ಆಗಸ್ಟ್ ತಿಂಗಳ ಕರೆಂಟ್ ಬಿಲ್ 10 ಲಕ್ಷ ರೂಪಾಯಿ!

ಪ್ರತಿ ತಿಂಗಳು ವಿದ್ಯುತ್ ಬಿಲ್ ಪಾವತಿಸುತ್ತಿದ್ದ ಮಾಲೀಕ

ಒಂದೇ ತಿಂಗಳ ಬಿಲ್​ ಕಂಡು ಅಂಗಡಿ ಮಾಲೀಕ ಶಾಕ್​

ಚಿಕ್ಕಮಗಳೂರು: ಒಂದು ತಿಂಗಳ ಕರೆಂಟ್ ಬಿಲ್ 10 ಲಕ್ಷ ಬಂದಿರುವ ಘಟನೆ ಕಡೂರು ಪಟ್ಟಣದಲ್ಲಿ ನಡೆದಿದೆ. ಅಲ್ಲಿನ ಮೋಹಿತ್ ಏಜೆನ್ಸಿಯ ಆಗಸ್ಟ್ ತಿಂಗಳ ಕರೆಂಟ್ ಬಿಲ್ 10 ಲಕ್ಷ ಬಂದಿದೆ. ಇದನ್ನು ಕಂಡು ಮಾಲೀಕ ಶಾಕ್​ ಆಗಿದ್ದಾರೆ.

ಪ್ರತಿ ತಿಂಗಳು 4000-4500 ಬರುತ್ತಿದ್ದ ಕರೆಂಟ್ ಬಿಲ್ ಬರುತ್ತಿತ್ತು. ಆದರೆ ಆಗಸ್ಟ್ 1 ರಿಂದ ಸೆಪ್ಟೆಂಬರ್ 1ರ ವಿದ್ಯುತ್ ಬಿಲ್ 10 ಲಕ್ಷ ಬಂದಿದೆ. ಆದರೆ ಮೋಹಿತ್ ಏಜೆನ್ಸಿ ಮಾಲೀಕ ಕಮಲ್ ಚಂದ್ ಡಾಗಾ ಪ್ರತಿ ತಿಂಗಳು ವಿದ್ಯುತ್ ಬಿಲ್ ಪಾವತಿಸಿದ್ದರು.

ಇನ್ನು ಆಗಸ್ಟ್ ತಿಂಗಳ ಬಿಲ್​ ಕಂಡು ಮೆಸ್ಕಾಂ ಸಿಬ್ಬಂದಿಗಳ ಗಮನಕ್ಕೆ ತಂದಿದ್ದರು. ಆದರೆ ದೂರು ನೀಡಿ ನಾಲ್ಕು ದಿನವಾದರೂ ಮೆಸ್ಕಾಂ ಸಿಬ್ಬಂದಿಗಳು ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ. ಆ ಬಳಿಕ ಮಾಲೀಕ ಕಮಲ್ ಚಂದ್ ಡಾಗಾಗೆ ಮೆಸ್ಕಾಂ ಸಿಬ್ಬಂದಿ ಪ್ರತಿಕ್ರಿಯಿಸಿದ್ದಾರೆ. 500 ಬಿಲ್ ಬರುವ ಕಡೆ 15 ಸಾವಿರ ತೋರಿಸುತ್ತಿದೆ. ಸಾಫ್ಟ್ ವೇರ್ ಪ್ರಾಬ್ಲಂನಿಂದ ಹೀಗಾಗಿದೆ, ಸರಿಪಡಿಸುತ್ತೇವೆಂದು ಮೆಸ್ಕಾಂ ಸಿಬ್ಬಂದಿಗಳು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ