ಮಧ್ಯಪ್ರದೇಶದ ಬೋಪಾಲ್​ನಿಂದ ಪ್ರಧಾನಿ ಮೋದಿ ಚಾಲನೆ

ಮೈಸೂರು-ಚೆನ್ನೈ ಬಳಿಕ ಇದು ರಾಜ್ಯಕ್ಕೆ ಎರಡನೇ ಎಕ್ಸ್​ಪ್ರೆಸ್

16 ಬೋಗಿಗಳ ಪೈಕಿ 8 ಬೋಗಿಗಳ ರೈಲು ಬೆಂಗಳೂರಿಗೆ ಬರಲಿದೆ

ಭೋಪಾಲ್: ಹುಬ್ಬಳ್ಳಿ ಧಾರವಾಡದಿಂದ-ಬೆಂಗಳೂರಿಗೆ ಸಂಚರಿಸುವ ನೂತನ ‘ವಂದೇ ಭಾರತ್ ಎಕ್ಸ್​ಪ್ರೆಸ್​​’ ಹೈ-ಸ್ಪೀಡ್ ರೈಲಿಗೆ ಪ್ರಧಾನಿ ಮೋದಿಯವರು ವಿಡಿಯೋ ಕಾನ್ಫರೆನ್ಸ್ ಮೂಲಕ ಚಾಲನೆ ನೀಡಿದ್ದಾರೆ. ಇಂದು ಭೋಪಾಲ್ ನಗರಕ್ಕೆ ಭೇಟಿ ನೀಡಿದ ಪ್ರಧಾನಿಯವರು ಕರ್ನಾಟಕ ಸೇರಿದಂತೆ ದೇಶದ ಇನ್ನು 4 ವಂದೇ ಭಾರತ್ ಎಕ್ಸ್​ಪ್ರೆಸ್​​ ರೈಲುಗಳಿಗೆ ಇದೇ ವೇಳೆ ಚಾಲನೆ ನೀಡಿದರು.

ವಂದೇ ಭಾರತ್ ಎಕ್ಸ್​ಪ್ರೆಸ್ ಚಾಲನೆ ಕುರಿತು ಧಾರವಾಡದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್, ಕೇಂದ್ರ ಕಲ್ಲಿದ್ದಲು, ಗಣಿ ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಪ್ರಹ್ಲಾದ್ ಜೋಶಿ, ಶಾಸಕ ಅರವಿಂದ ಬೆಲ್ಲದ್​, ವಿಧಾನ ಪರಿಷತ್ ಸದಸ್ಯ ಎಸ್.ವಿ. ಸಂಕನೂರ ಸೇರಿ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.

ಇದೇ ವಂದೇ ಭಾರತ್ ಎಕ್ಸ್​ಪ್ರೆಸ್​​ ರೈಲಿಗೆ ಮೋದಿಯವರು ಚಾಲನೆ ನೀಡುತ್ತಿದ್ದಂತೆ ಅದೇ ರೈಲಿನಲ್ಲಿ ರಾಜ್ಯಪಾಲ ಥಾವರ್​ ಚಂದ್ ಗೆಹ್ಲೋಟ್​ ಹಾಗೂ ಕೇಂದ್ರ ಸಚಿವ ಪ್ರಹ್ಲಾದ್​ ಜೋಶಿಯವರು ಪ್ರಯಾಣ ಬೆಳೆಸಿದರು. ಇನ್ನು ಪ್ರಯಾಣದ ವೇಳೆ ರೈಲಿನಲ್ಲಿ ಬೆಳಗ್ಗೆ ಉಪಾಹಾರವನ್ನು ಗೆಹ್ಲೋಟ್ ಮತ್ತು ಪ್ರಹ್ಲಾದ್​ ಜೋಶಿಯವರು ತೆಗೆದುಕೊಂಡರು. ಇನ್ನು ರೈಲು ಬೆಂಗಳೂರಿಗೆ ಕೇವಲ 6 ಗಂಟೆಯಲ್ಲಿ ಬಂದು ತಲುಪಲಿದೆ. ಇನ್ನು ಮೈಸೂರು-ಚೆನ್ನೈ ಬಳಿಕ ಇದು ಕರ್ನಾಟಕಕ್ಕೆ 2ನೇ ವಂದೇ ಭಾರತ್ ಎಕ್ಸ್​ಪ್ರೆಸ್​​ ರೈಲು ಆಗಿದೆ.

ಪ್ರಧಾನಿ ಮೋದಿ ಒಟ್ಟು  5 ವಂದೇ ಭಾರತ್ ಎಕ್ಸ್​ಪ್ರೆಸ್​​ ರೈಲಿಗೆ ಚಾಲನೆ 

1. ಭೋಪಾಲ್     ​ TO     ಇಂದೋರ್​
2. ಭೋಪಾಲ್​     TO      ಜಬ್ಬಲ್​ಪುರ್​
3. ರಾಂಚಿ            TO       ಪಾಟ್ನಾ
4. ಧಾರವಾಡ     TO       ಬೆಂಗಳೂರು
5. ಗೋವಾ        TO       ಮುಂಬೈ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ