17 ರೂಪಾಯಿಗೆ ಬರೀ ಒಂದು ಟೊಮ್ಯಾಟೋ

ಟೊಮ್ಯಾಟೋ ಬೆಲೆ ಕಂಡು ಸಿಲಿಕಾನ್​ ಸಿಟಿ ಗ್ರಾಹಕರು ಶಾಕ್​

ಟೊಮ್ಯಾಟೋ ಖರೀದಿಸಿ ಬಿಲ್ ಸಮೇತ ಪೋಸ್ಟ್ ಮಾಡಿದ ವ್ಯಕ್ತಿ

ಟೊಮ್ಯಾಟೋ ಬೆಲೆಯಲ್ಲಿ ಕೊಂಚ ಇಳಿಕೆ ಕಂಡಿದೆ. ಹಾಗಾಗಿ ಸಿಲಿಕಾನ್​​ ಸಿಟಿ ಗ್ರಾಹಕರು ನಿಟ್ಟುಸಿರು ಬಿಟ್ಟಿದ್ದಾರೆ. ಇದರ ನಡುವೆ ವ್ಯಕ್ತಿಯೋರ್ವ ಒಂದೇ ಒಂದು ಟೊಮ್ಯಾಟೋವನ್ನು 17 ರೂಪಾಯಿ ಖರೀದಿಸಿದ ಪೋಸ್ಟ್​ವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ತಿಂಗಳ ಹಿಂದೆ 17 ರೂಪಾಯಿಗೆ ಎರಡ್ಮೂರು ಕೆ.ಜಿ ಟೊಮ್ಯಾಟೋ ಸಿಗುತ್ತಿತ್ತು. ಈಗ 0.120 ಕಿಲೋಗ್ರಾಂ ತೂಕದ ಒಂದು ಟೊಮ್ಯಾಟೋ 17 ರೂಪಾಯಿಗೆ ಖರೀದಿಸಿರುವ ಪೋಸ್ಟ್ ಕಂಡು ಗ್ರಾಹಕರು ಮತ್ತು ಸಾಮಾಜಿಕ ಜಾಲತಾಣ ಬಳಸುವವರು ಶಾಕ್​ ಆಗಿದ್ದಾರೆ.

ವ್ಯಕ್ತಿ ಬಿಲ್‌ ಹಾಗೂ ಟೊಮ್ಯಾಟೋ ಸಮೇತ ಜಾಲತಾಣದಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ. ಇದೀಗ ಈ ಪೋಸ್ಟ್ ಎಲ್ಲೆಡೆ ವೈರಲ್​ ಆಗುತ್ತಿದೆ. ಇನ್ನು ವ್ಯಕ್ತಿ ಸೂಪರ್ ಮಾರ್ಕೆಟ್ ನಲ್ಲಿ ಒಂದು ಟೊಮ್ಯಾಟೋ ಖರೀದಿ ಮಾಡಿ‌ ಬಿಲ್ ಸಮೇತ ಪೋಸ್ಟ್​ ಮಾಡಿದ್ದಾನೆ ಎಂದು ಅಂದಾಜಿಸಲಾಗಿದೆ.

ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಪೋಸ್ಟ್​ ಯಾವಾಗಿನದ್ದು ಎಂದು ತಿಳಿದುಬರಬೇಕಿದೆ. ಆದರೆ ಸಿಲಿಕಾನ್​​ ಸಿಟಿಯಲ್ಲಿ 1 ಕೆ.ಜಿ ಟೊಮ್ಯಾಟೋ 100 ರೂಪಾಯಿಗೆ ಸಿಗುತ್ತಿದೆ. ಮುಂದಿನ ತಿಂಗಳು ಮತ್ತಷ್ಟು ಬೆಲೆ ಇಳಿಕೆಯಾಗುವ ಸಾಧ್ಯತೆ ಇದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ