ಈ ಐದು ಕೀ ಪ್ಲೇಯರ್ಸ್​ ಟೀಮ್​ ಇಂಡಿಯಾಗೆ ಬೇಕೆ ಬೇಕು.!

ಆಟಗಾರರ ಇಂಜುರಿ ವಿಚಾರವಾಗಿ ಕೊನೆಗೆ ತುಟಿ ಬಿಚ್ಚಿದ BCCI

ಬುಮ್ರಾ ಚೇತರಿಕೆಗೆ BCCI ಹ್ಯಾಪಿ, ಶೀಘ್ರ ಕಮ್​ಬ್ಯಾಕ್ ಸಾಧ್ಯತೆ

ಟೀಮ್ ಇಂಡಿಯಾದ ಪಂಚ ಪಾಂಡವರ ಬಗ್ಗೆ ಬ್ರೇಕಿಂಗ್​ ನ್ಯೂಸ್​​ ಕೇಳಿ ಬಂದಿದೆ. ಇಂತಹದೊಂದು ಸ್ವೀಟ್​​​ ಬ್ರೇಕಿಂಗ್​​ ನ್ಯೂಸ್​​​ನಿಂದ ಫ್ಯಾನ್ಸ್ ಸಂತಸಕ್ಕೆ ಪಾರವೇ ಇಲ್ಲ. ಅಷ್ಟಕ್ಕೂ ಆ ಪಂಚ ಪಾಂಡವರು ಯಾರು..? ಒಬ್ಬರಲ್ಲ, ಇಬ್ಬರಲ್ಲ.. ಬರೋಬ್ಬರಿ ಐವರು ಕೀ ಪ್ಲೇಯರ್ಸ್​. ವೇಗಿ ಜಸ್​ಪ್ರೀತ್ ಬುಮ್ರಾ, ಪ್ರಸಿದ್ಧ್​ ಕೃಷ್ಣ, ಕೆಎಲ್ ರಾಹುಲ್​​​, ಶ್ರೇಯಸ್ ಅಯ್ಯರ್​ ಹಾಗೂ ಮ್ಯಾಚ್ ವಿನ್ನರ್​​​​​​ ರಿಷಬ್​ ಪಂತ್​​​​ ಇಂಜುರಿ ಟೀಮ್ ಇಂಡಿಯಾಗೆ ದೊಡ್ಡ ಸೆಟ್​ಬ್ಯಾಕ್ ಆಗಿತ್ತು. ಇವರ ಅಲಭ್ಯತೆಯಲ್ಲಿ 2024ರ ಟಿ20 ವಿಶ್ವಕಪ್​ ಹಾಗೂ ವಿಶ್ವಟೆಸ್ಟ್​ ಚಾಂಪಿಯನ್​ಶಿಪ್ ಸಹ ಸೋತು ನಿರಾಸೆ ಅನುಭವಿಸಿತ್ತು.

ಮೌನ ಮುರಿದ ಬಿಸಿಸಿಐ.. ಯಾರು, ಯಾವಾಗ ಕಮ್​ಬ್ಯಾಕ್​​..?

3 ತಿಂಗಳಲ್ಲಿ ಏಷ್ಯಾಕಪ್​ ಹಾಗೂ ಏಕದಿನ ವಿಶ್ವಕಪ್ ನಡೆಯಲಿದೆ. ಈ ಬಿಗ್​​​ ಟೂರ್ನಿಗಾದ್ರು ಪಂಚ ಪಾಂಡವರು ತಂಡಕ್ಕೆ ಕಮ್​ಬ್ಯಾಕ್​ ಮಾಡ್ತಾರಾ, ಇಲ್ಲ ಅನ್ನೋ ಪ್ರಶ್ನೆ ಕ್ರಿಕೆಟ್ ಪ್ರಿಯರನ್ನ ಬಿಟ್ಟು ಬಿಡದೇ ಕಾಡ್ತಿತ್ತು. ಆಟಗಾರರ ಇಂಜುರಿ ವಿಚಾರದಲ್ಲಿ BCCI ಮೌನ ವಹಿಸಿದ್ದು ಆತಂಕವನ್ನ ಡಬಲ್ ಮಾಡಿತ್ತು. ಇದೀಗ ವಿಶ್ವಕಪ್​​​ ಸಮೀಪಿಸಿದ ಬೆನ್ನಲ್ಲೇ ಬಿಸಿಸಿಐ ತುಟಿ ಬಿಚ್ಚಿ ಮಾತನಾಡಿದ್ದು, ಮೇನ್​ ಪ್ಲೇಯರ್ಸ್​ ಮರಳುವಿಕೆ ಬಗ್ಗೆ ಗುಡ್​​​ ನ್ಯೂಸ್ ನೀಡಿದೆ.

2024ರ ಇಂಗ್ಲೆಂಡ್​ ಸರಣಿ ವೇಳೆಗೆ ಫಿಟ್ ಆಗ್ತಾರೆ ರಿಷಭ್..!

ರಿಷಬ್​ ಪಂತ್​​ ಟೀಮ್ ಇಂಡಿಯಾದ ರಿಯಲ್ ಮ್ಯಾಚ್​ ವಿನ್ನರ್​​​. ಇವರ ಬ್ಯಾಟ್​​ನಿಂದ ಸಿಡಿಯುವ ಒಂದೊಂದು ಸಿಕ್ಸ್​​​​ ಕಣ್ಣಿಗೆ ಹಬ್ಬ. ಸದ್ಯ ಆ ಅದೃಷ್ಟ ನೋಡುಗರಿಗೆ ಇಲ್ಲವಾಗಿದೆ. ಯಾಕಂದ್ರೆ ಕಳೆದ ವರ್ಷ ಭೀಕರ ಕಾರು ಅಪಘಾತಕ್ಕೊಳಗಾದ ಪಂತ್​ ಇನ್ನೂ ತಂಡಕ್ಕೆ ಮರಳಿಲ್ಲ. ಏಕದಿನ ವಿಶ್ವಕಪ್​ನಿಂದ ದೂರ ಉಳಿಯಲಿರುವ ಡೇಂಜರಸ್​​​ ಬ್ಯಾಟರ್, 2024ರಲ್ಲಿ ನಡೆಯಲಿರುವ ಇಂಗ್ಲೆಂಡ್​ ಸರಣಿಗೆ ಫಿಟ್ ಆಗಲಿದ್ದಾರೆ. ಸದ್ಯ ಬಿಸಿಸಿಐ ನೀಡಿರೋ ಮಾಹಿತಿ ಪ್ರಕಾರ ಪಂತ್ ಗಮನಾರ್ಹ ಚೇತರಿಕೆ ಕಾಣ್ತಿದ್ದಾರೆ. ನೆಟ್​​​ನಲ್ಲಿ ಬ್ಯಾಟಿಂಗ್, ಕೀಪಿಂಗ್​ ಮಾಡಲು ಪ್ರಾರಂಭಿಸಿದ್ದಾರೆ.

ಬುಮ್ರಾ ಚೇತರಿಕೆಗೆ ಬಿಸಿಸಿಐ ಹ್ಯಾಪಿ, ಶೀಘ್ರವೇ ಕಮ್​ಬ್ಯಾಕ್

ಕಳೆದ ವರ್ಷ ತಂಡದಿಂದ ಹೊರಬಿದ್ದ ಸ್ಟಾರ್ ವೇಗಿ ಜಸ್​ಪ್ರೀತ್​ ಬುಮ್ರಾ ಕಮ್​ಬ್ಯಾಕ್ ಯಾವಾಗ ಎನ್ನುವುದು ಇಲ್ಲಿತನಕ ಉತ್ತರವಿಲ್ಲದ ಪ್ರಶ್ನೆಯಾಗಿತ್ತು. ಆದ್ರೀಗ ಡೆತ್ ಓವರ್ ಸ್ಪೆಶಲಿಸ್ಟ್​​​ ಇಂಜುರಿ ಬಗ್ಗೆ ಬಿಗ್​​ ಅಪ್​ಡೇಟ್​ ನ್ಯೂಸ್​ ಹೊರಬಿದ್ದಿದೆ. ಎನ್​ಸಿಎ ರಿಹ್ಯಾಬ್​​​​​​​​​ನಲ್ಲಿರೋ ಬುಮ್ರಾ ಬೌಲಿಂಗ್​​​​​ ಪ್ರಾಕ್ಟೀಸ್ ಮಾಡ್ತಿದ್ದು, ಕೆಲ ಅಭ್ಯಾಸ ಪಂದ್ಯಗಳ ಬಳಿಕ ಇವರ ಬಗ್ಗೆ ಅಂತಿಮ ನಿರ್ಧಾರ ಕೈಗೊಳ್ಳುವುದಾಗಿ ಬಿಸಿಸಿಐ ಹೇಳಿದೆ. ಕನ್ನಡಿಗ ಪ್ರಸಿದ್ಧ್​ ಕೃಷ್ಣ ಕೂಡ ವರ್ಷದ ಬಳಿಕ ತಂಡಕ್ಕೆ ಮರಳಲು ಎದುರು ನೋಡ್ತಿದ್ದಾರೆ.

ರಾಹುಲ್​​​-ಶ್ರೇಯಸ್​​​ ಎಂಟ್ರಿಗೆ ಇನ್ನೊಂದೇ ಹೆಜ್ಜೆ ಬಾಕಿ..!

2023ರ ಐಪಿಎಲ್​​ ವೇಳೆ ತೊಡೆ ಇಂಜುರಿಗೆ ತುತ್ತಾಗಿದ್ದ ಕೆಎಲ್ ರಾಹುಲ್​ ವೇಗವಾಗಿ ರಿಕವರಿ ಕಾಣ್ತಿದ್ದಾರೆ. ನೆಟ್ಸ್​​ನಲ್ಲಿ ದೈಹಿಕ ಚಟುವಟಿಕೆ ಜೊತೆ ಬ್ಯಾಟಿಂಗ್​​​ ಆರಂಭಿಸಿದ್ದು, ಟೀಮ್ ಇಂಡಿಯಾಗೆ ಮರಳಲು ಇನ್ನೊಂದೇ ಹೆಜ್ಜೆ ಬಾಕಿ ಇದೆ. ಫಿಟ್ನೆಸ್​ ಟೆಸ್ಟ್​​ನಲ್ಲಿ ಪಾಸಾಗಿ ಬಿಟ್ರೆ ಒನ್ಡೇ ವಿಶ್ವಕಪ್​​ ಡೋರ್ ಓಪನ್ ಆಗಲಿದೆ.

ಬೆನ್ನು ನೋವಿನಿಂದ ಬಳಲುತ್ತಿರುವ ಶ್ರೇಯಸ್ ಅಯ್ಯರ್​ ಆರೋಗ್ಯದಲ್ಲಿ ಗಮನಾರ್ಹ ಪ್ರಗತಿ ಕಂಡು ಬಂದಿದೆ. ಬಿಸಿಸಿಐ ಇವರ ಚೇತರಿಕೆಯಿಂದ ತೃಪ್ತಿಯಾಗಿದ್ದು, ಫಿಟ್ನೆಸ್​​​​​ ಟೆಸ್ಟ್​ ಬಳಿಕ ಅಂತಿಮ ನಿರ್ಧಾರ ತೆಗೆದುಕೊಳ್ಳೋದಾಗಿ ಹೇಳಿದೆ.

ಒನ್ಡೇ ವಿಶ್ವಕಪ್​​ ಸನಿಹದಲ್ಲಿ ಐವರು ಕೀ ಪ್ಲೇಯರ್​ಗಳ ಇಂಜುರಿ ಬಗ್ಗೆ ಅಪ್​ಡೇಟ್​​ ನೀಡಿ ಅಭಿಮಾನಿಗಳ ಮೊಗದಲ್ಲಿ ಸಂತಸ ಮೂಡುವಂತೆ ಮಾಡಿದೆ. ಫಿಫ್ಟಿ ಓವರ್ ಮಹಾಬ್ಯಾಟಲ್​​ಗೆ ಎಲ್ಲರೂ ಫುಲ್ ಫಿಟ್ ಆಗಿ, ತಂಡಕ್ಕೆ ಮರುಳುವಂತಾಗಲಿ ಎಂದು ನಾವು ಆಶೀಸುತ್ತೇವೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ