಿಂದ ಬುದ್ಧಿ ಕಲಿಯದ ಕನ್ನಡಿಗ
2019 ರಲ್ಲಿ ಕಾಫಿ ವಿತ್ ಕರಣ್​ ಕಾರ್ಯಕ್ರಮದಲ್ಲಿ ಮಹಿಳೆಯರ ಬಗ್ಗೆ ವಿವಾದಾತ್ಮಕ ಹೇಳಿಕೆ ನೀಡಿ ರಾಹುಲ್ ಭಾರಿ ಬೆಲೆ ತೆತ್ತಿದ್ರು. ಬಿಸಿಸಿಐ ರಾಹುಲ್ ಹಾಗೂ ಹಾರ್ದಿಕ್ ಪಾಂಡ್ಯರನ್ನ ಕೆಲಕಾಲ ಕ್ರಿಕೆಟ್​ನಿಂದ ಬ್ಯಾನ್ ಮಾಡಿತ್ತು. ಇಷ್ಟಾದ್ರು ಕನ್ನಡಿಗ ಬುದ್ಧಿ ಕಲಿತಂತೆ ಕಾಣಿಸ್ತಿಲ್ಲ. ಮತ್ತೆ ಸ್ಟ್ರಿಪ್​ ಕ್ಲಬ್​​​ ವಿವಾದದ ಸುಳಿಯಲ್ಲಿ ಸಿಲುಕಿದ್ದಾರೆ.

ಬ್ಯಾಕ್ ಟು ಬ್ಯಾಕ್ ಇಂಜುರಿ ಆಗಿ ತಂಡದಿಂದ ಕಿಕೌಟ್
ಸದ್ಯಕ್ಕೆ ರಾಹುಲ್​​ಗೆ ಅದೃಷ್ಟನೇ ಚೆನ್ನಾಗಿಲ್ಲ. ಬಿಡುವಿಲ್ಲದೆ ಕ್ರಿಕೆಟ್ ಆಡಬೇಕಿದ್ದ ರಾಹುಲ್​ ಪದೇ ಪದೇ ಇಂಜುರಿಗೆ ಒಳಗಾಗ್ತಿದ್ದಾರೆ. ಕಳೆದೆರಷ್ಟು ವರ್ಷಗಳಲ್ಲಿ ಅವರು ಟೀಮ್ ಇಂಡಿಯಾ ಪರ ಆಡಿದ್ದಕ್ಕಿಂತ ಹೊರಗುಳಿದಿದ್ದೇ ಹೆಚ್ಚು. ಬಿಕಾಜ್​​ ಇಂಜುರಿ ಅನ್ನೋ ಪೆಡಂಭೂತ ಬೆನ್ನೇರಿದೆ. ಥೈ ಇಂಜುರಿ ಕಾರಣಕ್ಕಾಗಿನೇ ಪ್ರಸಕ್ತ ಐಪಿಎಲ್ ತೊರೆದಿದ್ದರು.

ಫಾರ್ಮ್​ ಪ್ರಾಬ್ಲಂ.. ತಂಡದಲ್ಲಿ ಸ್ಥಾನಕ್ಕಾಗಿ ಫೈಟ್
ಕಾಂಟ್ರವರ್ಸಿ ಮ್ಯಾನ್​​ಗೆ ಫಾರ್ಮ್​ ಕೂಡ ಕೈಕೊಟ್ಟಿದೆ. ಕಳೆದೆರಡು ವರ್ಷಗಳಿಂದ ರಾಹುಲ್ ಬ್ಯಾಟೇ ಸೌಂಡ್ ಮಾಡ್ತಿಲ್ಲ. ವೈಟ್ & ರೆಡ್​​ಬಾಲ್​​​ನಲ್ಲಿ ಶತಕ ಬಾರಿಸದೇ ಎರಡು ವರ್ಷ ಕಳೆದಿದೆ. ಇನ್ನು ಪ್ರಸಕ್ತ ಐಪಿಎಲ್​​ನಲ್ಲಿ ಆಡಿದ 9 ಪಂದ್ಯಗಳಿಂದ 274 ರನ್​ ಗಳಿಸಿ ಡೀಸೆಂಟ್​ ಆಟವಾಡಿದ್ರು. ಅಸಲಿ ಖದರ್​ ಮಾಯವಾಗಿತ್ತು.

#KLRahul Spotted In Strip Club In UK During His Recovery pic.twitter.com/jMPzhraJqV

— Stroke0Genius🇮🇳 (@Stroke0Genius18) May 26, 2023

ವಿಶೇಷ ಸೂಚನೆ: ಕ್ರಿಕೆಟ್‌ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್