ಬಿಎಂಟಿಸಿ ಬಸ್​ನಲ್ಲಿ ನಿರ್ವಾಹಕನ ಹುಚ್ಚಾಟದಿಂದ ಯುವತಿಗೆ ಮುಜುಗರ

ಟಿಕೆಟ್ ಕೊಡುವ ವೇಳೆ ಯುವತಿಯ ಪಕ್ಕದಲ್ಲಿಯೇ ಬಂದು ಕುಳಿತ ನಿರ್ವಾಹಕ

ಯುವತಿಗೆ ಮುಜುಗರವಾಗುವಂತೆ ವರ್ತಿಸಿದ ಕಂಡಕ್ಟರ್​ನ ವಿಡಿಯೋ ವೈರಲ್!

ಬೆಂಗಳೂರು: ಈ ಬಿಎಂಟಿಸಿ ಡ್ರೈವರ್​ಗಳು ಒಂದಲ್ಲಾ ಒಂದು ಯಡವಟ್ಟು ಮಾಡಿಕೊಳ್ಳುತ್ತಾರೆ. ಇಲ್ಲವೇ ಕಂಡಕ್ಟರ್​ಗಳು ಒಂದಿಲ್ಲೊಂದು ಯಡವಟ್ಟು ಮಾಡಿಕೊಂಡು ಸುದ್ದಿಯಾಗುತ್ತಾರೆ. ಈಗ ಮಾಗಡಿ ರೋಡ್​ ಮಾರ್ಗದಲ್ಲಿ ಹೊರಟಿದ್ದ ಬಿಎಂಟಿಸಿ ಬಸ್​ನ ನಿರ್ವಾಹಕನ ಅತಿರೇಕದ ವರ್ತನೆಯಿಂದ ದೊಡ್ಡ ಸುದ್ದಿಯಾಗಿದೆ. ಯುವತಿಯೊಬ್ಬಳು ಕೂತಿದ್ದ ಸೀಟ್​ನಲ್ಲಿಯೇ ಯುವತಿಗೆ ಅಂಟಿಕೊಂಡು ಕೂರುವ ಮೂಲಕ ಬಿಎಂಟಿಸಿ ಬಸ್‌ನ​ ನಿರ್ವಾಹಕ ತನ್ನ ಅತಿರೇಕದ ವರ್ತನೆ ತೋರಿದ್ದಾನೆ.

ಇದನ್ನೂ ಓದಿ: ಹಾಸನದಲ್ಲಿ ರೌಡಿಶೀಟರ್ ಅಟ್ಟಹಾಸ.. ಅಮಾಯಕ ಯುವಕನಿಗೆ ಚಾಕು ಇರಿದು ಪರಾರಿ; ಆಗಿದ್ದೇನು?

ಕಂಡಕ್ಟರ್​ನ ಈ ವರ್ತನೆ ಆ ಯುವತಿಯ ಜೊತೆ ಜೊತೆಗೆ ಬಸ್​ನಲ್ಲಿ ಪ್ರಯಾಣ ಮಾಡುತ್ತಿದ್ದ ಇತರರಿಗೂ ಕೂಡ ಮುಜಗರ ಉಂಟು ಮಾಡಿದೆ. ಟಿಕೆಟ್ ವಿತರಣೆ ಮಾಡುವಾಗ ಕಂಡಕ್ಟರ್ ಈ ರೀತಿಯ ಕೆಲಸ ಮಾಡಿದ್ದಾನೆ ಯುವತಿ ಕೂತಿರುವ ಸೀಟ್​ ಹಾಕಲಾಗಿರುವ ಸೇಫ್ಟಿ ಕಂಬಿಯ ಮೇಲೆ ಕುಳಿತ ಕಂಡಕ್ಟರ್​ ಯುವತಿಗೆ ಮುಜುಗರ ಉಂಟಾಗುವಂತೆ ಮಾಡಿದ್ದಾರೆ.

ಇದನ್ನೂ ಓದಿ: Stop Hindi Diwas: ಹಿಂದಿ ಹೇರಿಕೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಪ್ರಕಾಶ್ ರಾಜ್

ಸದ್ಯ ಬಿಎಂಟಿಸಿ ಬಸ್​ ನಿರ್ವಾಹಕನ ಈ ಅಸಭ್ಯ ವರ್ತನೆ ಸೋಷಿಯಲ್ ಮಿಡಿಯಾದಲ್ಲಿ ವೈರಲ್ ಆಗಿದೆ. ಕಂಡಕ್ಟರ್​​ ಅಣ್ಣಾ ಇದೇನಾ ನೀವು ಡ್ಯೂಟಿ ಮಾಡೋ ಸ್ಟೈಲ್ ಅಂತೆಲ್ಲಾ ಜನರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ನೆಟ್ಟಿಗರಿಂದ ಕೂಡಲೇ ನಿರ್ವಾಹಕನ ಮೇಲೆ ಕಠಿಣ ಕ್ರಮ ಕೈಗೊಳ್ಳಬೇಕು ಎಂಬ ಆಗ್ರಹಗಳು ಕೇಳಿ ಬರುತ್ತಿವೆ. ಪ್ರತಿ ಬಸ್​ನಲ್ಲಿಯೂ ಕಂಡಕ್ಟರ್​ಗೆ ಅಂತಲೇ ಒಂದು ಸೀಟು ಮೀಸಲಿರುತ್ತೆ. ಅದನ್ನು ಬಿಟ್ಟು ಈತ ಅಲ್ಲಿ ಬಂದು ಕೂತಿದ್ದೇಕೆ ಎಂಬ ವಾದಗಳು ಕೇಳಿ ಬರುತ್ತಿವೆ.

ಈ ಘಟನೆ ನಡೆದಿದ್ದು ಯಾವ ಬಸ್​ನಲ್ಲಿ, ಬಸ್ ಎಲ್ಲಿಂದ ಎಲ್ಲಿಗೆ ಪ್ರಯಾಣ ಮಾಡುತ್ತಿತ್ತು ಎಂಬುದು ತಿಳಿದು ಬಂದಿಲ್ಲ. ಆದ್ರೆ ಆ ನಿರ್ವಾಹಕನ ನಡೆಯನ್ನು ಸದ್ಯ ಸೋಷಿಯಲ್ ಮಿಡಿಯಾದಲ್ಲಿ ಎಲ್ಲರೂ ಖಂಡಿಸುತ್ತಿದ್ದಾರೆ. ಕೂಡಲೇ ಆತನನ್ನು ಕರ್ತವ್ಯದಿಂದ ವಜಾಗೊಳಿಸಬೇಕು ಎಂದು ಗುಡುಗಿದ್ದಾರೆ.

ಸಸ್ಪೆಂಡ್ ಮಾಡಿದ ಬಿಎಂಟಿಸಿ!
ನ್ಯೂಸ್ ಫಸ್ಟ್ ಚಾನೆಲ್‌ ಕಂಡಕ್ಟರ್ ಈ ವರ್ತನೆ ಬಗ್ಗೆ ಬಿಎಂಟಿಸಿ ಗಮನಕ್ಕೆ ತಂದಿದೆ. ಈ ಬಗ್ಗೆ ಡಿಪೋ ಮ್ಯಾನೇಜರ್ ಬಳಿ ಮಾಹಿತಿ ಕಲೆ ಹಾಕಿದ್ದ ಬಿಎಂಟಿಸಿ ಅಧಿಕಾರಿಗಳು ಈಗಾಗಲೇ ಈ ಕಂಡಕ್ಟರ್‌ ಅನ್ನು ಸಸ್ಪೆಂಡ್ ಮಾಡಿದ್ದಾರೆ. ಇದು ಕಳೆದ ಎರಡು ತಿಂಗಳ ಹಿಂದೆ ನಡೆದಿರೋ ಘಟನೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಈಗ ವಿಡಿಯೋ ವೈರಲ್ ಆಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ