ಇವತ್ತಿನ ಸಖತ್​ ಸ್ಟೋರಿಯಲ್ಲಿ ಇಂಗ್ಲೆಂಡ್​ ಆಟಗಾರನ ಕಥೆ

ನಾಮಕರಣ ಮಾಡಿರೋದ್ರ ಹಿಂದಿದೆ ಇಂಟ್ರೆಸ್ಟಿಂಗ್ ವಿಚಾರ!

ತನ್ನ ಕುದುರೆಗೆ ಇಂಗ್ಲೆಂಡ್ ತಂಡದ ಕ್ಯಾಪ್ಟನ್ ಹೆಸೆರಿಟ್ಟಿದ್ದೇಕೆ..?

ಇಂಗ್ಲೆಂಡ್ ತಂಡದ ಕ್ಯಾಪ್ಟನ್​ ಬೆನ್​​ ಸ್ಟೋಕ್ಸ್​ -ಕೋಚ್​ ಬ್ರೆಂಡನ್ ಮೆಕಲಮ್​ ಜುಗಲ್​​ಬಂದಿ ಟೆಸ್ಟ್​ ಕ್ರಿಕೆಟ್​ನಲ್ಲಿ ಹೊಸ ಕ್ರಾಂತಿಯನ್ನೇ ಮಾಡಿದೆ. ವಿಶ್ವ ಕ್ರಿಕೆಟ್​ ಲೋಕ ಈ ಭಲೇ ಜೋಡಿಗೆ ಫಿದಾ ಆಗಿದೆ. ಇದರ ನಡುವೆ ಮೆಕಲಮ್​​ ತನ್ನ ಕುದುರೆಗೆ ಬೆನ್ ಸ್ಟೋಕ್ಸ್​ ಎಂದು ಹೆಸರಿಟ್ಟು ಅಚ್ಚರಿ ಮೂಡಿಸಿದ್ದಾರೆ.

ಇಂಗ್ಲೆಂಡ್ ತಂಡದ ಕೋಚ್ ಆಗಿ ಬ್ರೆಂಡನ್ ಮೆಕಲಮ್, ಟೆಸ್ಟ್​ ಕ್ರಿಕೆಟ್​ನಲ್ಲಿ ಹೊಸ ಕ್ರಾಂತಿಯನ್ನು ಹುಟ್ಟಿ ಹಾಕಿದ್ದಾರೆ. ಸ್ಟೋಕ್ಸ್​ ಹಾಗೂ ಮೆಕಲಮ್​​ ಜೋಡಿ ಟೆಸ್ಟ್​ ಕ್ರಿಕೆಟ್​ನಲ್ಲಿ ಹೊಸ ಭಾಷ್ಯ ಬರೆದಿದ್ದಾರೆ. ಕ್ಯಾಪ್ಟನ್​ ಸ್ಟೋಕ್ಸ್​ ಜೊತೆಗೆ ಉತ್ತಮ ಬಾಂಧವ್ಯ ಹೊಂದಿರೋ ಮೆಕಲಮ್, ಆಫ್​ ಫೀಲ್ಡ್​ನಲ್ಲಿ ತಮ್ಮ ವಿಶೇಷ ನಡೆಯಿಂದ ಎಲ್ಲರಲ್ಲೂ ಆಶ್ಚರ್ಯ ಮೂಡಿಸಿದ್ದಾರೆ.

ಕ್ರಿಕೆಟ್​​ ಜೊತೆಗೆ ಕುದುರೆ ರೇಸಿಂಗ್​​ನಲ್ಲೂ ಮೆಕಲಮ್​ ವಿಶೇಷವಾದ ಆಸಕ್ತಿ ಹೊಂದಿದ್ದಾರೆ. ಹಲವು ಕುದುರೆಗಳನ್ನ ಸಾಕಿರುವ ಮೆಕಲಮ್​​, ಅದರಲ್ಲಿ ಒಂದು ಕುದುರೆಗೆ ಬೆನ್​ ಸ್ಟೋಕ್ಸ್​ ಎಂದು ಹೆಸರಿಟ್ಟಿದ್ದಾರೆ. ನ್ಯೂಜಿಲೆಂಡ್​ನಲ್ಲಿ ರೇಸಿಂಗ್​ವೊಂದರಲ್ಲಿ ಈ ಕುದುರೆ ಭಾಗವಹಿಸಿದೆ. ಈ ರೇಸಿಂಗ್​ನಲ್ಲಿ ಕುದುರೆಯು ರನ್ನರ್​ ಅಪ್​ ಅಂದರೆ 2ನೇ ಸ್ಥಾನ ಪಡೆದುಕೊಂಡಿದೆ. ಅಂದ್ಹಾಗೆ ಕುದುರೆಗೆ ಬೆನ್​ ಸ್ಟೋಕ್ಸ್ ಎಂದು​ ನಾಮಕರಣ ಮಾಡಿರೋದ್ರ ಹಿಂದೆ ಇಂಟ್ರೆಸ್ಟಿಂಗ್ ವಿಚಾರ ಇದೆ.

ಅದೇನು ಅಂದ್ರೆ, ಬೆನ್ ಸ್ಟೋಕ್ಸ್​ ಒಬ್ಬ ಫೈಟರ್. ಕೊನೆಯ ತನಕ ಹೋರಾಟ ಮಾಡಿ ಪಂದ್ಯವನ್ನ ಗೆಲ್ಲಿಸಿಕೊಳ್ಳುವ ಛಲದಂಕಮಲ್ಲ. ಬೆನ್ ಸ್ಟೋಕ್ಸ್​ರ ಹೋರಾಟದ ಮನೋಭಾವ ಎಂಥವರಿಗೂ ಸ್ಫೂರ್ತಿ. ಹೀಗಾಗಿಯೇ ಕುದುರೆಗೂ ಫೈಟಿಂಗ್ ಸ್ಪಿರಿಟ್ ಇರಬೇಕು ಎಂಬ ಕಾರಣಕ್ಕಾಗಿ ಬೆನ್ ಸ್ಟೋಕ್ಸ್ ಎಂದು ಮೆಕಲಮ್​​ ಹೆಸರಿಟ್ಟಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ

Only 2️⃣ for Stokes! 🏏

England head coach Brendon McCullum has named his horse after his captain, who finishes runner-up on debut in Cambridge, New Zealand! pic.twitter.com/g60pxwjJaf

— At The Races (@AtTheRaces) July 13, 2023