ಎಲ್ಲೆಡೆ ಬಿಗ್​ಬಾಸ್​ ಸೀಸನ್ 10ರ ಹೊಸ, ಹೊಸ ಸ್ಪರ್ಧಿಗಳ ಬಗ್ಗೆ ಚರ್ಚೆ

ಬಿಗ್​ಬಾಸ್​ ಪ್ರೋಮೋ ರಿಲೀಸ್;​ ನಾನಾ ಸೆಲೆಬ್ರಿಟಿ ಹೆಸರುಗಳು ವೈರಲ್​​

ಬಿಗ್​ಬಾಸ್​ ಕಂಟೆಸ್ಟೆಂಟ್ಸ್​ಗಳ ಸೆಲೆಕ್ಷನ್ ಪಟ್ಟಿಯಲ್ಲಿ ಯಾರೆಲ್ಲ ಇದ್ದಾರೆ?

ಕನ್ನಡ ಕಿರುತೆರೆಯಲ್ಲಿ ಮೋಸ್ಟ್ ಅವೈಟೆಡ್ ಶೋ ಎಂದರೆ ಅದು ಬಿಗ್​ಬಾಸ್​. ಅದರಲ್ಲೂ ಈ ಬಾರಿ ಬಿಗ್​ ಬಾಸ್​ ಸೀಸನ್ 10 ಆಗಿರೋ ಕಾರಣ ಈ ಸೀಸನ್ ತುಂಬಾನೆ ಸ್ಪೆಷಲ್ ಆಗಿರೋದಂತೂ ಸುಳ್ಳಲ್ಲ. ಈಗಾಗಲೇ ವೀಕ್ಷಕರು ಅವರದ್ದೇ ಆದ ಊಹೆಗಳಲ್ಲಿ ಬಿಗ್​ಬಾಸ್​​​ ಸ್ಪರ್ಧಿಗಳ ಲಿಸ್ಟ್​ನ ಪಟ್ಟಿ ಮಾಡುತ್ತಿದ್ದಾರೆ. ಆದರೆ ಈ 10ನೇ ಸೀಸನ್​ಗೆ ಯಾರಪ್ಪ ಬರಲಿದ್ದಾರೆ ಅಂತ ನೋಡ್ತಾ ಹೋದಾಗ ಒಂದಷ್ಟು ಕಿರುತೆರೆ ಹಾಗೂ ಹಿರಿತೆರೆ ಸೆಲೆಬ್ರಿಟಿ ಹೆಸರುಗಳ ತಾಳೆ ಹಾಕುತ್ತಿದ್ದಾರೆ.

ಬಿಗ್​ಬಾಸ್​ ಸೀಸನ್​ 10ಕ್ಕೆ ನಟಿ ನಮ್ರತಾ ಗೌಡ ಅವರ ಹೆಸರು ಬಾರಿ ಸದ್ದು ಮಾಡುತ್ತಿದೆ. ಯಾಕಂದ್ರೆ, ನಾಗಿಣಿ 2ಧಾರಾವಾಹಿಯ ಮುಕ್ತಾಯದ ನಂತರ ಯಾವ ಪ್ರಾಜೆಕ್ಟನ್ನು ಸಹ ಕೈಗೆತ್ತಿಕೊಂಡಿಲ್ಲ ನಮ್ರತಾ. ಹಾಗಾಗಿನೇ ನಮ್ರತಾ ಗೌಡ ಬರೋ ಚಾನ್ಸಸ್​ ಇದೆ. ಜೊತೆಗೆ ನಿನಾದ್ ಹರಿತ್ಸ ಕೂಡ ಇದರಲ್ಲಿ ಭಾಗಿಯಾಗಲಿದ್ದಾರೆ ಅನ್ನೋ ಸುದ್ದಿ ಓಡಾಡುತ್ತಿದೆ. ಇನ್ನೂ, ಸ್ಯಾಂಡಲ್ ಖ್ಯಾತ ಹಾಸ್ಯ ನಟ ಬುಲೆಟ್ ಪ್ರಕಾಶ್​ ಅವರ ಮಗ ರಕ್ಷಕ್ ಬುಲೆಟ್ ಈ ಬಾರಿಯ ಬಿಗ್​ಬಾಸ್​​ಗೆ ಬರಲಿದ್ದಾರೆ ಅನ್ನೋ ಮಾತುಗಳು ಕೇಳಿ ಬರುತ್ತಿವೆ. ಜೊತೆಗೆ ಎಕ್ಸ್​ಕ್ಯೂಸ್‌ಮಿ ಖ್ಯಾತಿಯ ನಟ ಸುನೀಲ್ ರಾವ್, ಕನ್ನಡದ ಫಿಮೇಲ್ ರಾಪರ್​ ಇಶಾನಿ, ಹುಚ್ಚ ಸಿನಿಮಾದ ಖ್ಯಾತ ನಟಿ ರೇಖಾ ಹಾಗೂ ರಾಬರ್ಟ್​ ಸಿನಿಮಾದ ಖ್ಯಾತ ನಟಿ ಆಶಾ ಭಟ್.

ಇದನ್ನು ಓದಿ: ಫ್ಯಾನ್ಸ್​​ಗೆ ಗುಡ್​​ನ್ಯೂಸ್​​; ಬಿಗ್​ಬಾಸ್​​​ ಸೀಸನ್​​ 10 ಯಾವಾಗ? ಈ ಬಾರಿ ಸಮ್​ಥಿಂಗ್​​ ಸ್ಪೆಷಲ್​​!

ಜೊತೆಗೆ ಸೋಷಿಯಲ್​ ಮೀಡಿಯಾದಲ್ಲಿ ಯಾವಾಗಲೂ ಸುದ್ದಿಯಲ್ಲಿರೋ ರೀಲ್ಸ್​ ಕ್ವೀನ್ ಭೂಮಿಕಾ ಬಸವರಾಜ್. ಇವರು ಕೂಡ ಈ ಬಾರಿಯ ಸೀಸನ್​ನಲ್ಲಿ ಭಾಗಿಯಾಗೋ ಚಾನ್ಸಸ್​​ ಇದೆ ಅನ್ನೋ ಮಾಹಿತಿ ಲಭ್ಯವಾಗಿದೆ. ಒಟ್ಟಿನಲ್ಲಿ ಬಿಗ್​​ಬಾಸ್​ ಸೀಸನ್ 10ರ ಬಗ್ಗೆ ಅಂತೆ ಕಂತೆಗಳು ಹರಿದಾಡ್ತಿದ್ದು, ಸ್ಫರ್ಧಿಗಳ ಲಿಸ್ಟ್ ಇನ್ನೂ ಫೈನಲ್ ಆಗಿಲ್ಲ. ಸದ್ಯ ಕಂಟೆಸ್ಟೆಂಟ್ಸ್​ಗಳ ಸೆಲೆಕ್ಷನ್ ಪ್ರೋಸೆಸ್​​ ಜೋರಾಗಿ ನಡೆಯುತ್ತಿದೆ. ಇತ್ತ ಕಿಚ್ಚ ಸುದೀಪ್​ ಅವರೊಟ್ಟಿಗೆ ಪ್ರೋಮೋ ಶೂಟ್​ಗೆ ಕ್ಷಣಗಣನೆ ಆರಂಭವಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ