ಬಿಸಿಸಿಐ-ಡ್ರೀಮ್11 ಮಧ್ಯೆ ಮಹತ್ವದ ಒಪ್ಪಂದ

ಬಿಸಿಸಿಐಗೆ ಪ್ರತಿಷ್ಠೆಯ ಪ್ರಶ್ನೆಯಾಗಿತ್ತು, ಈಗ ನಿಟ್ಟುಸಿರು

ಎಷ್ಟು ವರ್ಷಗಳವರೆಗೆ ಒಪ್ಪಂದ ಆಗಿದೆ ಗೊತ್ತಾ..?

ಭಾರತ ಕ್ರಿಕೆಟ್​ ತಂಡದ ಜರ್ಸಿ ಸ್ಪಾನ್ಸರ್​ ವಿಶ್ವದ ಅತ್ಯಂತ ಜನಪ್ರಿಯ ಫ್ಯಾಂಟಸಿ ಗೇಮಿಂಗ್ ಪ್ಲಾಟ್‌ಫಾರ್ಮ್ ಡ್ರೀಮ್- 11 ಪಡೆದುಕೊಂಡಿದೆ. ಬಿಸಿಸಿಐ ಜೊತೆಗೆ ಈ ಒಪ್ಪಂದವನ್ನು 3 ವರ್ಷ ಕಾಲದವರೆಗೆ ಡ್ರೀಮ್- 11 ಮಾಡಿಕೊಂಡಿದೆ. ಕಳೆದ ಮಾರ್ಚ್​ನಲ್ಲಿ ಬೈಜುಸ್ ಕಂಪನಿಯ ಒಪ್ಪಂದವು ಅಂತಿಮಗೊಂಡಿತ್ತು. ಹೀಗಾಗಿ ಜೂನ್​ 11 ರಂದು ಬಿಸಿಸಿಐ ಈ ಬಗ್ಗೆ ಟೆಂಡರ್​ ಕರೆದಿತ್ತು.

ಫ್ಯಾಂಟಸಿ ಗೇಮಿಂಗ್ ಪ್ಲಾಟ್‌ಫಾರ್ಮ್ ಡ್ರೀಮ್- 11 ಜರ್ಸಿ ಸ್ಪಾನ್ಸರ್​ ಜುಲೈ 12 ರಿಂದ ನಡೆಯುವ ವೆಸ್ಟ್​ ಇಂಡೀಸ್​ ವಿರುದ್ಧದ 2 ಪಂದ್ಯಗಳ ಟೆಸ್ಟ್​ ಸರಣಿಯಿಂದಲೇ ಆರಂಭವಾಗಲಿದೆ. ಸರಣಿಯ ಮೊದಲ ಪಂದ್ಯ ಡೊಮಿನಿಕಾದ ರಾಸೋಯಿಯಲ್ಲಿನ ವಿಂಡ್ಸನ್​ ಪಾರ್ಕ್​ನಲ್ಲಿ ನಡೆಯಲಿದೆ. ಇದು 2023-2025ರ ನಡುವಿನ ವಿಶ್ವ ಟೆಸ್ಟ್ ಚಾಂಪಿಯನ್​ ಶಿಪ್​ಗಾಗಿ ನಡೆಯುವ ಭಾರತದ ಮೊದಲ ಸರಣಿಯಾಗಿದೆ ಎನ್ನಲಾಗಿದೆ.

ಐಸಿಸಿ ವಿಶ್ವಕಪ್ ಇದೇ ವರ್ಷ ನಡೆಯಲಿದ್ದು ಫ್ಯಾನ್ಸ್​ಗಳ ನಿರೀಕ್ಷೆ ದುಪ್ಪಟ್ಟು ಮಾಡಲು ಇದೊಂದು ಒಪ್ಪಂದ ಸಹಕಾರಿ ಆಗಲಿದೆ ಎಂದು ಬಿಸಿಸಿಐ ಅಧ್ಯಕ್ಷ ರೋಜರ್ ಬಿನ್ನಿ ತಿಳಿಸಿದ್ದಾರೆ. ಈ ಬಗ್ಗೆ ಡ್ರೀಮ್​-11 ಸಿಇಒ ಹರ್ಷ ಜೈನ್​ ಮಾತನಾಡಿ, ಕ್ರಿಕೆಟ್​ ಮೇಲಿನ ಪ್ರೀತಿಯನ್ನು ಇನ್ನಷ್ಟು ಹೆಚ್ಚು ಮಾಡಲಾಗುವುದು. ಬಿಸಿಸಿಐ ಜತೆ ಈ ಒಪ್ಪಂದ ಮಾಡಿಕೊಂಡಿದ್ದಕ್ಕೆ ಹೆಮ್ಮೆ ಎನಿಸುತ್ತಿದೆ. ಇದು ಹೀಗೆ ಮುಂದುವರೆಯಲಿದೆ ಎಂದು ತಿಳಿಸಿದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ