ಟೆಸ್ಟ್​​​ ಕ್ರಿಕೆಟ್​​ನಲ್ಲಿ ಹೊಸ ದಾಖಲೆ ನಿರ್ಮಿಸಿದ ಪಾಕಿಸ್ತಾನ ತಂಡದ ಕ್ಯಾಪ್ಟನ್​​​

ಟೀಂ ಇಂಡಿಯಾದ ಕೊಹ್ಲಿ, ಆಸ್ಟ್ರೇಲಿಯಾದ ಸ್ಮಿತ್​​ ದಾಖಲೆ ಮುರಿದ ಬಾಬರ್​​

ಟೆಸ್ಟ್​ ಕ್ರಿಕೆಟ್​​ ಮಾದರಿಯಲ್ಲೀಗ ಪಾಕಿಸ್ತಾನದ ಕ್ಯಾಪ್ಟನ್​ ನಂಬರ್​​ 1 ಬ್ಯಾಟರ್​​

ಟೆಸ್ಟ್​ ಕ್ರಿಕೆಟ್​​ನಲ್ಲಿ ಪಾಕಿಸ್ತಾನ ಕ್ರಿಕೆಟ್ ತಂಡದ ಕ್ಯಾಪ್ಟನ್​​ ಬಾಬರ್​ ಅಜಂ ಹೊಸ ದಾಖಲೆಯೊಂದು ಬರೆದಿದ್ದಾರೆ. ಈ ಮೂಲಕ ಟೀಂ ಇಂಡಿಯಾದ ಕ್ರಿಕೆಟ್​ ದಿಗ್ಗಜ ವಿರಾಟ್ ಕೊಹ್ಲಿ ಮತ್ತು ಆಸ್ಟ್ರೇಲಿಯಾದ ಅನುಭವಿ ಆಟಗಾರ ಸ್ಟೀವ್ ಸ್ಮಿತ್ ದಾಖಲೆ ಮುರಿದು ಮೊದಲ ಸ್ಥಾನ ಆಕ್ರಮಿಸಿಕೊಂಡಿದ್ದಾರೆ.

ಬಾಬರ್​​ ಅಜಂ ತಮ್ಮ ಕೊನೆಯ 20 ಇನ್ನಿಂಗ್ಸ್‌ಗಳಲ್ಲಿ 69.10 ಸರಾಸರಿ ಬ್ಯಾಟಿಂಗ್ ಹೊಂದುವ ಮೂಲಕ ವಿಶ್ವದ ಪ್ರಮುಖ ಆಟಗಾರರನ್ನೇ ಹಿಂದಿಕ್ಕಿದ್ದಾರೆ. ಇದೇ ವೇಳೆ 20 ಇನ್ನಿಂಗ್ಸ್​​ಗಳಲ್ಲಿ ಬಾಬರ್ ಅಜಂ ನಾಲ್ಕು ಶತಕ ಮತ್ತು 8 ಅರ್ಧಶತಕಗಳನ್ನು ಬಾರಿಸಿದ್ದಾರೆ. ಇದರೊಂದಿಗೆ ಬಾಬರ್​​ ಮೊದಲ ಸ್ಥಾನದಲ್ಲಿದ್ದಾರೆ.

ಇನ್ನು, ಆಸ್ಟ್ರೇಲಿಯಾದ ಮಾಜಿ ಕ್ಯಾಪ್ಟನ್​ ಸ್ಟೀವ್ ಸ್ಮಿತ್ ಕಳೆದ 30 ಇನ್ನಿಂಗ್ಸ್‌ಗಳಲ್ಲಿ 55.40 ಸರಾಸರಿ ಬ್ಯಾಟಿಂಗ್‌ನೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಜತೆಗೆ ನಾಲ್ಕು ಶತಕ ಮತ್ತು 6 ಅರ್ಧಶತಕಗಳನ್ನು ಸಿಡಿಸಿದ್ದಾರೆ. 3ನೇ ಸ್ಥಾನದಲ್ಲಿ ಜೋ ರೂಟ್​​, 4ನೇ ಸ್ಥಾನದಲ್ಲಿ ಶ್ರೀಲಂಕಾದ ಅನುಭವಿ ಬ್ಯಾಟರ್ ಏಂಜೆಲೊ ಮ್ಯಾಥ್ಯೂಸ್ ಇದ್ದಾರೆ.

ಐದನೇ ಸ್ಥಾನದಲ್ಲಿ ಕೊಹ್ಲಿ..!

ಐದನೇ ಸ್ಥಾನದಲ್ಲಿ ಟೀಂ ಇಂಡಿಯಾದ ಸ್ಟಾರ್​ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಇದ್ದಾರೆ. ತನ್ನ ಕೊನೇ 27 ಇನ್ನಿಂಗ್ಸ್​ಗಳಲ್ಲಿ 34.65ರ ಸರಾಸರಿ ಬ್ಯಾಟಿಂಗ್ ಹೊಂದಿದ್ದಾರೆ. ಕೊಹ್ಲಿ ಬ್ಯಾಟ್​​ನಿಂದ ಒಂದು ಶತಕ ಮತ್ತು 3 ಅರ್ಧಶತಕಗಳು ಬಂದಿವೆ. ಕಳಪೆ ಪ್ರದರ್ಶನ ನೀಡಿಯೂ ಕೊಹ್ಲಿ ಟಾಪ್​ 5ರಲ್ಲಿ ಇರೋದು ಗಮನಾರ್ಹ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ