ಎಲ್ಲರ ಮುಂದೆ ಪೇಚಿಗೆ ಸಿಲುಕಿಬಿಟ್ಟಿದ್ದ ಜಾವಗಲ್ ಶ್ರೀನಾಥ್

ಸಚಿನ್​ ಮಾಡಿದ ಒಂದು ತಮಾಷೆಯಿಂದ ಶ್ರೀನಾಥ್ ಗಾಬರಿ

ಮೈಸೂರಿನ ವೇಗಿ ಭಾರತ ತಂಡದ ವಿನ್ನಿಂಗ್ ಬೌಲರ್​ ಆಗಿದ್ರು

ಟೀಮ್ ಇಂಡಿಯಾ ಮಾಜಿ​​​​ ವೇಗಿ ಜಾವಗಲ್ ಶ್ರೀನಾಥ್​​ ಅವರ ಕ್ರಿಕೆಟ್​ ಜರ್ನಿ ಬಲು ರೋಚಕ. ಕ್ರಿಕೆಟ್​ ಆಡುವಾಗ ಮೈಸೂರ್ ಎಕ್ಸ್​ಪ್ರೆಸ್​​​ ಡೆಡ್ಲಿ ದಾಳಿಗೆ, ಎದುರಾಳಿಗಳು ಪತರುಗುಟ್ಟುತ್ತಿದ್ರು. ಶ್ರೀನಾಥ್ ಬೌಲಿಂಗ್​ ಅಂದ್ರೆ ಬ್ಯಾಟ್ಸ್​​​ಮನ್​ಗಳಿಗೆ ಅಷ್ಟೊಂದು ಭಯ. ಇಂತಹ ಸ್ಟೀಡ್​ಸ್ಟರ್ ವಿದಾಯದ ಕೊನೆ ಸರಣಿ ಕಾಮಿಡಿಯಲ್ಲಿ ಕೊನೆಗೊಂಡಿತ್ತು. ಆ ಫನ್ನಿ ಸ್ಟೋರಿ ಏನು ಅನ್ನೋದನ್ನ ನೋಡೋಣ ಇವತ್ತಿನ ಸಖತ್ ಸ್ಟೋರಿಯಲ್ಲಿ.

ಜಾವಗಲ್​​​ ಶ್ರೀನಾಥ್​ ಟೀಮ್ ಇಂಡಿಯಾಗೆ ಅದೆಷ್ಟೋ ಪಂದ್ಯಗಳನ್ನ ಗೆಲ್ಲಿಸಿಕೊಟ್ಟ ವೇಗಿ. ಇಂತಹ ಮ್ಯಾಚ್​​ ವಿನ್ನಿಂಗ್ ಬೌಲರ್​ ಒಮ್ಮೆ ಸಚಿನ್​ ತೆಂಡೂಲ್ಕರ್​ ಮಾಡಿದ ತಮಾಷೆಯಿಂದ ಎಲ್ಲರ ಮುಂದೆ ಪೇಚಿಗೆ ಸಿಲುಕಿಬಿಟ್ಟಿದ್ದರು. 2002ರಲ್ಲಿ ಇಂಗ್ಲೆಂಡ್​ ವಿರುದ್ಧ ಜಾವಗಲ್​ ಶ್ರೀನಾಥ್​ ವೃತ್ತಿ ಜೀವನದ ಕೊನೆ ಏಕದಿನ ಸರಣಿಯನ್ನ ಆಡುತ್ತಿದ್ದರು. ಆಗ ಶ್ರೀನಾಥ್, ಅದ್ಯಾಕೋ ಸಿಕ್ಕಾಪಟ್ಟೆ ನರ್ವಸ್​ ಆಗಿದ್ರಂತೆ. ಆಗ ಶ್ರೀನಾಥ್​​ ಮುಖ ಗಮನಿಸಿದ ತೆಂಡೂಲ್ಕರ್ ಸಹ ಆಟಗಾರನನ್ನ ನಗಿಸಲು ಫ್ರಾಂಕ್‌ ಮಾಡ್ತಾರೆ.

ಶ್ರೀನಾಥ್ ಕಿಟ್​ಬ್ಯಾಕ್​​​ನಲ್ಲಿ ತನ್ನ ಟ್ರ್ಯಾಕ್​​ ಪ್ಯಾಂಟ್ ಇಟ್ಟು, ಸುಮ್ಮನಾಗ್ತಾರೆ. ಗಡಿಬಿಡಿಯಲ್ಲಿ ಶ್ರೀನಾಥ್, ತೆಂಡೂಲ್ಕರ್​ ಟ್ರ್ಯಾಕ್​ ಪ್ಯಾಂಟ್ ಧರಿಸಿ, ಪ್ರಾಕ್ಟೀಸ್​ಗೂ ಹೋಗ್ತಾರೆ. ನೆಟ್ಸ್​ನಲ್ಲಿ ಒಂದು ಬಾಲ್ ಬೌಲಿಂಗ್ ಮಾಡಿದ ಮೇಲೆ ಶ್ರೀನಾಥ್​ರನ್ನ ನೋಡಿ ಎಲ್ರೂ ನಗುತ್ತಿರುತ್ತಾರೆ. ಯಾಕಂದ್ರೆ ಶ್ರೀನಾಥ್​​​​ ಅವರಿಗೆ ಸಚಿನ್​ ಪ್ಯಾಂಟ್,​​ ಮೊಣಕಾಲಿನ ತನಕ ಆಗಿರುತ್ತಿತ್ತು . ಈ ವಿಷ್ಯ ತಿಳಿತ್ತಿದ್ದಂತೆ ಜಾವಗಲ್​ ಶ್ರೀನಾಥ್, ಕೂಡಲೇ ಡ್ರೆಸ್ಸಿಂಗ್ ರೂಮ್​​ನತ್ತ ಓಡಿ ಹೋಗ್ತಾರೆ. ನಂತರ ಟ್ರ್ಯಾಕ್​​ ಪ್ಯಾಂಟ್​​ ಚೇಂಜ್ ಮಾಡಿ ಮತ್ತೆ ನೆಟ್​ ಪ್ರಾಕ್ಟೀಸ್​​ಗೆ ವಾಪಾಸಾಗ್ತಾರೆ. ಈ ವಿಷಯವನ್ನ ಹೇಮಂಗ್ ಬದಾನಿ ರಿವೀಲ್ ಮಾಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ