ಟೀಮ್ ಇಂಡಿಯಾ, ಬಾಂಗ್ಲಾದೇಶ ನಡುವಿನ ಮೊದಲ ಟೆಸ್ಟ್‌ ಮುಕ್ತಾಯ!

ಮೊದಲ ಟೆಸ್ಟ್​​ನಲ್ಲಿ ಬಾಂಗ್ಲಾ ವಿರುದ್ಧ 280 ರನ್‌ಗಳಿಂದ ಗೆದ್ದು ಬೀಗಿದ ಭಾರತ

ಮಹತ್ವದ 2ನೇ ಟೆಸ್ಟ್​ ಪಂದ್ಯಕ್ಕೆ ಬಲಿಷ್ಠ ಟೀಮ್​ ಇಂಡಿಯಾ ಪ್ರಕಟಿಸಿದ ಬಿಸಿಸಿಐ

ಟೀಮ್ ಇಂಡಿಯಾ, ಬಾಂಗ್ಲಾದೇಶ ನಡುವಿನ ಮೊದಲ ಟೆಸ್ಟ್‌ ಮುಗಿದಿದೆ. ಚೆನ್ನೈನ ಇಂಟರ್​​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ ಪಂದ್ಯದಲ್ಲಿ ಬಾಂಗ್ಲಾ ವಿರುದ್ಧ ಬರೋಬ್ಬರಿ 280 ರನ್‌ಗಳಿಂದ ರೋಹಿತ್​ ಪಡೆ ಗೆದ್ದು ಬೀಗಿದೆ. ಇದೇ ವೇಳೆ ಬಿಸಿಸಿಐ 2ನೇ ಟೆಸ್ಟ್‌ಗೆ ಬಲಿಷ್ಠ ತಂಡವನ್ನು ಪ್ರಕಟಿಸಿದೆ.

ಬಿಸಿಸಿಐ 2ನೇ ಟೆಸ್ಟ್​​ ಪ್ರಕಟಿಸಿರೋ ತಂಡದಲ್ಲಿ ಯಾವುದೇ ಬದಲಾವಣೆ ಇಲ್ಲ. ಮೊದಲ ಟೆಸ್ಟ್​​ನಲ್ಲೇ ಇದ್ದ ತಂಡವನ್ನೇ 2ನೇ ಟೆಸ್ಟ್​ನಲ್ಲೂ ಇರಲಿದೆ. ಈಗಾಗಲೇ ಸರಣಿಯಲ್ಲಿ ಟೀಂ ಇಂಡಿಯಾ 1-0 ಮುನ್ನಡೆ ಸಾಧಿಸಿದೆ. ಮುಂದಿನ ವಾರ ಸೆಪ್ಟೆಂಬರ್​​ 27ನೇ ತಾರೀಕಿನಿಂದ ಕಾನ್ಪುರದಲ್ಲಿ 2ನೇ ಟೆಸ್ಟ್ ಪಂದ್ಯ ಶುರುವಾಗಲಿದೆ. ಹೇಗಾದ್ರೂ ಮಾಡಿ 2ನೇ ಟೆಸ್ಟ್​ ಪಂದ್ಯ ಗೆದ್ದು ಸೀರೀಸ್​​ ಕ್ಲೀನ್​ ಸ್ವೀಪ್​ ಮಾಡಬೇಕು ಎಂದು ಟೀಮ್​ ಇಂಡಿಯಾ ಮುಂದಾಗಿದೆ.

ಮೂವರಿಗೆ ನಿರಾಸೆ

2ನೇ ಟೆಸ್ಟ್ ಪಂದ್ಯಕ್ಕೆ ಪ್ರಕಟವಾಗಿರೋ ತಂಡದಲ್ಲಿ ಅಭಿಮನ್ಯು ಈಶ್ವರನ್ ಮತ್ತು ಸಂಜು ಸ್ಯಾಮ್ಸನ್​​ಗೆ ಚಾನ್ಸ್​ ಸಿಕ್ಕಿಲ್ಲ. ದುಲೀಪ್‌ ಟ್ರೋಫಿಯಲ್ಲಿ ಅಬ್ಬರದ ಪ್ರದರ್ಶನದ ಹೊರತಾಗಿಯೂ ಇವರನ್ನು ಬಿಸಿಸಿಐ ಸೆಲೆಕ್ಷನ್​ ಕಮಿಟಿ ಆಯ್ಕೆ ಮಾಡಿಲ್ಲ. ದುಲೀಪ್ ಟ್ರೋಫಿಯಲ್ಲಿ ಸ್ಥಿರ ಪ್ರದರ್ಶನ ನೀಡುತ್ತಿರುವ ಇಶಾನ್‌ ಕಿಶನ್‌ ಅವರನ್ನು ಸಹ ಕಡೆ ಗಣಿಸಲಾಗಿದೆ.

2ನೇ ಟೆಸ್ಟ್‌ಗೆ ಟೀಮ್​ ಇಂಡಿಯಾ ಹೀಗಿದೆ:

ರೋಹಿತ್ ಶರ್ಮಾ (ಕ್ಯಾಪ್ಟನ್​​), ಯಶಸ್ವಿ ಜೈಸ್ವಾಲ್, ಶುಭ್ಮನ್​ ಗಿಲ್, ವಿರಾಟ್ ಕೊಹ್ಲಿ, ಕೆಎಲ್ ರಾಹುಲ್, ಸರ್ಫರಾಜ್ ಖಾನ್, ರಿಷಭ್ ಪಂತ್ (ವಿಕೆಟ್ ಕೀಪರ್), ಧ್ರುವ್ ಜುರೆಲ್ (ವಿಕೆಟ್ ಕೀಪರ್), ಆರ್ ಅಶ್ವಿನ್, ಆರ್ ಜಡೇಜಾ, ಅಕ್ಷರ್ ಪಟೇಲ್, ಕುಲದೀಪ್ ಯಾದವ್, ಮೊಹಮ್ಮದ್. ಸಿರಾಜ್, ಆಕಾಶ್ ದೀಪ್, ಜಸ್ಪ್ರೀತ್ ಬುಮ್ರಾ, ಯಶ್ ದಯಾಳ್.

ಇದನ್ನೂ ಓದಿ: ಟೆಸ್ಟ್​​ನಲ್ಲಿ ಸ್ಟಾರ್​ ಆಲ್​ರೌಂಡರ್​​ ಕಮಾಲ್​​; ಅನಿಲ್​ ಕುಂಬ್ಳೆ ದಾಖಲೆಯನ್ನೇ ಮುರಿದ R ಅಶ್ವಿನ್​​!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ