ಟೋಲ್ ಸಿಬ್ಬಂದಿಯ ಮೇಲೆ ಬೈಕ್​ ಸವಾರನಿಂದ ತೀವ್ರ ಹಲ್ಲೆ

ಪೊಲೀಸ್ ಅಂತ ಹೇಳಿ ಟೋಲ್ ಸಿಬ್ಬಂದಿ ಮೇಲೆ ಗಲಾಟೆ

ಬೆಂಗಳೂರು, ಹೊಸೂರು ಸಿಟಿ ಟೋಲ್​​ ಬಳಿ ಘಟನೆ..!

ಬೆಂಗಳೂರು: ಬೈಕ್​​ ಮೇಲಿದ್ದ ಈತ ದಿಢೀರ್​​ ಟೋಲ್​ ಸಿಬ್ಬಂದಿ ಮೇಲೆ ಹಲ್ಲೆ ಮಾಡಿದ್ದಾನೆ. ಈ ಘಟನೆ ನಡೆದಿದ್ದು ಮತ್ತೆಲ್ಲೂ ಅಲ್ಲ, ಬದಲಿಗೆ ಬೆಂಗಳೂರಿನ ಎಲೆಕ್ಟ್ರಾನಿಕ್ ಸಿಟಿಯ BETPL ಎಲಿವೇಟೆಡ್ ಟೋಲ್ ಬಳಿ. ಇದಕ್ಕೆ ಕಾರಣ ಟೋಲ್ ಕಟ್ಟುವಂತೆ ಸಿಬ್ಬಂದಿ ಹೇಳಿದ್ದು.

ಟೋಲ್​​ ಸಿಬ್ಬಂದಿ ಪವನ್ ಕುಮಾರ್ ಎಂಬಾತ ಬೈಕೊಂದನ್ನ ತಡೆದು ಟೋಲ್ ಹಣ ಕಟ್ಟುವಂತೆ ಕೇಳಿದ್ದಾನೆ. ಇದ್ರಿಂದ ಕೋಪಗೊಂಡ ಬೈಕ್​ ಸವಾರ ನಾನು ಪೊಲೀಸ್,​ ನನ್ನ ಹತ್ರಾನೇ ಹಣ ಕೇಳ್ತೀಯಾ ಅಂತ ಆವಾಜ್​ ಹಾಕಿದ್ದಾನೆ. ಆಗ ಟೋಲ್​ ಸಿಬ್ಬಂದಿ ಪೊಲೀಸ್​ ಐಡಿ ಕಾರ್ಡ್​ ತೋರಿಸುವಂತೆ ಕೇಳಿದ್ದಾನೆ. ಅದಕ್ಕೆ ಕೋಪಗೊಂಡ ಬೈಕ್ ಸವಾರ ಇಳಿದು ಬಂದು ಹಲ್ಲೆ ಮಾಡಿ ಹೆಲ್ಮೆಟ್​​ನಿಂದ ಮಾರಣಾಂತಿಕವಾಗಿ ಹೊಡೆದಿದ್ದಾನೆ.

ಇನ್ನು, ಘಟನೆಯಲ್ಲಿ ಟೋಲ್​ ಸಿಬ್ಬಂದಿ ಪವನ್ ಕುಮಾರ್​ಗೆ ಗಂಭೀರವಾಗಿ ಗಾಯವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸದ್ಯ ಈ ಸಂಬಂಧ ಎಲೆಕ್ಟ್ರಾನಿಕ್ ಸಿಟಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ