ಮಾಯಾ ಮೃತ ದೇಹದ ಸನಿಹ ಸಿಕ್ಕ ಆ ಎರಡು ವಸ್ತು ಯಾವುದು? ಆರವ್ ಯಾವ ಪ್ಲಾನ್ ಮಾಡಿಕೊಂಡಿದ್ದ?

ಮಹಾಲಕ್ಷ್ಮಿ ಮರ್ಡರ್​​ ಕೇಸ್. ಇಡೀ ದೇಶವನ್ನೇ ಬೆಚ್ಚಿಬೀಳಿಸಿತ್ತು. ನೇಪಾಳ ಮೂಲದ ಮಹಾಲಕ್ಷ್ಮಿಯನ್ನು ಕೊಂದು 50 ಪೀಸ್​​ ಮಾಡಲಾಗಿತ್ತು. ಪ್ರಿಯಕರ ಮುಕ್ತಿರಂಜನ್ ದಾಸ್ ಅಕ್ಷರಶಃ ರಕ್ಕಸನಂತೆ ಮಹಾಲಕ್ಷ್ಮಿ ದೇಹವನ್ನ ತುಂಡು ತುಂಡು ಮಾಡಿದ್ದ. ಅಷ್ಟೂ ಪೀಸ್​ಗಳನ್ನ ಫ್ರಿಡ್ಜ್​​ನಲ್ಲಿಟ್ಟು ಹೋಗಿದ್ದ. ಹೀಗೆ ಬೆಂಗಳೂರನ್ನೇ ಬೆಚ್ಚಿಬೀಳಿಸಿ ತನ್ನೂರಿಗೆ ಹೋಗಿ ಆತ್ಮಹತ್ಯೆ ಮಾಡಿಕೊಂಡಿದ್ದ. ಇದೇ, ಇದೇ ರೀತಿಯಲ್ಲೇ ಮಾಯಾ ಕೊಲೆ ಪ್ಲಾನ್ ನಡೆದಿತ್ತಾ? ಇಂಥದ್ದೊಂದು ಅನುಮಾನಕ್ಕೆ ಸಾಕ್ಷಿ ಆಗಿರೋದು ಎರಡು ವಸ್ತು.

ಮಾಯಾಳ ಮೃತ ದೇಹದ ಬಳಿ ಸಿಕ್ಕಿತ್ತು ಚಾಕು, ನೈಲಾನ್ ಹಗ್ಗ!
ಆರವ್ ಬ್ಯಾಗ್​​ನೊಂದಿಗೆ ಬಂದಿದ್ದ. ಇದೇ ಬ್ಯಾಗ್​ನಲ್ಲೇ ಹಳೆಯ ಚಾಕು ಇಟ್ಟುಕೊಂಡಿದ್ದ. ಇದು ಸಾಲದು ಅಂತ ಜೆಫ್ಟೋದಲ್ಲಿ ನೈಲಾನ್ ಹಗ್ಗವನ್ನೂ ಆರ್ಡರ್​ ಮಾಡಿ ತರಿಸಿಕೊಂಡಿದ್ದ. ಅದೂ ಸಹ ಮಾಯಾ ತನ್ನೊಂದಿಗೆ ಇಂದಿರಾನಗರದ ಇದೇ ಅಪಾರ್ಟ್​​ಮೆಂಟ್​​ಗೆ ಬಂದ ಮೇಲೆ ಹಗ್ಗ ತರಿಸಿದ್ದ. ಪೊಲೀಸರನ್ನ ಇದೇ ಎರಡು ವಸ್ತುಗಳೇ ಇದೀಗ ಬೆಚ್ಚಿಬೀಳಿಸುತ್ತಿದೆ. ಥೇಟ್​ ಮಹಾಲಕ್ಷ್ಮಿ ಕೊಲೆ ಪ್ರಕರಣದಂತೆಯೇ ಮಾಯಾಳನ್ನ ಪೀಸ್​​ ಪೀಸ್ ಮಾಡೋ ಪ್ಲಾನ್ ಮಾಡಿದ್ನಾ? ಇಂಥಾದ್ದೊಂದು ಅನುಮಾನಕ್ಕೆ ಪೂರಕ ಎನ್ನುವಂತೆ ಇಡೀ ರಾತ್ರಿ ಆರವ್ ಶವದೊಂದಿಗೆ ಕಾಲ ಕಳೆದ ವಿಚಾರ ಪುಷ್ಠಿ ನೀಡ್ತಿದೆ

ನೈಲಾನ್ ಹಗ್ಗದಿಂದ ಬಾಡಿ ಡಂಪ್ ಮಾಡೋ ಪ್ಲಾನ್ ಇತ್ತಾ?
ಹಳೇ ಚಾಕುವಿನಿಂದ ಕೊಲ್ಲಬಹುದೇ ವಿನಃ ಮೃತ ದೇಹವನ್ನ ತುಂಡು ತುಂಡು ಮಾಡೋಕಾಗಲ್ಲ. ಆರವ್ ತನ್ನ ಬ್ಯಾಗ್​ನೊಂದಿಗೆ ಬಂದ ಸಿಸಿಟಿವಿ ದೃಶ್ಯ ನೋಡಿದ್ರೆ ತೀರಾ ಅಚ್ಚರಿ ಅನಿಸೋದಿಲ್ಲ. ಯಾಕಂದ್ರೆ ತನ್ನ ಬ್ಯಾಗ್ ಭುಜದಲ್ಲಿದ್ರೂ, ಮಾಯಾಳ ಬ್ಯಾಗನ್ನ ಆರವ್ ಕೈಯಲ್ಲಿ ಹಿಡಿದು ಹೋಗೋದನ್ನ ಕಾಣಬಹುದು. ಇಂದಿರಾನಗರದ ಇದೇ ಅಪಾರ್ಟ್​​ಮೆಂಟ್​​ನಲ್ಲಿ ರೂಮ್ ಬುಕ್ ಮಾಡೋದ್ರಿಂದ ಹಿಡಿದು ಕೊಲ್ಲೋ ತನಕ ಎಲ್ಲವೂ ಆರವ್ ಅಂದುಕೊಂಡಂತೆಯೇ ಅದಂತೆ ಕಾಣುತ್ತಿದೆ. ಆದರೆ, ಆರವ್​​ನ ಕೊನೆಯ ಪ್ಲಾನ್ ಫೇಲ್ ಆಗಿರಬಹುದು ಅಂತ ಪೊಲೀಸರು ಶಂಕಿಸುತ್ತಿದ್ದಾರೆ.

ಇದನ್ನೂ ಓದಿ:ಬೆಂಗಳೂರಲ್ಲಿ ಇಂದು ರಾತ್ರಿ ಭರ್ಜರಿ ಮಳೆ ಸಾಧ್ಯತೆ; ನೀವು ಓದಲೇಬೇಕಾದ ಸ್ಟೋರಿ

ಮಾಯಾಳನ್ನ ಚುಚ್ಚಿಚುಚ್ಚಿ ಕೊಂದ ಬಳಿಕ ಮೃತ ದೇಹವನ್ನ ವಿಲೇವಾರಿ ಮಾಡುವ ಚಿಂತನೆಯನ್ನ ಆರವ್​ ಹೊಂದಿದ್ದ ಎನ್ನಲಾಗ್ತಿದೆ. ಇದೇ ಶಂಕೆಯಲ್ಲೇ ಪೊಲೀಸರು ತನಿಖೆಗಿಳಿದಾಗ ನೈಲಾನ್ ಹಗ್ಗದ ಸಾಕ್ಷಿ ಪೂರಕ ವಿಚಾರವಾಗಿದೆ. ಜೆಫ್ಟೋದಲ್ಲಿ ನೈಲಾನ್ ಹಗ್ಗ ಬುಕ್ ಮಾಡಿದ್ದು, ಆ ಆರ್ಡರ್​​ ಪಡೆದಿದ್ದು, ಎಲ್ಲಾ ದಾಖಲೆಗಳು ಪೊಲೀಸರಿಗೆ ಸಿಕ್ಕಿವೆ. ಮೃತ ದೇಹವನ್ನ ತುಂಡು ತುಂಡು ಮಾಡಿ ಮತ್ತೊಂದು ಕಡೆ ಸಾಗಿಸೋ ಲೆಕ್ಕಾಚಾರ ಅವನದಾಗಿತ್ತು ಅನ್ನೋ ಶಂಕೆ ಪೊಲೀಸರನ್ನ ಕಾಡುತ್ತಿದೆ. ಇದೇ ಆ್ಯಂಗಲ್​​ನಲ್ಲೇ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದು ವಿಶೇಷ ತಂಡವನ್ನು ರಚಿಸಿದ್ದಾರೆ.

2 ಸಿಸಿಟಿವಿ ದೃಶ್ಯಗಳು ಆರವ್​ನದ್ದು ಪ್ರೀ ಪ್ಲಾನ್ ಎನ್ನುತ್ತಿವೆಯೇ?
ನೋಡಿ, ಇಲ್ಲಿ ಆರವ್ ಪಕ್ಕಾ ಪ್ಲಾನ್ ಮಾಡಿಯೇ ಮಾಯಾಳನ್ನ ಕೊಂದಿದ್ದಾನೆ ಅನ್ನೋದಕ್ಕೆ ಸಿಸಿಟಿವಿ ದೃಶ್ಯಾವಳಿಗಳು ಪೊಲೀಸರಿಗೆ ಹಲವು ಸುಳಿವು ನೀಡುತ್ತಿವೆ. ಮಾಯಾ ನ್ಯಾಚುರಲ್ ಆಗಿಯೇ ಅಪಾರ್ಟ್​​ಮೆಂಟ್​ಗೆ ಬಂದಿದ್ದಾಳೆ. ಆದರೆ, ಆರವ್ ವೈಟ್ ಕಲರ್​ ಟೋಪಿಯನ್ನ ಧರಿಸಿಯೇ ಅಪಾರ್ಟ್​​ಮೆಂಟ್​​ನೊಳಕ್ಕೆ ಬಂದಿದ್ದ. ಹೋಗುವಾಗಲೂ ಸಹ ಅದೇ ವೈಟ್​​ ಕಲರ್​ ಟೋಪಿಯೊಂದಿಗೆ ಹೋಗಿದ್ದಾನೆ. ಬರುವಾಗ ಬ್ಯಾಗ್ ಕೂಡ ಅವನ ಹೆಗಲಿನಲ್ಲಿತ್ತು. ಆದರೆ, ಕೊಲೆಯ ಬಳಿಕ ಮುಂಜಾನೆ 8.16ಕ್ಕೆ ವಾಪಾಸ್ ಹೋಗುವಾಗ ಆರವ್​​ ನಡಿಗೆಯಲ್ಲಿ ಆತುರವಿದೆಯೇ ವಿನಃ, ಬ್ಯಾಗ್ ಮರೆತ ವಿಚಾರ ತಿಳಿಯುತ್ತಿಲ್ಲ ಅನಿಸ್ತಿದೆ.

ಇದನ್ನೂ ಓದಿ:ಲವರ್​ ಜೊತೆ ಅಪಾರ್ಟ್​​ಮೆಂಟ್​​​ಗೆ ಹೋದವಳು ಫಿನಿಶ್​!, ಒಟ್ಟಿಗೆ ಬಂದವನು ಒಳಗೆ ಹೋದ್ಮೇಲೆ ಮಾಡಿದ್ದು ಏನು?

ಇನ್ನೂ ಸೂಕ್ಷ್ಮವಾಗಿ ನೋಡಿದ್ರೇ ಡೆಡ್​ ಬಾಡಿ ಪಕ್ಕ ಸಿಕ್ಕ ಸಿಗರೇಟ್​ ಕೂಡ ಆರವ್ ಸಾಕಷ್ಟು ಪ್ಲಾನ್ ಇಟ್ಟುಕೊಂಡಿದ್ದ ಅನ್ನೋ ಮಾನಸಿಕ ತುಮುಲವನ್ನೇ ಹೇಳುವ ರೀತಿಯಲ್ಲಿದೆ. ಅತಿಯಾದ ಉದ್ವೇಗ, ಅತಿಯಾದ ಒತ್ತಡದ ಸಂದರ್ಭದಲ್ಲೇ ಆರವ್ ಸಿಗರೇಟ್​ ಸೇದಿರಬಹುದು. ರೂಮಿನೊಳಕ್ಕೆ ಹೋಗುವಾಗಲೂ ಸದ್ಯ, ಮಾಯಾಳನ್ನ ಮೊದಲು ಒಳಕ್ಕೆ ಕರೆದುಕೊಂಡು ಹೋದ್ರೆ ಸಾಕು ಅನ್ನೋ ಆತುರವೇ ಆರವ್​​ನಲ್ಲಿದೆ. ಸ್ವಿಚ್ ಆಫ್ ಮಾಡಿಕೊಂಡಿರೋ ಆರವ್ ನಂಬರ್​ ಜಾಡು ಹಿಡಿದು ಪೊಲೀಸರು ತನಿಖೆಯ ವೇಗ ಹೆಚ್ಚಿಸಿದ್ದಾರೆ. ಮತ್ತೊಂದು ಟೀಮ್ ಕೇರಳದತ್ತ ಮುಖ ಮಾಡಿದೆ. ಒಟ್ಟು ಎರಡು ವಿಶೇಷ ತಂಡಗಳು ಎಸ್ಕೇಪ್ ಆಗಿರೋ ಆರೋಪಿ ಆರವ್ ಹನೋಯ್ ಹುಡುಕಾಟದಲ್ಲಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ