ನಾಯಕನಾಗಿ ಚಹಲ್ ಬೆನ್ನಿಗೆ ನಿಲ್ಲಲಿಲ್ವಾ ವಿರಾಟ್..?

2021ರ ಟಿ20 ವಿಶ್ವಕಪ್​​ನಲ್ಲಿ ಸ್ಥಾನ ಸಿಗದಕ್ಕೆ ಚಹಲ್ ಕಿಡಿ

ಕೊಹ್ಲಿಯ ಬಲಗೈ ಬಂಟ ಈಗ ಟೀಕೆ ಮಾಡ್ತಿರೋದೇಕೆ..?

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ವಿರುದ್ಧ ಕಿಡಿಕಾರಿದ್ದ ಯಜುವೇಂದ್ರ ಚಹಲ್, ಇವತ್ತು ವಿರಾಟ್​ ಕೊಹ್ಲಿ ವಿರುದ್ಧ ಗುಡುಗಿದ್ದಾರೆ. ಚಹಲ್ ಟೀಕೆಯ ಬೆನ್ನಲ್ಲೇ ಫ್ಯಾನ್ಸ್​ ಕೂಡ ಕಳ್ಳನ ನಂಬಿದ್ರೂ, ಕುಳ್ಳನ ನಂಬದ್ರೂ ಎಂಬ ನಾಣ್ಣುಡಿ ಹೇಳ್ತಿದ್ದಾರೆ.

ಯಜುವೇಂದ್ರ ಚಹಲ್​. ಟೀಮ್ ಇಂಡಿಯಾದ ಸಕ್ಸಸ್​ಫುಲ್ ಸ್ಪಿನ್ನರ್​ಗಳಲ್ಲಿ ಒಬ್ಬರು. ಇದಕ್ಕಿಂತ ಮಿಲಾಗಿ ರಾಯಲ್​​ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಜಿ ಮ್ಯಾಚ್ ವಿನ್ನರ್. 8 ವರ್ಷಗಳ ಕಾಲ ಆರ್​ಸಿಬಿ ಪರವಾಗಿ ಆಡಿದ್ದ ಈ ಲೆಗ್​ ಸ್ಪಿನ್ನರ್. ಈಗ ಆರ್​ಸಿಬಿ ವಿರುದ್ಧವೇ ನಾಲಗೆ ಹರಿಬಿಟ್ಟಿದ್ದಾರೆ. ರಿಟೈನ್​ ವಿಚಾರದಲ್ಲಿ ಫ್ರಾಂಚೈಸಿಯ ನಡೆಯ ಬಗ್ಗೆ ಕಿಡಿಕಾರಿದ್ದ ಯಜುವೇಂದ್ರ ಚಹಲ್, ಈಗ ವಿರಾಟ್​ ಕೊಹ್ಲಿಯ ವಿರುದ್ದವೂ ಕೆಂಡಕಾಡಿದ್ದಾರೆ. ಅದು ಕೂಡ ಟೀಮ್ ಇಂಡಿಯಾದಲ್ಲಿನ ಸ್ಥಾನದ ವಿಚಾರವಾಗಿ.

ಟಿ20 ವಿಶ್ವಕಪ್​ನಲ್ಲಿ ಸ್ಥಾನ ಸಿಗದಕ್ಕೆ ಚಹಲ್​ ಕೆಂಡ..!

ಅದು 2021ರ ಟಿ20 ವಿಶ್ವಕಪ್​. ಈ ಮೆಗಾ ಟಿ20 ವಿಶ್ವಕಪ್​ನಲ್ಲಿ ಸ್ಥಾನ ಪಡೆಯೋ ಫಸ್ಟ್​ ಚಾಯ್ಸ್ ಸ್ಪಿನ್ನರ್ ಯಜುವೇಂದ್ರ ಚಹಲ್​​ ಆಗಿದ್ದರು. ಅದರಲ್ಲೂ ದುಬೈ ಕ್ಲೈಮೆಟ್​ನಲ್ಲಿ ಅದ್ಬುತ ದಾಖಲೆ ಹೊಂದಿದ್ದ ಯಜುವೇಂದ್ರ ಚಹಲ್, ನಿಜಕ್ಕೂ ಮ್ಯಾಚ್ ವಿನ್ನರ್ ಪ್ಲೇಯರ್. ಹೀಗಾಗಿ ಟಿ20 ವಿಶ್ವಕಪ್​ನಲ್ಲಿ ಸ್ಥಾನ ಪಡೆಯೋದು ಬಹುತೇಕ ಕನ್ಫರ್ಮ್ ಆಗಿತ್ತು. ಆದ್ರೆ, ಸೆಲೆಕ್ಷನ್ ಕಮಿಟಿಯ ಅವರಕೃಪೆಗೆ ಒಳಗಾಗಿದ್ದ ಚಹಲ್​ಗೆ ಶಾಕ್ ಕಾದಿತ್ತು.

ಹೌದು! ಯಜುವೇಂದ್ರ ಚಹಲ್​​​ಗೆ ಕಡೆಗಣಿಸಿದ್ದ ಆಯ್ಕೆ ಸಮಿತಿ ಮಿಸ್ಟರಿ ಸ್ಪಿನ್ನರ್​​ ವರುಣ್ ಚಕ್ರವರ್ತಿಗೆ ಮಣೆ ಹಾಕಿತ್ತು. ಈ ಬ್ಲಂಡರ್ ಮಿಸ್ಟೇಕ್​​ಗೆ ಟೀಮ್ ಇಂಡಿಯಾ ಟಿ20 ವಿಶ್ವಕಪ್​ನಲ್ಲಿ ಭಾರೀ ಬೆಲೆಯನ್ನೇ ತೆತ್ತಿತ್ತು. ಆದರೀಗ ಇದೇ ವಿಚಾರವಾಗಿ ಯಜುವೇಂದ್ರ ಚಹಲ್​, ವಿರಾಟ್​ ಕೊಹ್ಲಿ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಅದು ಕೂಡ ಬರೋಬ್ಬರಿ 2 ವರ್ಷಗಳ ಬಳಿಕ.
ಸಾಮರ್ಥ್ಯ ಗೊತ್ತಿದ್ದು ಚಹಲ್​​​​​​​​ನ ಕಡೆಗಣಿಸಿದ್ರಾ ಕೊಹ್ಲಿ​​..?

ಟಿ20 ವಿಶ್ವಕಪ್​ಗೂ ಮುನ್ನ ನಡೆದಿದ್ದ ಐಪಿಎಲ್ ಸೀಸನ್​ನಲ್ಲಿ ಬೊಂಬಾಟ್ ಪ್ರದರ್ಶನ ನೀಡಿದ್ದ ಚಹಲ್, ಮೆಗಾ ಟೂರ್ನಿಯಲ್ಲಿ ಆಡೋ ಕನಸು ಕಂಡಿದ್ದರು. ಫ್ಯಾನ್ಸ್​ ಕೂಡ ಇದೇ ನಿರೀಕ್ಷೆಯಲ್ಲಿದ್ರು. ಆದ್ರೀಗ ಚಾನ್ಸ್​ ಸಿಗದ ಬಗ್ಗೆ ಅಂದಿನ ನಾಯಕರಾಗಿದ್ದ ವಿರಾಟ್​ ಕೊಹ್ಲಿಯ ಅಸಮಾಧಾನ ಹೊರಹಾಕಿದ್ದಾರೆ. ನನ್ನ ಸಾಮರ್ಥ್ಯ ಗೊತ್ತಿದ್ದು ಬೆಂಬಲಕ್ಕೆ ನಿಲ್ಲದ ಬಗ್ಗೆ ಬೇಸರ ಹೊರಹಾಕಿದ್ದಾರೆ.

ನನಗೆ ವಿಚಿತ್ರ ಎನಿಸಿತ್ತಿತ್ತು. ಏಕೆಂದರೆ ವಿರಾಟ್​ ಕೊಹ್ಲಿ ಟೀಮ್ ಇಂಡಿಯಾದ ಕ್ಯಾಪ್ಟನ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನೂ ಮುನ್ನಡೆಸುತ್ತಿದ್ದರು. ಆದರೆ, ನಾನು ನನ್ನನ್ನ ಯಾಕೆ ಟಿ20 ವಿಶ್ವಕಪ್​ಗೆ ಆಯ್ಕೆ ಮಾಡಲಿಲ್ಲ ಎಂದು ಯಾರನ್ನೂ ಕೇಳಲಿಲ್ಲ.
ಯಜುವೇಂದ್ರ ಚಹಲ್​, ಟೀಮ್ ಇಂಡಿಯಾ ಆಟಗಾರ

ಬಾತ್​ ರೂಮ್​ನಲ್ಲಿ ಕಣ್ಣೀರು ಹಾಕಿದ್ರಂತೆ ಚಹಲ್..!

2021ರ ಟಿ20 ವಿಶ್ವಕಪ್​​ಗೆ ಆಯ್ಕೆಯಾಗದಕ್ಕೆ ಭಾರೀ ನಿರಾಸೆಗೊಂಡಿದ್ದ ಚಹಲ್, ಒಬ್ಬೊಂಟಿಯಾಗೇ ಕಣ್ಣೀರು ಹಾಕಿದ್ರಂತೆ. ಈ ವೇಳೆ ತಮ್ಮ ಬೆಂಬಲಕ್ಕೆ ನಿಂತಿದ್ದು ತಮ್ಮ ಪತ್ನಿ ಮಾತ್ರ ಅನ್ನೋ ವಿಚಾರವನ್ನೂ ಬಹಿರಂಗ ಪಡಿಸಿದ್ದಾರೆ.

ನಾನು 2021ರ ಟಿ20 ವಿಶ್ವಕಪ್​ನಲ್ಲಿ ಸ್ಥಾನ ಪಡೆಯದಾಗ ಚ್ಚು ಬೇಸರಗೊಂಡಿದ್ದೆ. ನಾನು ಒಬ್ಬೊಂಟಿಯಾಗಿ ಬಾಥ್​ ರೂಮ್​ನಲ್ಲಿ ಅಳುತ್ತಿದೆ. ಆ ಕಷ್ಟಕರ ಸಮಯದಲ್ಲಿ ಓವರ್​ಕಮ್ ಮಾಡಲು ಸಹಾಯ ಮಾಡಿದ್ದೇ ನನ್ನ ಪತ್ನಿ. ನಿಜಕ್ಕೂ ನಾನು ಆ ಸಮಯಲ್ಲಿ ನಾನು ತುಂಬಾ ಕೋಪಗೊಂಡಿದ್ದೆ.
ಯಜುವೇಂದ್ರ ಚಹಲ್​, ಟೀಮ್ ಇಂಡಿಯಾ ಆಟಗಾರ

ಯಜುವೇಂದ್ರ ಚಹಲ್ ಬೇಸರದಲ್ಲಿ ಒಂದು ಅರ್ಥವೂ ಇದೆ. ಯಾಕಂದ್ರೆ, 2020 ಹಾಗೂ 2021ರ ಐಪಿಎಲ್​ನಲ್ಲಿ ಚಹಲ್ ಅದ್ಬುತ ಪ್ರದರ್ಶನವನ್ನೇ ನೀಡಿದ್ದರು. ಟೀಮ್ ಇಂಡಿಯಾ ಪರವೂ ಕಮಾಲ್ ಮಾಡಿದ್ದರು. ಆದ್ರೆ, ನಾಯಕನಾಗಿ ವಿರಾಟ್​ ಕೊಹ್ಲಿ, ತಮ್ಮ ಬೆಂಬಲಕ್ಕೆ ನಿಲ್ಲಲಿಲ್ಲ ಅನ್ನೋದನ್ನ ಆರ್​ಸಿಬಿ ತೊರದ ಬಳಿಕವೇ ದೂರುತಿದ್ದಾರೆ.

ಅದೇನೇ ಆಗಲಿ. 2021ರ ಟಿ20 ವಿಶ್ವಕಪ್​ನಲ್ಲಿ ಚಹಲ್ ಅವಶ್ಯಕತೆ ಇತ್ತು ನಿಜ. ಆದ್ರೆ, ನಾಯಕನಾಗಿ ಕೊಹ್ಲಿ ಬೆಂಬಲಿಸಲಿಲ್ಲ ಎಂಬ ಆರೋಪ ನಿಜಕ್ಕೂ ಸುಳ್ಳು. ಯಾಕಂದ್ರೆ, ಎಲೆಮರಿ ಕಾಯಿಯಾಗಿದ್ದ ಚಹಲ್​ರನ್ನ ವಿಶ್ವ ಕ್ರಿಕೆಟ್​​ಗೆ ಪರಿಚಯಿಸಿದ ಶ್ರೇಯ ವಿರಾಟ್​ ಕೊಹ್ಲಿಗೇ ಸೇರುತ್ತೆ. ಅಂದು ಕೊಹ್ಲಿ ಬಲಗೈ ಬಂಟನಾಗಿ ಗುಣಗಾನ ಮಾಡ್ತಿದ್ದ ಚಹಲ್, ಈಗ ಕೊಹ್ಲಿಗೆ ನಾಯಕತ್ವದ ಪಟ್ಟ ಇಲ್ಲ ಎಂಬ ಬೆನ್ನಲ್ಲೇ ಟೀಕೆ ಮಾಡ್ತಿರೋದು ನಿಜಕ್ಕೂ ವಿಪರ್ಯಾಸವೇ ಸರಿ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ