ಭಾರತದ ತಂಡದ ಮಾಜಿ ಕ್ಯಾಪ್ಟನ್​ ವಿರಾಟ್ ಕೊಹ್ಲಿ​ ಸಾಧನೆ ಅಪಾರ

ಅಭ್ಯಾಸ ಮಾಡುವಾಗ ಬೆಳ್ಳಿಯ ಬ್ಯಾಟ್ ಗಿಪ್ಟ್​ ನೀಡಿದ ಶ್ರೀಲಂಕನ್ ಬೌಲರ್

ಬೆಳ್ಳಿಯ ಬ್ಯಾಟ್​ ಮೇಲೆ ಏನೇನು ಬರೆದಿದೆ?, ಇದಕ್ಕೆ ವಿರಾಟ್ ಏನು ಹೇಳಿದ್ರು?

ಸದ್ಯ ವಿಶ್ವ ಕ್ರಿಕೆಟ್​ ಸಾಮ್ರಾಜ್ಯದಲ್ಲಿ ಭಾರತದ ತಂಡದ ಮಾಜಿ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ಅಪಾರವಾದ ಸಾಧನೆ ಮಾಡಿದ್ದಾರೆ. ತಮ್ಮ ಅದ್ಭುತವಾದ ಬ್ಯಾಟಿಂಗ್​ ಶೈಲಿಯಿಂದ ಕ್ರಿಡಾಂಗಾಣದಲ್ಲಿ ಚಿತ್ತಾರ ಮೂಡಿಸಿ ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 76 ಶತಕಗಳನ್ನು ಸಿಡಿಸಿದ್ದಾರೆ. ಸಚಿನ್​ ನಂತರದ ಅಗ್ರ ಕ್ರಮಾಂಕದಲ್ಲಿ ಸ್ಥಾನ ಪಡೆದಿದ್ದಾರೆ. ಇಂತಹ ಕ್ರಿಕೆಟ್​ ವೀರನಿಗೆ ಶ್ರೀಲಂಕಾದ ನೆಟ್​ ಬೌಲರ್​ವೊಬ್ಬ 76 ಶತಕಗಳ ಮಾಹಿತಿ ಒಳಗೊಂಡ ಬೆಳ್ಳಿಯ ಬ್ಯಾಟ್​ ಗಿಫ್ಟ್​ ಮಾಡಿದ್ದಾರೆ.

ಸದ್ಯ ಶ್ರೀಲಂಕಾದಲ್ಲಿ ನಡೆಯುತ್ತಿರುವ 2023 ಏಷ್ಯಾಕಪ್​ ಟೂರ್ನಿಯಲ್ಲಿ ವಿರಾಟ್ ಕೊಹ್ಲಿ ಹೇಗೆಲ್ಲ ಬ್ಯಾಟ್​ ಬೀಸಬೇಕು ಎಂದು ಅಭ್ಯಾಸ ಮಾಡುತ್ತಿದ್ದರು. ಈ ವೇಳೆ ಶ್ರೀಲಂಕಾದ ನೆಟ್​ ಬೌಲರ್​ ಆದ ಚಂದ್ರಮೋಹನ್​ ಕ್ರಿಶಾಂತ್ ಅವರು ಕಿಂಗ್ ಕೊಹ್ಲಿಗೆ ಬೆಳ್ಳಿಯ ಬ್ಯಾಟ್​ ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಇದನ್ನು ಸಂತಸದಿಂದ ಸ್ವೀಕಾರ ಮಾಡಿದ ವಿರಾಟ್,​ ನೆಟ್​ ಬೌಲರ್​ ಗಿಫ್ಟ್​ಗೆ ಫುಲ್​ ಫಿದಾ ಆಗಿದ್ದಾರೆ.

ಬೆಳ್ಳಿ ಬ್ಯಾಟ್​ ನೀಡಿರುವ ಕ್ರಿಶಾಂತ್​ ಹೇ ಚಾಂಪಿಯನ್ ಶೀಘ್ರದಲ್ಲೇ 100ನೇ ಸೆಂಚುರಿ ಸಿಡಿಸುತ್ತಿಯಾ ಎಂದು ನನಗೆ ಹೋಪ್ ಇದೆ. ಆಲ್ ದೀ ಬೆಸ್ಟ್​ ಎಂದು ಹೇಳಿದ್ದಾರೆ. ಇದಕ್ಕೆ ರಿಪ್ಲೇ ಮಾಡಿರುವ ವಿರಾಟ್ ಕೊಹ್ಲಿ ಡೋಂಟ್​ ವರೀ ಎಂದು ಹೇಳಿದ್ದಾರೆ.

Sri Lankan Net bowler Krishan gifted a silver bat to Virat Kohli.#INDvPAKpic.twitter.com/uZ1acmMozf

— Don Cricket 🏏 (@doncricket_) September 11, 2023

ನೆಟ್​ ಬೌಲರ್ ಆಗಿರುವ ಚಂದ್ರಮೋಹನ್​ ಕ್ರಿಶಾಂತ್ ಅವರು ವಿರಾಟ್​ಗೆ ಗಿಫ್ಟ್ ಮಾಡಲೆಂದೇ ಮೊದಲೇ ನಿರ್ಧರಿಸಿ ಮೂರು ತಿಂಳಿನಿಂದ​ ಈ ಬೆಳ್ಳಿಯ ಬ್ಯಾಟ್​ ಅನ್ನು ತಯಾರಿಸಲಾಗಿದೆಯಂತೆ. ವಿರಾಟ್​ ಕೊಹ್ಲಿಯ ಬಿಗ್​ ಫ್ಯಾನ್​​ ನಾನು. ಕೊನೆಯದಾಗಿ 2017ರಲ್ಲಿ ಮೀಟ್ ಆಗಿದ್ದೆ. ಅದಾದ ಬಳಿಕ ಇದೀಗ ಏಷ್ಯಾಕಪ್​ನಲ್ಲಿ ನೆಟ್​ ಬೌಲರ್ ಆಗಿ ಭೇಟಿಯಾಗಿದ್ದೇನೆ. ಕೆಲವೊಂದು ಮ್ಯಾಚ್​ಗಳಲ್ಲಿ ವಿರಾಟ್​ ರನ್​ಗಳನ್ನ ಅದ್ಭುತವಾಗಿ ಚೇಸ್ ಮಾಡಿದ್ದಾರೆ. ಹೀಗಾಗಿ ಅವರ ಬ್ಯಾಟಿಂಗ್​ ಸಾಧನೆಯ ಪ್ರಶಂಸೆ ವ್ಯಕ್ತಪಡಿಸಲು ಹಾಗೂ ಅವರ ಕ್ರಿಕೆಟ್​ ಉತ್ಸಾಹ ಇನ್ನಷ್ಟು ಹೆಚ್ಚಾಗಲೆಂದು ಗಿಫ್ಟ್ ಮಾಡಿದ್ದೇನೆ ಎಂದು ಕ್ರಿಶಾಂತ್ ಹೇಳಿದ್ದಾರೆ.
​
ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ