ಸೌತ್​ ಆಫ್ರಿಕಾ ವಿರುದ್ಧ ಆಸ್ಟ್ರೇಲಿಯಾ ತಂಡಕ್ಕೆ ಗೆಲುವು

ವಿಶ್ವಕಪ್​ ಫೈನಲ್​ಗೆ ಎಂಟ್ರಿ ಕೊಟ್ಟ ಆಸ್ಟ್ರೇಲಿಯಾ ಟೀಮ್​​

ಮಹಾ ಸಮರದಲ್ಲಿ ಭಾರತ, ಆಸ್ಟ್ರೇಲಿಯಾ ಜಿದ್ದಾಜಿದ್ದಿ!

ಇಂದು ಕೋಲ್ಕತ್ತಾದ ಈಡನ್​ ಗಾರ್ಡನ್​ ಇಂಟರ್​ ನ್ಯಾಷನಲ್​ ಕ್ರಿಕೆಟ್​​ ಸ್ಟೇಡಿಯಮ್​ನಲ್ಲಿ ನಡೆದ ಐಸಿಸಿ ಏಕದಿನ ವಿಶ್ವಕಪ್​ ಸೆಮಿ ಫೈನಲ್​​ನಲ್ಲಿ ಸೌತ್​ ಆಫ್ರಿಕಾ ವಿರುದ್ಧ ಆಸ್ಟ್ರೇಲಿಯಾ ತಂಡ ಗೆದ್ದು ಬೀಗಿದೆ.

ಸೌತ್​ ಆಫ್ರಿಕಾ ನೀಡಿದ 213 ರನ್​ಗಳ ಸಾಧಾರಣ ಮೊತ್ತದ ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ ತಂಡವು ಇನ್ನೂ 2 ಓವರ್​ ಬಾಕಿ ಇರುವಂತೆಯೇ 215 ರನ್​ ಗಳಿಸಿ ಗೆಲುವು ಸಾಧಿಸಿದೆ.

ಆಸ್ಟ್ರೇಲಿಯಾದ ಪರ ಟ್ರೆವೀಸ್​ ಹೆಡ್​ ಕೇವಲ 48 ಬಾಲ್​ನಲ್ಲಿ 2 ಸಿಕ್ಸರ್​​, 9 ಫೋರ್​ ಸಮೇತ 62 ರನ್​​ ಸಿಡಿಸಿದರು. ಕೇವಲ 18 ಬಾಲ್​ನಲ್ಲಿ ಡೇವಿಡ್​ ವಾರ್ನರ್​​ 4 ಸಿಕ್ಸರ್​​, 1 ಫೋರ್​ ಸಮೇತ 29 ರನ್​​ ಚಚ್ಚಿದ್ರು. ಸ್ಟೀವ್​ ಸ್ಮಿತ್​ 30, ಜೋಶ್​ ಇಂಗ್ಲೀಷ್​ 28, ಮಿಚೆಲ್​ ಸ್ಟಾರ್ಕ್​​ 16, ಪ್ಯಾಟ್​ ಕಮಿನ್ಸ್​ 14 ರನ್​ ಬಾರಿಸಿದರು. ಈ ಮೂಲಕ ಆಸ್ಟ್ರೇಲಿಯಾ ತಂಡವನ್ನು ಗೆಲ್ಲಿಸಿದರು.

ಸದ್ಯ ಆಸ್ಟ್ರೇಲಿಯಾ ತಂಡವೂ ವಿಶ್ವಕಪ್​ ಫೈನಲ್ಸ್​​ಗೆ ಎಂಟ್ರಿ ನೀಡಿದ್ದು, ಅಹಮದಾಬಾದ್​​ ನರೇಂದ್ರ ಮೋದಿ ಇಂಟರ್​ ನ್ಯಾಷನಲ್​ ಸ್ಟೇಡಿಯಮ್​ನಲ್ಲಿ ನಡೆಯೋ ಮಹಾ ಸಮರದಲ್ಲಿ ಟೀಂ ಇಂಡಿಯಾದ ವಿರುದ್ಧ ಸೆಣಸಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ