ದೇಶದಲ್ಲಿ ವಿಶ್ವಕಪ್ ಫೀವರ್, ‘ಹಂಗೆ-ಹಿಂಗೆ’ ಚರ್ಚೆ ಜೋರು

ಯಾರಿಗೆ ಚಾನ್ಸ್​​​? ಯಾರಿಗೆಲ್ಲಾ ಕೊಕ್? ಆಯ್ಕೆ ಕಠಿಣ..!

ವಿಶ್ವಕಪ್​ ಬಳಿಕ ಕೋಚ್​​​ ಹುದ್ದೆಗೆ ದ್ರಾವಿಡ್​ ಗುಡ್​ಬೈ?

ನೂತನ ಚೀಫ್​ ಸೆಲೆಕ್ಟರ್​ ಅಜಿತ್ ಅಗರ್ಕರ್​​ಗೆ ಅಸಲಿ ಚಾಲೆಂಜ್​ ಎದುರಾಗಿದೆ. ಈ ಚಾಲೆಂಜ್ ಗೆಲ್ಲೋದು ಅಷ್ಟು ಸುಲಭವಿಲ್ಲ. ಅದಕ್ಕಾಗಿ ಎರಡೂವರೆ ತಿಂಗಳಿಗೂ ಮುನ್ನವೇ ಅಖಾಡಕ್ಕೆ ಧುಮುಕಿದ್ದಾರೆ. ಆದ್ರೆ ಅಖಾಡ ಅವರು ಅಂದುಕೊಂಡಿದ್ದಕ್ಕಿಂತ ಕಷ್ಟಕರವಾಗಿದೆ.

ಬಹುನಿರೀಕ್ಷಿತ ಏಕದಿನ ವಿಶ್ವಕಪ್​​ಗೆ ಕೌಂಟ್​​ಡೌನ್ ಶುರುವಾಗಿದೆ. ಅಕ್ಟೋಬರ್​​​ 5 ರಿಂದ ಕ್ರಿಕೆಟ್ ಮಹಾಜಾತ್ರೆ ನಡೆಯಲಿದ್ದು, ಸಿದ್ಧತೆ ಜೋರಾಗಿದೆ. ದಶಕದಿಂದ ಐಸಿಸಿ ಟ್ರೋಫಿ ಕನಸು ಕಾಣಿಸ್ತಿರೋ ಬಿಸಿಸಿಐ, ಮಹಾ ಸಮರದಲ್ಲಿ ಬಲಾಢ್ಯ ಟೀಮ್ ಇಂಡಿಯಾವನ್ನು ಕಣಕ್ಕಿಳಿಸಲು ಸದ್ದಿಲ್ಲದೇ ತಯಾರಿ ಆರಂಭಿಸಿದೆ.

ವಿಶ್ವಕಪ್​​ಗೆ ತಂಡ ಪ್ರಕಟಿಸಲು ಸೆ.5 ಡೆಡ್​ಲೈನ್​

ಏಕದಿನ ವಿಶ್ವಕಪ್ ಸಮೀಪಿಸಿದ ಬೆನ್ನಲ್ಲೇ ಅಂತಿಮ ತಂಡವನ್ನ ಕಳುಹಿಸಲು ಐಸಿಸಿ ಡೆಡ್​​ಲೈನ್​ ನೀಡಿದೆ. ಸೆಪ್ಟೆಂಬರ್​​​ 5 ರ ಒಳಗಾಗಿ 20 ಆಟಗಾರರ ಅಂತಿಮ ಪಟ್ಟಿಯನ್ನು ಐಸಿಸಿಗೆ ನೀಡಬೇಕಿದೆ. ಇದಕ್ಕೆ ಉಳಿದಿರೋದು ಇನ್ನು ಜಸ್ಟ್​ 45 ದಿನ ಮಾತ್ರ. ಅಷ್ಟರೊಳಗೆ ಆಯ್ಕೆ ಸಮಿತಿ ವಿಶ್ವಕಪ್​​ಗೆ ಟೀಮ್ ಇಂಡಿಯಾವನ್ನು ಸಜ್ಜುಗೊಳಿಸಬೇಕಿದ್ದು, ದೊಡ್ಡ ಸವಾಲು ಎದುರಾಗಿದೆ.

ವಿಶ್ವಕಪ್​ ಆಡುವ ರೇಸ್​​ನಲ್ಲಿ 47 ಪ್ಲೇಯರ್ಸ್..!

ವಿಶ್ವಕಪ್​​ಗೆ ತಂಡವನ್ನ ಸೆಲೆಕ್ಟ್ ಮಾಡೋದು ಆಯ್ಕೆ ಸಮಿತಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ. ಯಾಕಂದ್ರೆ ಕಳೆದ ಕೆಲ ವರ್ಷಗಳಲ್ಲಿ ಭಾರತ ತಂಡವನ್ನ ಪ್ರತಿನಿಧಿಸಿದ ಆಟಗಾರರ ಪಟ್ಟಿಯನ್ನ ಬಿಸಿಸಿಐ ಸಿದ್ಧಪಡಿಸಿದೆ. ಆ ಪೈಕಿ 2019 ಒನ್ಡೇ ವಿಶ್ವಕಪ್​ ಬಳಿಕ 47 ಆಟಗಾರರು ಕಾಣಿಸಿಕೊಂಡಿದ್ದಾರೆ.

ಈ 47 ಆಟಗಾರರಲ್ಲಿ ವಿಶ್ವಕಪ್​​​ಗೆ ಅಂತಿಮವಾಗಿ ಆಯ್ಕೆ ಆಗೋದು ಬರೀ 15 ಪ್ಲೇಯರ್ಸ್​ ಮಾತ್ರ. ಇವರ ಜೊತೆ ಐವರು ಸ್ಟ್ಯಾಂಡ್​​ ಬೈ ಆಟಗಾರರು ಇರಲಿದ್ದಾರೆ. ಆದರೆ 47 ಜನರಲ್ಲಿ ಅಂತಿಮ 20 ರ ತಂಡವನ್ನ ಕಟ್ಟುವುದು ನಿಜಕ್ಕೂ ತೀರಾ ಕಷ್ಟದ ಕೆಲಸ. ಅಳೆದು ತೂಗಿ ವಿಶ್ವಕಪ್​ ಗೆಲ್ಲಿಸಿಕೊಡುವ ಕೆಪಾಸಿಟಿ ಇರುವ ಆಟಗಾರರನ್ನ ಆಯ್ಕೆ ಮಾಡಬೇಬೇಕಿದೆ. ಹೀಗಾಗಿನೇ ನೂತನ ಆಯ್ಕೆ ಸಮಿತಿ ಮುಖ್ಯಸ್ಥ ಅಜಿತ್ ಅಗರ್ಕರ್​​ ವೆಸ್ಟ್​​​​​ ಇಂಡೀಸ್​​ಗೆ ಪ್ರಯಾಣ ಬೆಳೆಸಲಿದ್ದಾರೆ. ಅಲ್ಲಿ ಕ್ಯಾಪ್ಟನ್ ರೋಹಿತ್ ಹಾಗೂ ಹೆಡ್​ಕೋಚ್​ ದ್ರಾವಿಡ್ ಅವರ ಜೊತೆ ಚರ್ಚಿಸಿ ವಿಶ್ವಕಪ್​ಗಾಗಿ 20 ಆಟಗಾರರ ಶಾರ್ಟ್​ ಲಿಸ್ಟ್​​​​​ ತಯಾರಿ ರೆಡಿ ಮಾಡಲಿದ್ದಾರೆ.

ಆಯ್ಕೆಯಾದ 20 ಪ್ಲೇಯರ್ಸ್​ ಫುಲ್​ ಫಿಟ್ ಆಗಿರ್ತಾರಾ?

ಆಯ್ಕೆ ಸಮಿತಿ ಏಕದಿನ ವಿಶ್ವಕಪ್​​ಗೆ 20 ಸದಸ್ಯರ ತಂಡವನ್ನ ಆಯ್ಕೆ ಮಾಡಿದ ಮಾತ್ರಕ್ಕೆ ಎಲ್ಲವೂ ಮುಗಿದು ಹೋಗಲ್ಲ. ಯಾಕಂದ್ರೆ ಇಂಜುರಿಯಿಂದ ಬಳಲುತ್ತಿರುವ ಕೀ ಪ್ಲೇಯರ್​​ಗಳಾದ ಜಸ್​ಪ್ರೀತ್ ಬುಮ್ರಾ, ಶ್ರೇಯಸ್ ಅಯ್ಯರ್​ ಹಾಗೂ ಕೆಎಲ್​​ ರಾಹುಲ್​ ತಂಡದಲ್ಲಿ ಸ್ಥಾನ ಪಡೆಯುವ ಸಾಧ್ಯತೆ ಇದೆ. ಹಾಗೇನಾದ್ರು ಮ್ಯಾಚ್ ವಿನ್ನರ್ಸ್​ ವಿಶ್ವಕಪ್ ಆಡಿದ್ರೆ ಮತ್ತೆ ಇಂಜುರಿಗೆ ತುತ್ತಾಗುವ ಸಾಧ್ಯತೆಯನ್ನ ಅಲ್ಲಗಳೆಯುವಂತಿಲ್ಲ. ಈ ವಿಚಾರವನ್ನ ಆಯ್ಕೆ ಸಮಿತಿ ಹೇಗೆ ನಿಭಾಯಿಸುತ್ತೆ ಅನ್ನೋದು ಯಕ್ಷ ಪ್ರಶ್ನೆಯಾಗಿದೆ.

ಇದರ ಜೊತೆ ವರ್ಕ್​ಲೋಡ್​​​ ಹಾಗೂ ಯಂಗ್​ಸ್ಟರ್ಸ್​ಗಳಲ್ಲಿ ಯಾರಿಗೆಲ್ಲಾ ಚಾನ್ಸ್ ನೀಡ್ಬೇಕು ಅನ್ನೋದು ಆಯ್ಕೆ ಸಮಿತಿಗೆ ಕಗ್ಗಂಟಾಗಿ ಪರಿಣಮಿಸಿದೆ. ಇಶಾನ್ ಕಿಶನ್​​​​​, ಶುಭ್​​ಮನ್​ ಗಿಲ್​​​​ ಸೇರಿದಂತೆ ಹಲವರು ವಿಶ್ವಕಪ್​​​ ರೇಸ್​ನಲ್ಲಿದ್ದಾರೆ. ಇವರನ್ನ ಕೈ ಬಿಟ್ಟು ಬರೀ ಅನುಭವಿಗಳಿಗೆ ಮಣೆ ಹಾಕ್ತಾರಾ ? ಇಲ್ಲ ಹಿರಿಯ-ಕಿರಿಯರ ಒಗ್ಗೂಡಿಸಿ ಬ್ಯಾಲೆನ್ಸ್​ಡ್​ ತಂಡವನ್ನ ಕಟ್ಟಬೇಕಾ ಅನ್ನೋದು ಆಯ್ಕೆ ಸಮಿತಿ ಮುಂದಿರೋ ದೊಡ್ಡ ಚಾಲೆಂಜ್ ಆಗಿದೆ.

ವಿಶ್ವಕಪ್​ ಬಳಿಕ ಕೋಚ್​​​ ಹುದ್ದೆಗೆ ದ್ರಾವಿಡ್​ ಗುಡ್​ಬೈ?

ಟೀಮ್​ ಇಂಡಿಯಾ ಈ ಬಾರಿ ವಿಶ್ವಕಪ್ ಗೆಲ್ಲಲಿ ಅಥವಾ ಬಿಡಲಿ. ರಾಹುಲ್​ ದ್ರಾವಿಡ್​​ ಹೆಡ್​ಕೋಚ್​​ ಹುದ್ದೆಯಲ್ಲಿ ಮುಂದುವರಿಯಲ್ಲ. ಈಗಾಗ್ಲೇ ದ್ರಾವಿಡ್​​​ ಅವರ ಕಾಂಟ್ರಾಕ್ಟ್​ ಅವಧಿ ಮುಗಿದಿದೆ. ಮತ್ತೆ ಮುಂದುವರಿಯುವ ಸಾಧ್ಯತೆ ಕಮ್ಮಿ ಎನ್ನಲಾಗ್ತಿದೆ. ಹಾಗೊಂದು ವೇಳೆ ದ್ರಾವಿಡ್​ ಹೆಡ್​ಕೋಚ್​​​​​ ಹುದ್ದೆಗೆ ಗುಡ್​ಬೈ ಹೇಳಿದ್ರೆ, ಉತ್ತರಾಧಿಕಾರಿ ಯಾರಾಗ್ತಾರೆ ? ಭಾರತದವರೇ ಹೆಡ್​​​ಕೋಚ್​​ ಹುದ್ದೇಗೇರ್ತಾರಾ ? ಇಲ್ಲ ಫಾರಿನ್​​ ವ್ಯಕ್ತಿ ಕೋಚ್​ ಆಗ್ತಾರಾ ? ಅನ್ನೋದು ಉತ್ತರವಿಲ್ಲದ ಪ್ರಶ್ನೆಯಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್