ಬಿಗ್​ಬಾಸ್​ ​ಮನೆಯಲ್ಲಷ್ಟೇ ಅಲ್ಲದೇ ಆಚೆ ಮೂವರು ಸಖತ್ ಕ್ಲೋಸ್

ಈ ಇಬ್ಬರ ಜೊತೆಗೆ ಒಳ್ಳೆಯ ಬಾಂಧವ್ಯ ಇಟ್ಟುಕೊಂಡಿರುವ ನಟಿ ನಮ್ರತಾ

ನಮ್ರತಾ ಗೌಡ ಶೇರ್ ಮಾಡಿಕೊಂಡ ವಿಡಿಯೋ ನೋಡಿ ಫ್ಯಾನ್ಸ್​ ಖುಷ್

ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್​ಗೆ ಬಂದ ಸ್ಪರ್ಧಿಗಳು ಒಂದಲ್ಲಾ ಒಂದಕ್ಕೆ ಬಾಡಿಂಗ್ ಬೆಳೆಸಿಕೊಂಡು ಆಚೆ ಬರ್ತಾರೆ. ಅಣ್ಣ ತಂಗಿಯಾಗಲಿ, ಪ್ರೇಮಿಗಳಾಗಲಿ, ಬೆಸ್ಟ್​ ಫ್ರೆಂಡ್ಸ್ ಹೀಗೆ ನಾನಾ ರೀತಿಯಲ್ಲಿ ಇಟ್ಟುಕೊಂಡು ಆಚೆಬಂದ ಬರುತ್ತಾರೆ. ಆಚೆ ಬಂದ ಮೇಲೆ ಕೆಲವೊಬ್ಬರು ಉತ್ತಮ ಬಾಂಧವ್ಯವನ್ನು ಮುಂದುವರೆಸಿಕೊಂಡು ಹೋಗುತ್ತಾರೆ.

ಇದನ್ನೂ ಓದಿ: ಹಾಟ್​​ ಲುಕ್​ನಲ್ಲಿ ಕಾಣಿಸಿಕೊಂಡ ನಮ್ರತಾ ಗೌಡ​​; ಈ ಸೌಂದರ್ಯಕ್ಕೆ ನಾ ತಲೆಬಾಗುವೆ ಎಂದ ಅಭಿಮಾನಿ​

ಇದೀಗ ಕಳೆದ ಬಾರಿಯ ಬಿಗ್​ಬಾಸ್​ ಸೀಸನ್​ 10 ಸ್ಪರ್ಧಿಯಾಗಿದ್ದ ನಮ್ರತಾ ಗೌಡ ಅದೇ ಸಾಲಿನಲ್ಲಿದ್ದಾರೆ. ಬಿಗ್​ಬಾಸ್​ ಮನೆಯಲ್ಲಿದ್ದಾಗ ಕಿರುತೆರೆ ನಟಿ ನಮ್ರತಾ ಗೌಡ, ವಿನಯ್​ ಗೌಡ ಹಾಗೂ ರಕ್ಷಕ ಬುಲೆಟ್​ ಮಧ್ಯೆ ಒಳ್ಳೆಯ ಬಾಂಧವ್ಯ ಬೆಳೆದಿತ್ತು. ಆ ಒಂದು ಸಂಬಂಧವನ್ನು ಬಿಗ್​ಬಾಸ್​ ಮನೆಯಲ್ಲಷ್ಟೇ ಅಲ್ಲದೇ ಆಚೆ ಬಂದ ಬಳಿಕವೂ ಮುಂದುವರೆಸಿಕೊಂಡು ಹೋಗಿದ್ದಾರೆ. ಅದಕ್ಕೆ ಸಾಕ್ಷಿ ಎಂಬಂತೆ ನಟಿ ನಮ್ರತಾ ಗೌಡ ಅವರು ವಿನಯ್​ ಗೌಡ ಹಾಗೂ ರಕ್ಷಕ ಬುಲೆಟ್​ಗೆ ರಾಖಿ ಕಟ್ಟಿ ನನಗೆ ನೀವೇ ಅಣ್ಣ ಹಾಗೂ ತಮ್ಮ ಅಂತ ಹೇಳಿಕೊಂಡಿದ್ದಾರೆ.

ಇದೇ ವಿಡಿಯೋವನ್ನು ನಟಿ ನಮ್ರತಾ ಗೌಡ ತಮ್ಮ ಯುಟ್ಯೂಬ್ ಚಾನೆಲ್​ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಇದೇ ವಿಡಿಯೋ ನೋಡಿದ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ. ನಿಮ್ಮ ಈ ಬಾಂಧವ್ಯ ಸದಾ ಕಾಲ ಹೀಗೆ ಇರಲಿ ಅಂತ ಶುಭ ಹಾರೈಸಿದ್ದಾರೆ. ಸದ್ಯ ಯಾವುದೇ ಪ್ರಾಜೆಕ್ಟ್ ಕೈ ಹಾಕದ ಕಿರುತೆರೆ ನಟಿ ಸದ್ಯ ಜಾಲಿ ಮೂಡ್​ನಲ್ಲಿ ಕಾಲ ಕಳೆಯುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ನಟಿ ನಮ್ರತಾ ಗೌಡ ಅವರು ಹೊಸ ಪ್ರಾಜೆಕ್ಟ್ ಮೂಲಕ ಬರಲಿದ್ದಾರಾ ಎಂದು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ