ಸಿಂಗಲ್​ ಮರ್ಡರ್​ಗೆಂದು ಬಂದವರು ಡಬಲ್ ಕೊಲೆ ಮಾಡಿದ್ರು

ಫೆಲಿಕ್ಸ್​ ತನ್ನ ಪ್ಲಾನ್​ ಪೇಲ್​ ಆಗದಂತೆ ಸಖತ್​ ಆಗಿ ಯೋಚಿಸಿದ್ದನು

ಡ್ರ್ಯಾಗರ್ ಪ್ಯಾಂಟ್​ನಲ್ಲಿ ಹಿಡಿಲಿಲ್ಲ, ಆರೋಪಿಗಳು ಏನು ಮಾಡಿದ್ರು?

ಬೆಂಗಳೂರು: ಅಮೃತಹಳ್ಳಿಯ ಪಂಪಾ ಬಡಾವಣೆಯಲ್ಲಿ ಡಬಲ್ ಮರ್ಡರ್​ಗೆ ಸಂಬಂಧಿಸಿದಂತೆ ಆರೋಪಿ ಫೆಲಿಕ್ಸ್ ಅಂಡ್ ಟೀಂ ಹತ್ಯೆ ಮಾಡಿ ಎಸ್ಕೇಪ್ ಆಗಿರುವ ಘಟನೆ ಬಗ್ಗೆ ಸಿಸಿಟಿವಿ ದೃಶ್ಯಗಳು ಸದ್ಯ ಪೊಲೀಸರಿಗೆ ಲಭ್ಯವಾಗಿವೆ.

ವ್ಯವಹಾರದ ಜಿದ್ದಿಗೆ ಬಿದ್ದಿದ್ದ ಆರೋಪಿ ಫೆಲಿಕ್ಸ್ ತನ್ನ ತಂಡದೊಂದಿಗೆ ಏರೋನಿಕ್ಸ್​​​​​ ಕಂಪನಿಯ MD ಫಣೀಂದ್ರ ಸುಬ್ರಹ್ಮಣ್ಯ, CEO ವಿನುಕುಮಾರ್​ನನ್ನು​ ಬರ್ಬರವಾಗಿ ಹತ್ಯೆ ಮಾಡಿದ್ದರು. ಈ ಸಂಬಂಧ ತನಿಖೆ ಕೈಗೊಂಡ ಪೊಲೀಸರಿಗೆ ಆರೋಪಿಗಳು ಹತ್ಯೆಗೆ ಸ್ಕೆಚ್​ ಹಾಕಿರುವ ಕುರಿತು ಸಿಸಿಟಿವಿ ದೃಶ್ಯಗಳು ಸಿಕ್ಕಿವೆ.

ಇದನ್ನು ಓದಿ: ಬೆಂಗಳೂರನ್ನೇ ಬೆಚ್ಚಿ ಬೀಳಿಸಿದೆ ಖಾಸಗಿ ಕಂಪನಿ CEO, MD ಕೊಲೆ ಕೇಸ್​.. ಹತ್ಯೆಗೈದ ಸುದ್ದಿಯ ಸ್ಟೇಟಸ್​ ಹಾಕೊಂಡು ವಿಕೃತಿ ಮೆರೆದಿದ್ದ ಆರೋಪಿ

ಹತ್ಯೆ ಮಾಡಿದ ಬಳಿಕ ವಿನಯ್ ಕುಮಾರ್ ರೆಡ್ಡಿ ತನ್ನ ಪ್ಯಾಂಟ್​ನಲ್ಲಿ ಡ್ರ್ಯಾಗರ್ ಇಟ್ಟುಕೊಳ್ಳುತ್ತಿದ್ದನು. ಈ ವೇಳೆ ಅದು ಪ್ಯಾಂಟ್​ನಲ್ಲಿ ಹಿಡಿಸದಿದ್ದಾಗ ಸಂತೋಷ್ ಸಹಾಯದಿಂದ ಡ್ರ್ಯಾಗರ್​ನ್ನು ಇಟ್ಟುಕೊಂಡನು. ಫೆಲಿಕ್ಸ್​ ಮಾತ್ರ ಜುಬ್ಬ ಧರಿಸಿ ತನಗೇನು ಗೊತ್ತಿಲ್ಲ ಎಂಬಂತೆ ಅವರ ಹಿಂದೆ ಹೋಗುತ್ತಿದ್ದನು. ಈ ಬಗ್ಗೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಬೈಕ್​ನಲ್ಲಿ ಬಂದಿದ್ದ ಹಂತಕರು ಕೊಲೆ ಮಾಡಿ ಎಸ್ಕೇಪ್ ಆಗಿದ್ದೇ ರೋಚಕವಾಗಿದೆ. ಕೊಲೆಯ ನಂತರ ಹೇಗೆ ಎಸ್ಕೇಪ್ ಆಗಬೇಕೆಂದು ಫೆಲಿಕ್ಸ್ 1 ತಿಂಗಳ ಹಿಂದೆನೇ ಆ ಸ್ಥಳಕ್ಕೆ ಬಂದು ರೂಟ್​ಗಳ ಬಗ್ಗೆ ಪ್ಲಾನ್ ಮಾಡಿದ್ದನು. ಹತ್ಯೆ ಮಾಡುತ್ತಿದ್ದಂತೆ ಹಿಂಬದಿ ಬಾಗಿಲನ್ನು ತೆಗೆದು ಕಾಂಪೌಂಡ್ ಹಾರಿ ಪರಾರಿಯಾಗಿದ್ದರು. ಬಳಿಕ ಮುಖ್ಯ ರಸ್ತೆಗೆ ಬರುತ್ತಿದ್ದಂತೆ ಓಲಾ ಕಾರು ಬುಕ್ ಮಾಡಿ ಎಸ್ಕೇಪ್​ ಆಗಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

ಅಮೃತಹಳ್ಳಿಯ ಪಂಪಾ ಬಡಾವಣೆಯಲ್ಲಿ ಡಬಲ್ ಮರ್ಡರ್​ಗೆ ಸಂಬಂಧಿಸಿದಂತೆ ಆರೋಪಿ ಫೆಲಿಕ್ಸ್ ಅಂಡ್ ಟೀಂ ಹತ್ಯೆ ಮಾಡಿ ಎಸ್ಕೇಪ್ ಆಗುತ್ತಿರುವ ಸಿಸಿಟಿವಿ ದೃಶ್ಯ. #newsfirstkannada #kannadanews #newsfirstlive #Bangalore #Death pic.twitter.com/dXKSXZDSR4

— NewsFirst Kannada (@NewsFirstKan) July 13, 2023