ಲೂಡೋ ಗೇಮ್​ ಚಟಕ್ಕೆ ಬಿದ್ದ ಮಹಿಳೆ

ಚಿನ್ನಾಭರಣ ಮಾರಿ, ಸಾಲ ಮಾಡಿದ್ದ ಲೂಡೋ ಪ್ರಿಯೆ

ಕ್ಷಮಿಸಿ ಬಿಡಿ ಎಂದು ಪತ್ರ ಬರೆದು 2 ಮಕ್ಕಳ ಜೊತೆಗೆ ನಾಪತ್ತೆ

ಆನ್​ಲೈನ್​ ಲೂಡೋ ಗೇಮ್ ವಟಕ್ಕೆ ಬಿದ್ದ ಮಹಿಳೆಯೊಬ್ಬಳು ಬರೋಬ್ಬರಿ 4.6 ಲಕ್ಷ ರೂಪಾಯಿ ಸಾಲ ಮಾಡಿದ ಘಟನೆ ಮಹಾಲಕ್ಷ್ಮೀ ಲೇಔಟ್​ನಲ್ಲಿ ನಡೆದಿದೆ. 26 ವರ್ಷದ ಮಹಿಳೆ ವಿಷರೀತ ಆನ್​ಲೈನ್​ ಗೇಮ್​ಗೆ ಬೇಸತ್ತು ತನ್ನ ಮಕ್ಕಳೊಂದಿಗೆ ನಾಪತ್ತೆಯಾಗಿದ್ದಾಳೆ.

ಮಹಿಳೆ ಆನ್​ಲೈನ್​ ಲೂಡೋ ಗೇಮ್​ ದಾಸಲಾಗಿದ್ದಳು. ಹೀಗಾಗಿ ಲಕ್ಷಾಂತರ ರೂಪಾಯಿ ಲೂಡೋ ಆಟದಾಸೆದಿಂದ ಸಾಲ ಮಾಡಿಕೊಂಡಿದ್ದಾಳೆ. ಕೊನೆಗೆ ತನ್ನ ಏಳು ವರ್ಷದ ಮತ್ತು ಒಂದು ವರ್ಷದ ಮಗುವಿನೊಂದಿಗೆ ಮನೆಬಿಟ್ಟು ಹೋಗಿದ್ದಾಳೆ. ಪತ್ನಿ ಮತ್ತು ಮಕ್ಕಳು ಮನೆ ತೊರೆದಿರುವ ಬಗ್ಗೆ ಪತಿ ಪೊಲೀಸ್​​ ಠಾಣೆ ಮೆಟ್ಟಿಲೇರಿ ದೂರು ನೀಡಿದ್ದಾನೆ. ಪತಿ ನೀಡಿದ ದೂರಿನ ಆಧಾರದ ಮೇಲೆ ಪೊಲೀಸರು ಶೋಧ ನಡೆಸುತ್ತಿದ್ದಾರೆ.

ಚಿನ್ನಾಭರಣ ಅಡವಿಟ್ಟ ಮಹಿಳೆ

ಗಂಡ-ಹೆಂಡತಿ ಮದುವೆಯಾಗಿ 7 ವರ್ಷಗಳಾಗಿತ್ತು. ಆದರೆ ಬರುಬರುತ್ತಾ ಹೆಂಡತಿಗೆ ಆನ್​ಲೈನ್​ ಲೂಡೋ ಗೇಮ್​ ಗೀಳು ಬೆಳೆಯಿತು. ಹೀಗಾಗಿ ನಿತ್ಯವು ಅದರಲ್ಲಿ ತೊಡಗಿಸಿಕೊಳ್ಳುತ್ತಿದ್ದಳು. 1 ವರ್ಷದಿಂದ ನಿರಂತರವಾಗಿ ಲೂಡೋ ಗೇಮ್ ಆಡುತ್ತಿದ್ದಳು. ಪ್ರಾರಂಭದಲ್ಲಿ ಅದರಿಂದ ಆದ ಸಾಲವನ್ನು ತೀರಸಿಲು ಚಿನ್ನಾಭರಣ ಅಡವಿಟ್ಟಿದ್ದಾಳೆ  ಮತ್ತು ಸಂಬಂಧಿಕರ ಬಳಿ ಸಾಲ ಮಾಡಿದ್ದಾಳೆ.

‘ಇನ್ನೂ ಹೀಗೆ ಮಾಡೊಲ್ಲ’

ಮೊದಲಿಗೆ ಮಹಿಳೆ 3,45,000 ಹಣದಿಂದ ಲೂಡೋ ಗೇಮ್ ಅಡಿದ್ದಾಳೆ. ಈ ವಿಚಾರ ಗಂಡನಿಗೆ ತಿಳಿಯುತ್ತಿದ್ದಂತೆ ಆತ ಆಕೆಯ ತಂದೆ ತಾಯಿಗೆ ತಿಳಿಸಿದ್ದಾನೆ.  ಬಳಿಕ ಅವರು ಕೂಡ ಮಗಳಿಗೆ ಬುದ್ಧಿ ಮಾತು ಹೇಳಿದ್ದಾರೆ. ಅಪ್ಪ-ಅಮ್ಮನ ಬುದ್ಧಿ ಮಾತನ್ನ ಕೇಳಿದ ಮಗಳು ಇನ್ನೂ ಹೀಗೆ ಮಾಡೊಲ್ಲ ಎಂದು ಹೇಳಿದ್ದಾಳೆ.

‘ಈ ಲಾಸ್ ನನ್ನಿಂದ ಆಗಿರೋದಲ್ಲ’

ಇಷ್ಟಾದ ಬಳಿಕ ಮಹಿಳೆ ನನ್ನನ್ನು ಕ್ಷಮಿಸಿ ಎಂದು ಪತ್ರ ಬರೆದಿಟ್ಟು ಮಕ್ಕಳನ್ನು ಕರೆದುಕೊಂಡು ಮನೆಬಿಟ್ಟು ಹೋಗಿದ್ದಾಳೆ. ಪತ್ರದಲ್ಲಿ ಈ ಲಾಸ್ ನನ್ನಿಂದ ಆಗಿರೋದಲ್ಲ ಎಂದು ಪತ್ರ ಬರೆದಿಟ್ಟು ತೆರಳಿದ್ದಾಳೆ. ಸದ್ಯ ಮಹಾಲಕ್ಷೀಪುರಂ ಪೊಲೀಸ್ ಠಾಣೆ ಯಲ್ಲಿ ನಾಪತ್ತೆ ಪ್ರಕರಣ ದಾಖಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ