ಕ್ರಿಕೆಟ್​ ಪಂದ್ಯ ನೋಡಲು 58 ಗಂಟೆಗಳ ಪ್ರಯಾಣ ಬೆಳೆಸಿದ

ವಿಮಾನ ಏರಿ ಬಂದವನು ಪಂದ್ಯದ ಟಿಕೆಟ್​ ಮರೆದು ಬಂದಿದ್ದ

ತಸ್ಮೇನಿಯದಿಂದ ಬಂದವನಿಗೆ ಸಿಕ್ತಾ ಪಂದ್ಯ ನೋಡುವ ಭಾಗ್ಯ?

 

ಕ್ರಿಕೆಟ್​ಗೆ​ ಎಂತವರನ್ನೂ ಸಹ ಕುಳಿತಲ್ಲೇ ಕುಳ್ಳಿರಿಸುವಂತಹ ತಾಕತ್ತು ಇದೆ. ಹಾಗಾಗಿ ಜಗತ್ತಿನಾದ್ಯಂತ ಈ ಆಟಕ್ಕೆ ಹೆಚ್ಚಿನ ಫ್ಯಾನ್ಸ್​ ಇದ್ದಾರೆ. ಅಷ್ಟೇ ಏಕೆ ನೆಚ್ಚಿನ ತಂಡದ ಆಟವನ್ನು ಕಾಣಲು ದೇಶದ ಉದ್ದಗಲಕ್ಕೂ ಸಂಚರಿಸುವ ಕ್ರಿಕೆಟ್​ ಪ್ರೇಮಿಗಳಿದ್ದಾರೆ.

ಇಲ್ಲೊಬ್ಬ ಕ್ರಿಕೆಟ್​ ಪ್ರೇಮಿ ಕೂಡ ತನ್ನ ನೆಚ್ಚಿನ ತಂಡದ ಪಂದ್ಯವನ್ನು ಕಾಣಲು ದೇಶದಿಂದ ವಿದೇಶಕ್ಕೆ ಪ್ರಯಾಣ ಮಾಡಿದ್ದಾನೆ. ಒಂದಲ್ಲಾ, ಎರಡಲ್ಲಾ ಬರೋಬ್ಬರಿ 58 ಗಂಟೆಗಳ ಕಾಲ ಟ್ರಾವೆಲ್​ ಮಾಡಿದ್ದಾನೆ. ಆದರೆ ದುರಾದೃಷ್ಟಕರ ಸಂಗತಿ ಎಂದರೆ ಟ್ರಾವೆಲ್​ ಮಾಡಿದ್ದೇನೋ ನಿಜ ಆದರೆ ತನ್ನ ನೆಚ್ಚಿನ ತಂಡದ ಪಂದ್ಯವನ್ನು ಕಾಣುವ ತವಕದಲ್ಲಿ ಪಂದ್ಯದ ಟಿಕೆಟ್​ ಮರೆತು ಬಂದಿದ್ದಾನೆ.

58 ಗಂಟೆಗಳ ಕಾಲ ಪ್ರಯಾಣ

ಹೌದು. ಸದ್ಯ 2ನೇ ಆಸಸ್​ ಟೆಸ್ಟ್​ ಪಂದ್ಯ ನಡೆಯುತ್ತಿದೆ. ಜೂನ್​ 28ರಂದು ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್​ ನಡುವೆ ಈ ಪಂದ್ಯ ಏರ್ಪಟ್ಟಿತ್ತು. ಆದರೆ ಈ ಪಂದ್ಯವನ್ನು ಕಾಣಲು ಮತ್ತು ತನ್ನ ನೆಚ್ಚಿನ ತಂಡದ ಆಸ್ಟ್ರೇಲಿಯಾದ ಆಟವನ್ನು ಕಣ್ಣಾರೆ ಕಾಣಲು ಟಿಕೆಟ್​ ಮಾಟ್​ ಎಂಬಾತ ಟಿಕೆಟ್​​ ಖರೀದಿಸಿದ್ದ.

ಟಿಕೆಟ್​ ಮರೆತು ಬಂದ

ದೂರದ ಊರಾದ ತಸ್ಮೇನಿಯಾದ ಸಿಪ್ರಸ್​​ನಿಂದ ಹೊರಟು ಚೀನಾ ದಾಟಿ ಲಂಡನ್​ಗೆ ಬಂದಿಳಿದಿದ್ದ. ಆದರೆ ಮಾಟ್​ ಪ್ರಯಾಣದ ನಡುವೆ ಪಂದ್ಯದ ಟಿಕೆಟ್​​ ಅನ್ನು ಮರೆತು ಬಂದಿದ್ದಾನೆ. 58 ಗಂಟೆಗಳ ಕಾಲ ಪ್ರಯಾಣ ಬೆಳೆಸಿ ಟಿಕೆಟ್​​ ಬಿಟ್ಟು ಬಂದಿದ್ದಾನೆ.

Can we help Aussie Matt out? He’s travelled from Tasmania with no ticket!#Ashes pic.twitter.com/h1pZ3p4xJj

— England's Barmy Army 🏴󠁧󠁢󠁥󠁮󠁧󠁿🎺 (@TheBarmyArmy) June 28, 2023

‘ನನಗೊಂದು ಟಿಕೆಟ್​​ ಬೇಕು’

ಕೊನೆಗೆ ಮಾಟ್​ ದಿಕ್ಕೇ ತೋಚದೆ ಸ್ಟೇಡಿಯಂ ಹೊರಭಾಗದಲ್ಲಿ ಬಿಳಿ ಕಾಗದದ ಮೇಲೆ ‘‘ನನಗೊಂದು ಟಿಕೆಟ್​ ಬೇಕು. ನಾನು 58 ಗಂಟೆಗಳ ಕಾಲ ಟ್ರಾವೆಲ್​ ಮಾಡಿ ಬಂದಿದ್ದೇನೆ’’ ಎಂದು ಬೋರ್ಡ್​ ಹಿಡಿದು ನಿಂತಿದ್ದಾನೆ. ಈ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಇಂಗ್ಲೆಂಡ್​​ಬಾರ್ಮಿ ಆರ್ಮಿ ಎಂಬ ಟ್ವಿಟ್ಟರ್​ ಖಾತೆ ಈ ವಿಡಿಯೋವನ್ನು ಹಂಚಿಕೊಂಡಿದೆ.

ಇಂಗ್ಲೆಂಡ್​​​ ಬಾರ್ಮಿ ಆರ್ಮಿ ಹಂಚಿಕೊಂಡ ವಿಡಿಯೋ ಕಂಡು ಅನೇಕರು ಕಾಮೆಂಟ್​ ಬರೆದಿದ್ದಾರೆ. ಅದರಲ್ಲೊಬ್ಬ ನಾನು ಆತನಿಗೆ ಟಿಕೆಟ್​​ ನೀಡಲು ಸಿದ್ದನಿದ್ದೇನೆ ಎಂದು ಕಾಮೆಂಟ್​ ಬರೆದರೆ. ಮತ್ತೊಬ್ಬ ಪ್ರಯಾಣ ಬೆಳೆಸುವ ಮುನ್ನ ಎಲ್ಲವನ್ನು ಸರಿಯಾಗಿ ಪರಿಶೀಲಿಸಬೇಕು ಎಂದು ಕಾಮೆಂಟ್​ ಮಾಡಿದ್ದಾನೆ. ಸದ್ಯ ಈ ದೃಶ್ಯ ಎಲ್ಲೆಡೆ ವೈರಲ್​ ಆಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ