ಅಭಿಮಾನಿಗಳ ಆಸೆಯಂತೆ ಈ ಬಾರಿ ಕೂಡ ಕಿಚ್ಚನದ್ದೇ ಹವಾ

ಬಿಗ್​​ಬಾಸ್ 11​ ಪ್ರಿಯರಿಗೆ ಇದಾಗಿದೆ ಸಂಭ್ರಮಿಸೋ ಸುದ್ದಿ

ಈ ಬಾರಿಯ ಬಿಗ್​ಬಾಸ್​ಗೆ ಯಾರೆಲ್ಲಾ ಬರಬಹುದು ಗೊತ್ತಾ?

ಕನ್ನಡದ ಜನಪ್ರಿಯ ಶೋ ಬಿಗ್​​ಬಾಸ್​ ಪ್ರಿಯರು ಸಂಭ್ರಮಿಸೋ ಸುದ್ದಿ ಇದು. ಇಷ್ಟು ದಿನ ಕುತೂಹಲದಿಂದ ಕಾಯುತ್ತಿದ್ದ ಕಣ್ಣುಗಳಿಗೆ ನಿಜಕ್ಕೂ ರೋಚಕ ಅನುಭವ ನೀಡಿದೆ ಹೊಸ ಪ್ರೋಮೋ. ಶೋ ಬಗ್ಗೆ ಹೊತ್ತಿದ ಕಿಚ್ಚಿಗೆ ಕೊನೆಗೂ ಉತ್ತರ ಸಿಕ್ಕಂತೆ ಆಗಿದೆ.

ಇದನ್ನೂ ಓದಿ: ಇಬ್ಬರಲ್ಲೂ ಒಳ್ಳೆಯ ಕೆಮಿಸ್ಟ್ರಿ ಇದೆ ಆದರೆ.. ಜಸ್ವಂತ್, ​ಆಕ್ರಿತಿ ಲವ್​ ಬಗ್ಗೆ ಪೋಷಕರು ಹೇಳಿದ್ದೇನು?

ಕೊನೆಗೂ ಅಭಿಮಾನಿಗಳ ಆಸೆಯಂತೆ ಬಿಗ್​ಬಾಸ್​ ರಣರಂಗಕ್ಕೆ ಸಾರಥಿಯಾಗಿ ಕಿಚ್ಚ ಸುದೀಪ್​ ಎಂಟ್ರಿಯಾಗಿದ್ದಾರೆ. ಅವರು ಬರ್ತಾರ? ಇವ್ರು ಬರ್ತಾರ? ಎಂಬ ಅಂತೆ ಕಂತೆಗಳ ನಡುವೆ ನ್ಯೂಸ್​ಫಸ್ಟ್​ ನಿಮಗೆ ಸಣ್ಣ ಸುಳಿವನ್ನು ಕೊಟ್ಟಿತ್ತು. ಈಗಾಗಲೇ ಅಧಿಕೃತವಾದ ಬಿಗ್​ಬಾಸ್ ಪ್ರೋಮೋ ರಿಲೀಸ್ ಆಗಿದ್ದು, ಕಿಚ್ಚನ ಅಭಿಮಾನಿಗಳು ಪ್ರೋಮೋನ ಸೆಲೆಬ್ರೆಟ್​ ಮಾಡುತ್ತಿದ್ದಾರೆ. ಈ ಹಿಂದೆ ಬಿಗ್​ಬಾಸ್​ ಸೀಸನ್​ 11ರ ಪ್ರೋಮೋವನ್ನು ಹೈದರಾಬಾದ್​ನಲ್ಲಿ ಶೂಟ್ ಆಗಿತ್ತು.

ಗಿಚ್ಚಿ ಗಿಲಿಗಿಲಿ ಫಿನಾಲೆ ಎಪಿಸೋಡ್ ಪ್ರಸಾರದ ಟೈಮ್​ನಲ್ಲಿ ಬಿಗ್​ಬಾಸ್​ ಪ್ರೋಮೋ ರಿಲೀಸ್ ಮಾಡಲಾಯ್ತು. ಪ್ರೋಮೋದಲ್ಲಿ ಇಷ್ಟು ದಿನ ಒಂದು ಲೆಕ್ಕ ಇನ್ಮೇಲೆ ಬೇರೆಯದ್ದೇ ಲೆಕ್ಕ ಹೊಸ ಅಧ್ಯಾಯ ಶುರು ಎಂದಿದ್ದಾರೆ ಕಿಚ್ಚ ಸುದೀಪ್. ಈ ಹಿಂದೆ ಬರ್ತ್​ ಡೇ ಟೈಮ್​ನಲ್ಲಿ ಕಿಚ್ಚ ಸುದೀಪ್ ಕೂಡ ಹೊಸಬರು ಬಂದರೆ ನನಗೂ ಖುಷಿ ಎಂದಿದ್ದರು. ಹೀಗಾಗಿ ಈ ಬಾರಿಯ ಆ್ಯಂಕರ್ ಯಾರು ಅನ್ನೋ ಬಗ್ಗೆ ಸಿಕ್ಕಾಪಟ್ಟೆ ಚರ್ಚೆಯಾಗಿದ್ದು. ಅಷ್ಟೇಯಲ್ಲ ಕಳೆದ ಸೀಸನ್​ ಅನಾರೋಗ್ಯದ ಸಂದರ್ಭದಲ್ಲೂ ಹೋಸ್ಟ್​​ ಮಾಡಿದ್ದನ್ನ ಉಲ್ಲೇಖಿಸಿದ್ರು. ಸಿನಿಮಾ ಕಡೆ ಗಮನ ಕೊಡೋಕೆ ಆಗ್ತಿಲ್ಲ ಅಂತಾನೂ ಹೇಳಿದ್ರು.

ಇದನ್ನೂ ಓದಿ: ಸೆಕೆಂಡ್ ಹ್ಯಾಂಡ್ ಮ್ಯಾರೇಜ್.. ಅದಿತಿ ರಾವ್ ಹೈದರಿ ಮೊದಲ ಗಂಡ ಯಾರು? ಸಿದ್ದಾರ್ಥ್ ಮೊದಲ ಪತ್ನಿ ಯಾರು ಗೊತ್ತಾ?

ಈ ಎಲ್ಲಾ ಕಾರಣಗಳಿಂದ ಬಿಗ್​ಬಾಸ್​ ಸೀಸನ್​ 11ರ ಸಾರಥಿ ಬಗ್ಗೆ ಡೌಟ್​ ಶುರುವಾಗಿದ್ದು. ಕಿಚ್ಚ ಇರಲ್ಲ ಅನ್ನೋ ಸುದ್ದಿ ಹರಡಿದ್ದು . ಇದೇ ಸೆಪ್ಟೆಂಬರ್ 29ರಿಂದ ಬಿಗ್ ಬಾಸ್ ಸೀಸನ್​ 11 ಶುರುವಾಗಲಿದೆ. ಈ ಬಗ್ಗೆ ಮಾಹಿತಿ ನೀಡಲು ಇದೇ 23ರಂದು ಬಿಗ್​ಬಾಸ್ ಟೀಮ್​ನಿಂದ ಪ್ರೆಸ್ ಮೀಟ್ ಮಾಡಲಾಗ್ತಿದೆ. ಪ್ರೆಸ್ ಮೀಟ್​ಗೆ ಕಿಚ್ಚ ಸುದೀಪ್ ಮುಖ್ಯ ಅತಿಥಿಯಾಗಿ ಉಪಸ್ಥಿತರಿರಲಿದ್ದಾರೆ. ಈ ಬಾರಿಯ ಬಿಗ್​ಬಾಸ್​ಗೆ ಯಾರೆಲ್ಲಾ ಸ್ಪರ್ಧಿಗಳು ಎಂಟ್ರಿ ಕೊಡಲಿದ್ದಾರೆ ಅಂತ ಕಾದು ನೋಡಬೇಕಿದೆ. ಬಿಗ್​ ಬಾಸ್​ ಸೀಸನ್​ 11 ಸಾಕಷ್ಟು ವಿಶೇಷತೆಗಳಿಂದ ಕೂಡಿರೋದಂತೂ ಪಕ್ಕಾ. ಕಿಚ್ಚ ಸುದೀಪ್​ ಅವ್ರೇ ಇರ್ತಾರೆ ಅನ್ನೋದಕ್ಕೂ ಕ್ಲಾರಿಟಿ ಸಿಕ್ಕಿದೆ. ಈಗ ಬಿಗ್​ಬಾಸ್ ಸ್ಪರ್ಧಿಗಳು ಯಾರ್ಯಾರು ಎಂಬುದರ ಬಗ್ಗೆ ವೀಕ್ಷಕರಲ್ಲಿ ಕುತೂಹಲ ಹೆಚ್ಚಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ