ರೋಹಿತ್​ ಶರ್ಮಾ ಟೀಮ್​ಗೆ ಬಿಸಿಸಿಐ ಚಾನ್ಸ್​ ಏಕೆ ಕೊಟ್ಟಿಲ್ಲ?

ಈ ತಂಡದಲ್ಲಿ ರೋಹಿತ್, ಕೊಹ್ಲಿ, ಸಿರಾಜ್​ ಯಾರೂ ಇರಲ್ಲ

ರಿಂಕು ಸೇರಿ ಯುವ ಆಟಗಾರರಿಗೆ ಮಣೆ ಹಾಕಿದ ಬಿಸಿಸಿಐ

ವಿಶ್ವಕಪ್​ ನಡೆಯುವ ಸಮಯದಲ್ಲೇ ಚೀನಾದಲ್ಲಿ ಏಷ್ಯನ್​ ಗೇಮ್ಸ್​ ನಡೆಯುತ್ತಿರುವ ಕಾರಣ ರೋಹಿತ್​ ಶರ್ಮಾ ಸಾರಥ್ಯದ ಟೀಮ್​ ಅನ್ನು ಕೈ ಬಿಟ್ಟು ಯಂಗ್​ ಟೀಮ್​ಗೆ ಬಿಸಿಸಿಐ ಮಣೆ ಹಾಕಿದೆ. ಮುಂದಿನ ಸೆಪ್ಟೆಂಬರ್​- ಅಕ್ಟೋಬರ್​ನಲ್ಲಿ ಚೀನಾದ ಹ್ಯಾಂಗ್​ಜೂನಲ್ಲಿ ನಡೆಯಲಿರುವ ಏಷ್ಯನ್​ ಗೇಮ್ಸ್​ಗೆ ಟೀಮ್​ ಇಂಡಿಯಾವನ್ನ ಬಿಸಿಸಿಐ ಪ್ರಕಟಿಸಿದೆ. 15 ಆಟಗಾರರ ಯುವ ತಂಡವನ್ನು ಆಯ್ಕೆ ಮಾಡಿರುವ ಸೆಲೆಕ್ಟರ್​​ ಕಮಿಟಿ ಯುವ ಕ್ರಿಕೆಟಿಗ ಋತುರಾಜ್​ ಗಾಯಕ್ವಾಡ್​ಗೆ ನಾಯಕತ್ವದ ಹೊಣೆ ನೀಡಿದೆ.

ಇದೇ ವರ್ಷ ಭಾರತದಲ್ಲಿ 2023 ವಿಶ್ವಕಪ್​ ನಡೆಯಲಿದೆ. ಚೀನಾದಲ್ಲೂ ಇದೇ ಸಮಯದಲ್ಲಿ ಏಷ್ಯನ್​ ಗೇಮ್ಸ್​ ನಡೆಯುತ್ತಿರುವ ಕಾರಣ ರೋಹಿತ್​ ಶರ್ಮಾ ಸಾರಥ್ಯದ ಟೀಮ್​ ಅನ್ನು ಏಷ್ಯನ್​ ಗೇಮ್ಸ್ ಆಯ್ಕೆ ಮಾಡಿಲ್ಲ. ಹೊಸದೊಂದು ಯಂಗ್​ ಪ್ಲೇಯರ್​ಗಳ ಟೀಮ್​ ಅನ್ನು ಬಿಸಿಸಿಐ ಘೋಷಣೆ ಮಾಡಿದೆ.

ಇದನ್ನು ಓದಿ: ಬೆಂಗಳೂರಿಗರೇ ಎಚ್ಚರ! ರಾತ್ರಿ ಒಬ್ಬರೇ ಓಡಾಡ್ಬೇಡಿ; ಸಿಟಿಗೆ ಮತ್ತೆ ಎಂಟ್ರಿ ಕೊಟ್ಟಿದೇ ಆ ಗ್ಯಾಂಗ್!​

ಏಷ್ಯಾನ್​ ಗೇಮ್ಸ್​ನಲ್ಲಿ ಟಿ20 ಮಾದರಿಯ ಪಂದ್ಯಗಳು

ಐಪಿಎಲ್​ನಲ್ಲಿ ಮಿಂಚಿದ ಆಟಗಾರರಿಗೆ ಮಣೆ ಹಾಕಲಾಗಿದ್ದು ರಿಂಕು ಸಿಂಗ್, ಯಶಸ್ವಿ ಜೈಸ್ವಾಲ್​, ತಿಲಕ್​​ ವರ್ಮಾ, ರವಿ ಬಿಷ್ನೋಯಿ, ಆರ್ಷ್​ದೀಪ್​ ಸಿಂಗ್​ ಹಾಗೂ ಪ್ರಭಾಸಿಮ್ರಾನ್​ ಸಿಂಗ್​ ಸ್ಥಾನ ಪಡೆದ ಪ್ರಮುಖರಾಗಿದ್ದಾರೆ. 5 ಆಟಗಾರರನ್ನ ಸ್ಟ್ಯಾಂಡ್​ ಬೈ ಆಟಗಾರರನ್ನಾಗಿ ಹೆಸರಿಸಲಾಗಿದೆ. ಸೆಪ್ಟೆಂಬರ್​ 28ರಿಂದ ಅಕ್ಟೋಬರ್​ 8ರ ವರೆಗೆ ಟೂರ್ನಿಯಲ್ಲಿ ಟೀಮ್​ ಇಂಡಿಯಾದ ಪಂದ್ಯಗಳು ಆಯೋಜನೆಗೊಂಡಿದ್ದು, ಟಿ20 ಮಾದರಿಯ ಪಂದ್ಯಗಳು ನಡೆಯಲಿವೆ.

2023 ಏಷ್ಯನ್​ ಗೇಮ್ಸ್​ಗೆ ಭಾರತ ತಂಡ:

ಋತುರಾಜ್​ ಗಾಯಕ್ವಾಡ್ (ನಾಯಕ), ಯಶಸ್ವಿ ಜೈಸ್ವಾಲ್, ರಾಹುಲ್ ತ್ರಿಪಾಠಿ, ತಿಲಕ್ ವರ್ಮಾ, ರಿಂಕು ಸಿಂಗ್, ಜಿತೇಶ್ ಶರ್ಮಾ (ವಿಕೆಟ್ ಕೀಪರ್) ವಾಷಿಂಗ್ಟನ್​ ಸುಂದರ್, ಶಹ್ಬಾಜ್ ಅಹ್ಮದ್, ರವಿ ಬಿಷ್ನೋಯಿ, ಆವೇಶ್ ಖಾನ್, ಆರ್ಶ್​ದೀಪ್ ಸಿಂಗ್, ಮುಕೇಶ್ ಕುಮಾರ್, ಶಿವಂ ಮಾವಿ, ಶಿವಂ ದುಬೆ, ಪ್ರಭಾಸಿಮ್ರಾನ್ (ವಿಕೆಟ್ ಕೀಪರ್). ಇನ್ನು, ಶಿಖರ್ ಧವನ್ ಏಷ್ಯನ್ ಗೇಮ್ಸ್ ತಂಡದ ನಾಯಕರಾಗುತ್ತಾರೆ ಎಂದು ಹೇಳಲಾಗಿತ್ತು. ಆದರೆ, ಬಿಸಿಸಿಐ ಸರ್ಪ್ರೈಸ್ ಆಗಿ ಗಾಯಕ್ವಾಡ್​ಗೆ ನಾಯಕತ್ವದ ಜವಾಬ್ದಾರಿ ನೀಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ