ಕೂಡ್ಲುಗೇಟ್​ನಿಂದ ಬಸವನಗುಡಿ ಕಡೆ ಬೈಕ್​ನಲ್ಲಿ ಬರುತ್ತಿದ್ದ ಯುವತಿ

ರಾತ್ರಿ 10:40 ಗಂಟೆಗೆ ನಡೆದಿರುವ ಘಟನೆ, ಆರೋಪಿಗಾಗಿ ಹುಡುಕಾಟ

ಯುವತಿ ಕೆಲಸ ಮುಗಿಸಿಕೊಂಡು ಬೈಕ್​ನಲ್ಲಿ ಮನೆಗೆ ಹೋಗುತ್ತಿದ್ದಳು..!

ಬೆಂಗಳೂರು: ಉಪ ಪೊಲೀಸ್ ಆಯುಕ್ತರ ಕಚೇರಿ ಮುಂಭಾಗವೇ ಯುವತಿಯ ಬಟ್ಟೆ ಎಳೆದು ಕಿರಾತಕನೋರ್ವ ಎಸ್ಕೇಪ್ ಆಗಿರುವ ಘಟನೆಯು ಸೌತ್ & ಸರ್ಕಲ್​ನ ರಸ್ತೆಯಲ್ಲಿ ನಡೆದಿದೆ.

ಯುವತಿಯು ಕೆಲಸ ಮುಗಿಸಿಕೊಂಡು ರಾತ್ರಿ ಬೈಕ್​ನಲ್ಲಿ ಕೂಡ್ಲುಗೇಟ್​ನಿಂದ ಬಸವನಗುಡಿ ಕಡೆಯಿಂದ ತನ್ನ ಮನೆಗೆ ತೆರಳುತ್ತಿದ್ದರು. ಈ ವೇಳೆ ಸೌತ್ & ಸರ್ಕಲ್​ನಲ್ಲಿನ ಉಪ ಪೊಲೀಸ್ ಆಯುಕ್ತರ ಕಚೇರಿ ಮುಂಭಾಗ ಬರುತ್ತಿದ್ದರು. ಆಗ ಯುವತಿಯನ್ನ ಫಾಲೋ ಮಾಡಿಕೊಂಡು ವೈಟ್ ಸ್ವೆಟರ್​, ಹ್ಯಾಟ್ ಧರಿಸಿಕೊಂಡು ಬಂದಿದ್ದ ಕಿರಾತಕ ಆಕೆಯ ಬಟ್ಟೆ ಎಳೆದು, ಅಶ್ಲೀಲ ಪದಗಳಿಂದ ಬೈದು ಹೋಗಿದ್ದಾನೆ.

ಈ ಸಂಬಂಧ ಆರೋಪಿ ವಿರುದ್ಧ ಜಯನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ. ಸದ್ಯ ಕೇಸ್ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿಗಾಗಿ ಬಲೆ ಬೀಸಿದ್ದಾರೆ.
…
ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ