ನೇಣಿಗೆ ಶರಣಾದ 11 ವರ್ಷದ ಮುದ್ದಾದ ಬಾಲಕ

ಮೊಬೈಲ್​ ಬಳಸಿಕೊಂಡ ರೂಮ್​ ಸೇರಿದವನು ನೇಣಿಗೆ ಕೊರಳೊಡ್ಡಿದ

6ನೇ ತರಗತಿ ಹುಡುಗನ ಸಾವಿನಿಂದ ನೊಂದ ಪೋಷಕರು

ಯ್ಯೂಟೂಬ್​ ವಿಡಿಯೋವನ್ನು ಅನುಕರಣೆ ಮಾಡುತ್ತಿದ್ದ 11 ವರ್ಷದ ಬಾಲಕ ನೇಣಿಗೆ ಶರಣಾದ ಘಟನೆ ತೆಲಂಗಾಣದ ಸಿರಿಸಿಲ್ಲಾದಲ್ಲಿ ಬೆಳಕಿಗೆ ಬಂದಿದೆ. ಉದಯ್​ ಎಂಬ 6ನೇ ತರಗತಿ ಬಾಲಕ ಸಾವನ್ನಪ್ಪಿದ್ದಾನೆ.

ಶನಿವಾರ ರಾತ್ರಿಯಂದು ಊಟ ಮಾಡಿದ ಬಳಿಕ ಮೊಬೈಕ್​ ಬಳಸಿಕೊಂಡು ರೂಮ್​ ಸೇರಿದ ಉದಯ್​ ಒಳಗಿನಿಂದ ಲಾಕ್​ ಮಾಡಿಕೊಂಡಿದ್ದಾನೆ. ಬಳಿಕ ಕರೆದಾಗ ಬಾರದೆ ಇದ್ದದ್ದನ್ನು ಕಂಡ ಪೋಷಕರು ಆತನ ಫೋನಿಗೂ ಕರೆ ಮಾಡಿದ್ದಾರೆ. ಆದರೆ ಫೋನ್​ ಕರೆಗೂ ಉತ್ತರಿಸದೇ ಇರುವುದನ್ನು ಗಮನಿಸಿದ ಪೋಷಕರು ಬಾಗಿಲು ಒಡೆಯಲು ಮುಂದಾಗಿದ್ದಾರೆ.

ಬಾಗಿಲು ಒಡೆದು ಕೋಣೆಯ ಒಳಹೋದ ಪೋಷಕರಿಗೆ ಬಾಲಕ ಬಟ್ಟೆ ಬಳಸಿಕೊಂಡು ನೇಣು ಹಾಕಿಕೊಂಡ ಘಟನೆ ಕಣ್ಣೆದುರಿಗೆ ಕಂಡಿದೆ. ಬಳಿಕ ಉದಯ್​ನನ್ನು ಹತ್ತಿರದ ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ ಅಲ್ಲಿನ ವೈದ್ಯರು ಆತನ ಮೃತಪಟ್ಟಿದ್ದಾನೆ ಎಂದು ಧೃಡಪಡಿಸಿದ್ದಾರೆ.

ಬಳಿಕ ಪೊಲೀಸರು ಉದಯ್​​ನನ್ನು ಮರಣೋತ್ತರ ಪರೀಕ್ಷೆಗಾಗಿ ಸಿರ್ಸಿಲ್ಲಾ ಆಸ್ಪತ್ರೆಗೆ ರವಾನಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ