ರಸ್ತೆ ದಾಟುವಾಗ ಎಚ್ಚರ.. ಎಚ್ಚರ.. ಎಚ್ಚರ

ಬೆಂಗಳೂರಲ್ಲಿ ಬೈಕ್​ಗಳ ಭೀಕರ ಅಪಘಾತ

ಭೀಕರ ಅಪಘಾತ.. ಸವಾರನ ಸ್ಥಿತಿ ಚಿಂತಾಜನಕ

ಬೆಂಗಳೂರು: ರಸ್ತೆ ದಾಟುವಾಗ ನಾವು ಎಷ್ಟೇ ಹುಷಾರಾಗಿದ್ರೂ ಸಾಲೋದಿಲ್ಲ. ಅಪ್ಪಿ ತಪ್ಪಿ ಸ್ವಲ್ಪ ಯಾಮಾರಿದ್ರೂ ಅಪಘಾತ ಗ್ಯಾರಂಟಿ. ಅದೃಷ್ಟ ಕೈ ಕೊಟ್ಟರಂತೂ ಶಿವನ ಪಾದ ಪಕ್ಕಾ. ಆದ್ರೂ ಜನ ಮಾತ್ರ ಬೇಜವಾಬ್ದಾರಿಯಿಂದ ಓಡಾಡೋದು ನಿಲ್ಲಿಸೋದಿಲ್ಲ.

ಇನ್ನು, ಬೆಂಗಳೂರಿನ ಯಲಹಂಕಾ ಓಲ್ಡ್ ಟೌನ್​ನಲ್ಲಿರುವ ಶುಶ್ರೂಷಾ ಆಸ್ಪತ್ರೆಯ ಬಳಿಯೂ ಇಂಥದ್ದೇ ಘಟನೆ ನಡೆದಿರೋದು. ರಾತ್ರಿ 10.30ರ ಸುಮಾರಿಗೆ ಎರಡು ಬೈಕ್​ಗಳ ನಡುವೆ ಭೀಕರ ಅಪಘಾತವಾಗಿದೆ.

ಒಂದು ಬೈಕ್​ನ ಸವಾರ, ತನ್ನ ಎಡಗಡೆಯಿಂದ ಬಲಗಡೆಯ ರಸ್ತೆಗೆ ದೇವನಹಳ್ಳಿ ಬೈಪಾಸ್​ ಕಡೆಯಿಂದ ಬಂದು ಟರ್ನ್ ತೆಗೆದುಕೊಳ್ತಿದ್ದ. ಈ ವೇಳೆ ಬಲಗಡೆಯ ರಸ್ತೆಯಲ್ಲಿ ಮತ್ತೊಬ್ಬ ಬೈಕ್ ಸವಾರ ಯಲಹಂಕ ಕಡೆಯಿಂದ ಬರುತ್ತಿದ್ದ. ಇದನ್ನ ಗಮನಿಸಿದೆ ಮೊದಲ ಬೈಕ್ ಸವಾರ ಮುಂದಕ್ಕೆ ಬಂದಿದ್ದಾನೆ.

ಅಷ್ಟೇ, ಏಕಾಏಕಿ ನುಗ್ಗಿದ ಬೈಕ್​ಗೆ ಇನ್ನೊಂದು ಬೈಕ್ ಡಿಕ್ಕಿ ಹೊಡೆದಿದೆ. ಭಾರೀ ಅಪಘಾತ ಸಂಭವಿಸಿದ್ದು, ಎರಡೂ ಬೈಕ್​ಗಳ ಗಾಳಿಯಲ್ಲಿ ಹಾರಿ ಬಿದ್ದಿವೆ. ಓರ್ವ ಬೈಕ್ ಸವಾರನಿಗೆ ಗಂಭೀರ ಗಾಯಳಗಾಗಿದ್ದು, ಇಬ್ಬರಿಗೂ ಯಲಹಂಕದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ