ಆಸ್ಟ್ರೇಲಿಯಾ, ಇಂಗ್ಲೆಂಡ್​ನಿಂದ ಕಲಿಬೇಕು ಭಾರತದ ಕ್ರಿಕೆಟ್​ ಮಂಡಳಿ

ಆಟಗಾರರ ಆಡಿ ಆಡಿ ಸುಸ್ತಾದ್ರೂ ರೆಸ್ಟ್​ ಅನ್ನೋದೇ ಐಪಿಎಲ್​ನಲ್ಲಿ ಇಲ್ಲ

ದೇಶಕ್ಕಿಂತ ಐಪಿಎಲ್​ ಅನ್ನೇ ಪ್ರತಿಷ್ಠೆಯಾಗಿ ತೆಗೆದುಕೊಂಡ ಬಿಸಿಸಿಐ

ದೇಶಕ್ಕಿಂತ ಹೆಚ್ಚಾಯ್ತಾ ಐಪಿಎಲ್?. ಬಿಸಿಸಿಐಗೆ ದೇಶದ ಪ್ರತಿಷ್ಠೆಗಿಂತ ಹಣವೇ ಮುಖ್ಯನಾ?. ಭಾರತೀಯ ಕ್ರಿಕೆಟ್​ ಏಳಿಗೆ ವಿಶ್ವ ಶ್ರೀಮಂತ ಕ್ರಿಕೆಟ್​ ಸಂಸ್ಥೆಗೆ ಬೇಕಿಲ್ವಾ?. ನಿಜಕ್ಕೂ ಭಾರತೀಯ ಕ್ರಿಕೆಟ್​ ಬೆಳವಣಿಗಿಗೆ ಏನ್ ಮಾಡ್ತಿದೆ ಬಿಸಿಸಿಐ. ಈ ಎಲ್ಲಾ ಪ್ರಶ್ನೆಗಳು ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್​​​ ಸೋಲಿನ ಬಳಿಕ ಕೇಳಿ ಬರುತ್ತಿವೆ.

ಕ್ರಿಕೆಟ್​.. ಭಾರತದ ಜನಪ್ರಿಯ ಕ್ರೀಡೆ. ಅದು ಯಾವ ಮಟ್ಟಕ್ಕೆ ಅಂದ್ರೆ, ಒಂದು ಧರ್ಮವಾಗಿ ಬೇರೂರಿದೆ. ಈ ಕ್ರಿಕೆಟ್​ ಅನ್ನೇ ಬಂಡವಾಳ ಮಾಡಿಕೊಂಡ ಬಿಸಿಸಿಐ, ಇಂದು ವಿಶ್ವದ ಶ್ರೀಮಂತ ಕ್ರಿಕೆಟ್ ಸಂಸ್ಥೆಯಾಗಿ ಬೆಳೆದಿದೆ. ಐಪಿಎಲ್​ ಮೂಲಕ ಸಾವಿರಾರೂ ಕೋಟಿ ಜೇಬಿಗಿಳಿಸುತ್ತಿರುವ ಬಿಗ್​ಬಾಸ್​​ಗಳಿಗೆ ಇಂದು ದೇಶಕ್ಕಿಂತ ಐಪಿಎಲ್​​ ಮುಖ್ಯ ಎಂಬ ಹುಚ್ಚು ತನದಲ್ಲಿದೆ. ಇದಕ್ಕೆಲ್ಲ ಕಾರಣ ಶ್ರೀಮಂತ ಕ್ರಿಕೆಟ್ ಲೀಗ್​ನಿಂದ ಹರಿಯುತ್ತಿರೋ ಹಣದ ಹೊಳೆ.

ಐಪಿಎಲ್​ ಎಂಬ ಮಾಯಜಾಲದಲ್ಲಿ ತೇಲಾಡ್ತಿರೋ ಬಿಸಿಸಿಐ, ದೇಶಕ್ಕಿಂತ ಐಪಿಎಲ್​ ಮಿಲಿಯನ್ ಡಾಲರ್ ಟೂರ್ನಿಯನ್ನೇ ಪ್ರತಿಷ್ಠೆಯಾಗಿ ತೆಗೆದುಕೊಂಡಿದೆ. ಹಣದ ಅಮಲಿನಲ್ಲಿ ದೇಶದ ಘನತೆಯನ್ನೇ ಪಣಕ್ಕಿಟ್ಟಿದೆ. ಇದಕ್ಕೆಲ್ಲ ಸಾಕ್ಷಿ. ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್ ಸೋಲು.

ಐಪಿಎಲ್​ ಆಡಿದವರು WTC ಫೈನಲ್​ನಲ್ಲಿ ಅಟ್ಟರ್​ಫ್ಲಾಫ್..!

WTC ಫೈನಲ್​ ಸೋಲಿನ ಬೆನ್ನಲ್ಲೇ ಐಪಿಎಲ್​ನ ಹೊಣೆ ಮಾಡಲಾಗ್ತಿದೆ. ಐಪಿಎಲ್​ನಲ್ಲಿ ಆಡಿದ ಆಟಗಾರರ ಅಟ್ಟರ್​ ಫ್ಲಾಪ್ ಎಂದು ಟೀಕಿಸಲಾಗ್ತಿದೆ. ಇದಕ್ಕೆ ಕಾರಣ ಐಪಿಎಲ್​​ನಲ್ಲಿ ಆಡಿರೋ ಎಲ್ಲ ಆಟಗಾರರು ವೈಫಲ್ಯ ಅನುಭವಿಸಿದ್ದೇ ಆಗಿದೆ. ಆಸ್ಟ್ರೇಲಿಯಾ ಆಟಗಾರರಾದ ಡೇವಿಡ್ ವಾರ್ನರ್​, ಕ್ಯಾಮರೂನ್ ಗ್ರೀನ್ ಸಹಿತ ಫ್ಲಾಫ್ ಆಗಿದ್ದಾರೆ. ಇದನ್ನೇ ಎಕ್ಸಾಂಪಲ್ ನೀಡ್ತಿದ್ದಾರೆ.

ಅಷ್ಟೇ ಅಲ್ಲ, ಸೂಪರ್ ಪವರ್ ಕ್ರಿಕೆಟ್​ ಸಂಸ್ಥೆ, ವಾರ್ಮ್​ ಅಪ್​​ಗೂ ಟೈಮ್​ ನೀಡದಂತೆ ರೆಡ್​ಬಾಲ್ ಕ್ರಿಕೆಟ್​​ಗೆ ತಳ್ಳಿತ್ತು. ಈ ನಡೆ ನಿಜಕ್ಕೂ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗುವಂತೆ ಮಾಡಿದೆ. ಇದಿಷ್ಟೇ ಅಲ್ಲ, ಆಟಗಾರರಿಗೆ ದೇಶಕ್ಕಿಂತ ಐಪಿಎಲ್​​​​​​​ ಮುಖ್ಯ ಎಂಬ ಗಂಭೀರ ಆರೋಪಗಳನ್ನೂ ಎದುರಿಸ್ತಿದ್ದಾರೆ. ಆದ್ರೆ, ಇದರ ಹಿಂದೆ ಸತ್ಯ ಬೇರೇಯದ್ದೇ ಇದೆ.

ಆಟಗಾರರ ಅಹವಾಲು ಕೇಳಲ್ಲ ಐಪಿಎಲ್​ ಫ್ರಾಂಚೈಸೀಸ್..!

ಐಪಿಎಲ್​ನಲ್ಲಿ ಒಮ್ಮೆ ಕೋಟಿ ಕೋಟಿಗೆ ಬಿಕರಿಯಾದ್ರೆ, ಮುಗೀತು ಆಟಗಾರರ ಬಳಲಿ ಬೆಂಡಾದರೂ ರೆಸ್ಟ್​ ಅನ್ನೋ ಪದಕ್ಕೆ ಇಲ್ಲಿ ಸ್ಥಾನವೇ ಇಲ್ಲ. ಒಂದು ಮಾತಲ್ಲಿ ಹೇಳೋದ್ರಾದ್ರೆ, ಆಟಗಾರರ ವಿಚಾರದಲ್ಲಿ ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್​​ನಂತೆ ಭಾರತದಲ್ಲಿ ನಡೆಯೋದೆ ಇಲ್ಲ. ಇದನ್ನ ಸ್ವತಃ ಟೀಮ್ ಇಂಡಿಯಾದ ಆಟಗಾರರೇ ಹೇಳಿಕೊಂಡಿದ್ದಾರೆ.

ಬ್ರೇಕ್​ ತೆಗೆದುಕೊಳ್ಳಲು ಬಿಡಲ್ಲ..!

ನಾನು ಬಳಲಿದ್ದೇನೆ. ನನಗೆ ಬ್ರೇಕ್​ ಬೇಕು. ಆದರೆ, ನನ್ನ ಫ್ರಾಂಚೈಸಿ ಬ್ರೇಕ್ ತೆಗೆದುಕೊಳ್ಳಲು ಬಿಡಲ್ಲ. ಇದು ಭಾರತ, ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್ ಅಲ್ಲ. ಟೀಮ್ ಇಂಡಿಯಾ ಆಟಗಾರರ ದುಸ್ಥಿತಿ. ಈ ವಿಚಾರದಲ್ಲಿ ಆಟಗಾರರ ನೆರವಿಗೆ ನಿಲ್ಲಬೇಕಿರೋ ಬಿಸಿಸಿಐ ಕೂಡ, ಫ್ರಾಂಚೈಸಿಗಳ ತಾಳಕ್ಕೆ ತಕ್ಕಂತೆ ಕುಣಿಯುತ್ತಿರೋದು ನಿಜಕ್ಕೂ ಘನಘೋರ.

ವಿಶ್ವ ಶ್ರೀಮಂತ ಕ್ರಿಕೆಟ್​ ಸಂಸ್ಥೆಗೆ ಬೇಕಿದೆ ದೂರ ದೃಷ್ಟಿ..!

ಬಿಸಿಸಿಐ ಹಣದ ಕಣಜ ತುಂಬಿಸುತ್ತಿದೆ ನಿಜ. ಆದ್ರೆ ಫ್ಯೂಚರ್ ಬಗ್ಗೆ ಮಾತ್ರ ತಲೆಕೆಡಿಸಿಕೊಂಡಿಲ್ಲ. ಈ ಒಂದು ಲೀಗ್​ನಲ್ಲಿ 3 ಫಾರ್ಮೆಟ್​ ಆಟಗಾರರು ಸಿಗ್ತಾರೆ ಅನ್ನೋದು ನಿಜಕ್ಕೂ ಹುಚ್ಚುತನ. ಐಪಿಎಲ್​​ನಿಂದಲೇ ಎಲ್ಲವೂ ಎಂಬ ಅಜ್ಞಾನದಲ್ಲಿ ಬಿಸಿಸಿಐ ಮುಳುಗಿದರೆ, ಬ್ಯಾಂಕ್ ಬ್ಯಾಲೆನ್ಸ್ ಡಬಲ್​​​​​​​​​ಗಾಗಿ ಐಪಿಎಲ್ ಆಡೋದೆ ನೆಕ್ಸ್ಟ್​ ಜನರೇಷನ್ ಪ್ಲೇಯರ್​​ಗಳ ಗುರಿಯಾಗೋದರಲ್ಲಿ ಅನುಮಾನವೇ ಇಲ್ಲ.

ಹೀಗಾಗಿ ಬಿಸಿಸಿಐ ಸ್ಪೋರ್ಟ್ಸ್​ ಜಸ್ಟ್​ ಬ್ಯಾಂಕ್ ಬ್ಯಾಲೆನ್ಸ್​ ರೀತಿ ನೋಡದೆ, ಭಾರತದ ಘನತೆಯಂತೆ ನೋಡಬೇಕಾದ ಅಗತ್ಯತೆ ಇದ್ದೇ ಇದೆ. ಫ್ರಾಂಚೈಸಿಗಳ ಕಮರ್ಷಿಯಲ್ ಡಿಮ್ಯಾಂಡ್ಸ್​​ ಜೊತೆ ಜೊತೆಗೆ ದೇಶವೂ ಫಸ್ಟ್​ ಎಂಬ ಪರಿಕಲ್ಪನೆಯನ್ನ ಬಿಸಿಸಿಐ, ಫ್ರಾಂಚೈಸಿಗಳ ಮೇಲೆ ಹೇರಬೇಕಾದ ಅಗತ್ಯತೇ ಇದ್ದೇ ಇದೆ. ಇಲ್ಲದಿದ್ರೆ, ಭಾರತ ಸಂಪೂರ್ಣ ಲೀಗ್ ಮಯ ಆಗೋದ್ರಲ್ಲಿ ಎರಡು ಮಾತಿಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ