ಕ್ಯಾಪ್ಟನ್​ ರೋಹಿತ್​ ನೇತೃತ್ವದ ಟೀಂ ಇಂಡಿಯಾಗೆ ಗುಡ್​ನ್ಯೂಸ್​

6 ತಿಂಗಳ ಬಳಿಕ ಟೀಂ ಇಂಡಿಯಾಗೆ ಸ್ಟಾರ್​ ಪ್ಲೇಯರ್​ ಕಮ್​ಬ್ಯಾಕ್​​

ಐರ್ಲೆಂಡ್​​ ವಿರುದ್ಧದ ಟಿ20 ಸೀರೀಸ್​ಗೆ ಈ ಸ್ಟಾರ್​ ಪ್ಲೇಯರ್​ ಲಭ್ಯ!

ಟೀಂ ಇಂಡಿಯಾದ ಖ್ಯಾತ ಕ್ರಿಕೆಟರ್​​​ ಅನುಭವಿ ವೇಗಿ ಜಸ್ಪ್ರೀತ್ ಬುಮ್ರಾ. ಕಳೆದ ಆರು ತಿಂಗಳಿನಿಂದ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಸೇರಿದಂತೆ ಹಲವು ಸೀರಿಸ್​ಗಳು ಆಡಲಿಲ್ಲ. ಇತ್ತೀಚೆಗೆ ಆಸೀಸ್​​ ತಂಡದ ವಿರುದ್ಧ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​​ ಫೈನಲ್​​ ಪಂದ್ಯದಲ್ಲೂ ಟೀಂ ಇಂಡಿಯಾ ಪರ ಆಡಿರಲಿಲ್ಲ ಬುಮ್ರಾ. ಜಸ್ಪ್ರೀತ್ ಬುಮ್ರಾ ಸ್ಥಾನವನ್ನು ಯಾರಿಂದಲೂ ತುಂಬಲಾಗಲಿಲ್ಲ. ಈ ಮಧ್ಯೆ ಟೀಂ ಇಂಡಿಯಾಗೆ ಗುಡ್​ನ್ಯೂಸ್​ವೊಂದು ಸಿಕ್ಕಿದೆ.

ಯೆಸ್​​, ಇದೇ ಆಗಸ್ಟ್​​ ತಿಂಗಳಲ್ಲಿ ನಡೆಯೋ ಐರ್ಲೆಂಡ್ ವಿರುದ್ಧದ ಟಿ20 ಸರಣಿಗೆ ಟೀಂ ಇಂಡಿಯಾದ ಅನುಭವಿ ವೇಗಿ ಜಸ್ಪ್ರೀತ್ ಬುಮ್ರಾ ಇಂಟರ್​ನ್ಯಾಷನಲ್​ ಕ್ರಿಕೆಟ್​​ಗೆ ಕಮ್​ಬ್ಯಾಕ್​​ ಮಾಡೋ ಸಾಧ್ಯತೆ ಇದೆ. ತೀವ್ರ ಬೆನ್ನುನೋವಿನ ಕಾರಣದಿಂದ ಅಲಭ್ಯರಾಗಿದ್ದ ಜಸ್ಪ್ರೀತ್ ಬುಮ್ರಾ ಈಗ ಫಿಟ್​​ನೆಸ್​​ನತ್ತ ವರ್ಕೌಟ್​ ಮಾಡುತ್ತಿದ್ದು, ಸದ್ಯದಲ್ಲೇ ಟೀಂ ಇಂಡಿಯಾಗೆ ಕಮ್​ಬ್ಯಾಕ್​ ಮಾಡುತ್ತಾರೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ.

ಬುಮ್ರಾ ಈ ವರ್ಷ ನಡೆಯೋ ಐರ್ಲೆಂಡ್ ವಿರುದ್ಧದ ಸರಣಿಗೆ ಲಭ್ಯರಾಗಲಿದ್ದಾರೆ. ಇದಕ್ಕಾಗಿ ಅದ್ಭುತ ತಯಾರಿ ನಡೆಸುತ್ತಿದ್ದಾರೆ. ಇದು ಟೀಂ ಇಂಡಿಯಾಗೆ ಗುಡ್​​ನ್ಯೂಸ್​ ಆಗಿದ್ದು, ಸುದೀರ್ಘ ಕಾಲದ ಬಳಿಕ ಬುಮ್ರಾ ತಂಡಕ್ಕೆ ಮರಳಲು ಉತ್ಸುಕರಾಗಿದ್ದಾರೆ ಎಂದು ಹಿರಿಯ ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಇನ್ನು, ಜಸ್ಪ್ರೀತ್ ಬುಮ್ರಾ ಫಿಟ್​​ನೆಸ್​​ ಬಗ್ಗೆ ಖುದ್ದು ಎನ್‌ಸಿಎ ಮುಖ್ಯಸ್ಥ ವಿವಿಎಸ್ ಲಕ್ಷ್ಮಣ್ ಕಣ್ಣಿಟ್ಟಿದ್ದಾರೆ. ಇದಕ್ಕಾಗಿ ಬುಮ್ರಾ ಜತೆಗೆ ನಿಕಟವಾಗಿ ಕೆಲಸ ಮಾಡುತ್ತಿದ್ದಾರೆ. ಹೀಗಾಗಿ ಆದಷ್ಟು ಬೇಗ ಬುಮ್ರಾ ಫಿಟ್​ ಆಗೋ ಸಾಧ್ಯತೆ ಇದೆ ಎಂದರು ಬಿಸಿಸಿಐ ಹಿರಿಯ ಅಧಿಕಾರಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ