ಶಕ್ತಿ ಯೋಜನೆಯಿಂದ ಆಟೋ ಚಾಲಕರಿಗೆ ಕಡಿಮೆ ಆದಾಯ..!

ಪ್ರಯಾಣಿಸಲು ಜನ ಬಾರದಿದ್ರೂ ಈಗ ಆಟೋ ಬಹಳ ದುಬಾರಿ

ಕೇವಲ 500 ಮೀಟರ್ಗೆ 100 ರೂಪಾಯಿ ಪಡೆದ ಆಟೋ ಡ್ರೈವರ್​​​

ಬೆಂಗಳೂರು: ಕರ್ನಾಟಕ ರಾಜ್ಯ ವಿಧಾನಸಭಾ ಚುನಾವಣೆಗೆ ಮುನ್ನ ನೀಡಿದ ಭರವಸೆಯಂತೆ ಅಧಿಕಾರಕ್ಕೆ ಬಂದ ಕೂಡಲೇ ಸಿಎಂ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್​​ ಸರ್ಕಾರ ತನ್ನ ಐದು ಗ್ಯಾರಂಟಿಗಳ ಜಾರಿಗೆ ಮುಂದಾಗಿದೆ. ಈಗಾಗಲೇ ಶಕ್ತಿ ಯೋಜನೆ ಸ್ಕೀಮ್​​ ಜಾರಿ ಮಾಡಲಾಗಿದ್ದು, ಸರ್ಕಾರಿ ಬಸ್​ಗಳ ಸೇವೆಯನ್ನು ಮಹಿಳೆಯರು ಹೆಚ್ಚಾಗಿ ಬಳಸುತ್ತಿದ್ದಾರೆ. ಇದರಿಂದ ಮಹಿಳೆಯರ ಜೀವನದ ಮಟ್ಟ ಸುಧಾರಿಸಿದೆ.

ಒಂದೆಡೆ ಬಡ ಮಹಿಳೆಯರಿಗೆ ಫ್ರೀ ಬಸ್​ ಸ್ಕೀಮ್​​ನಿಂದ ಸಾಕಷ್ಟು ಸಹಾಯವಾದರೆ, ಇನ್ನೊಂದೆಡೆ ಶಕ್ತಿ ಯೋಜನೆ ಜಾರಿಯಿಂದ ಆಟೋ ಚಾಲಕರಿಗೆ ಆದಾಯ ಕಡಿಮೆ ಆಗಿದೆ ಎನ್ನಬಹುದು. ಹೀಗಿರುವಾಗ ಇಲ್ಲೋರ್ವ ವ್ಯಕ್ತಿ ಕೇವಲ 500 ಮೀಟರ್​​​ ಪ್ರಯಾಣ ಮಾಡಿದ್ದಕ್ಕೆ 100 ರೂ. ಹಣ ನೀಡಿದ್ದಾರೆ. ಈ ಘಟನೆಯೂ ಬೆಂಗಳೂರಿನಲ್ಲಿ ಆಟೋ ಎಷ್ಟು ದುಬಾರಿ ಎನ್ನುವುದನ್ನು ಎತ್ತಿ ತೋರಿಸುತ್ತಿದೆ.

ಈ ಸಂಬಂಧ ಟ್ವೀಟ್​ ಮಾಡಿರುವ ಮುಂಬೈ ಮೂಲದ ನ್ಯೂರಲ್‌ ಗ್ಯಾರೇಜ್​ ಎಂಬ ಸಂಸ್ಥೆ ಸಂಸ್ಥಾಪಕ ಮಂದಾರ ನಾಟೇಕರ್​ ಎಂಬುವರು, ಮುಂಬೈನಲ್ಲಿ 100 ರೂಪಾಯಿ ಕೊಟ್ಟರೆ 9 ಕಿಲೋ ಮೀಟರ್​ ಹೋಗಬಹುದು. ನಾನು ಬೆಂಗಳೂರಿನಲ್ಲಿ ಕೇವಲ 500 ಮೀಟರ್ ರೈಡ್‌ಗೆ 100 ರೂ. ಪಾವತಿಸಿದ್ದೇನೆ. ಇದು ಸಾಕಷ್ಟು ದುಬಾರಿ ಎಂದು ಬರೆದುಕೊಂಡಿದ್ದಾರೆ.

In this photo you will see the most ornamental thing in Bengaluru. The great Auto Meter. So expensive that it never gets used.
I just paid 100Rs for a 500 mtrs ride. To give perspective, in Mumbai 100Rs is the meter fare for approx 9 kms. @peakbengaluru pic.twitter.com/7piaKjGhnY

— Mandar Natekar (@mandar2404) July 22, 2023

ಇನ್ನು, ಈ ಟ್ವೀಟ್​ಗೆ ನೆಟ್ಟಿಗರು ಹಲವು ರೀತಿಯಲ್ಲಿ ರಿಯಾಕ್ಟ್​ ಮಾಡಿದ್ದಾರೆ. ಮುಂಬೈನಲ್ಲಿ ಮೀಟರ್​ ಆಟೋ ಸಿಗುತ್ತದೆ. ಆದರೆ, ರಸ್ತೆಗಳು ಮಾತ್ರ ಬಹಳ ಕೆಟ್ಟದಾಗಿ ಇರುತ್ತವೆ. ಬೆಂಗಳೂರಿನಲ್ಲಿ ರಸ್ತೆಗಳು ಚೆನ್ನಾಗಿವೆ, ಹಾಗಾಗಿ ಹೆಚ್ಚು ತೆಗೆದುಕೊಳ್ಳುತ್ತಾರೆ ಎಂದು ಪ್ರತಿಕ್ರಿಯೆ ಕೊಟ್ಟಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ