ಚಾಲೆಂಜಿಂಗ್​ ಸ್ಟಾರ್​ ಮನೆಯ ಬಳಿ ಸ್ಪಾಟ್ ಮಹಜರ್!

ಆ ದಿನ ಏನೇನಾಯ್ತು ಎಂಬ ಬಗ್ಗೆ ಪೊಲೀಸರಿಗೆ ಮಾಹಿತಿ

ಪೊಲೀಸರು ಸಹ ನನಗೆ ಸರಿಯಾದ ಉತ್ತರ ನೀಡುತ್ತಿಲ್ಲ ಎಂದು ಆಕ್ರೋಶ

ಬೆಂಗಳೂರು: ಮಹಿಳೆಗೆ ನಟ ದರ್ಶನ್​​ ಮನೆಯ  ಶ್ವಾನ ಕಚ್ಚಿದ ಪ್ರಕರಣ ಸಂಬಂಧ ದೂರುದಾರೆ ಅಮಿತ ಜಿಂದಲ್ ಪೊಲೀಸರ ವಿರುದ್ಧ ಬೇಸರ ವ್ಯಕ್ತಪಡಿದ್ದಾರೆ.

ಈ ಬಗ್ಗೆ ಸುದ್ದಿಗಾರರೊಂದಿಗೆ ಮಾತಾಡಿದ ಅವರು.. ನನಗೆ ಸ್ಪಾಟ್ ಮಹಜರ್ ಇದೆ. ನೀವು 9 ಗಂಟೆಗೆ ಠಾಣೆ ಬರಬೇಕು ಎಂದು ಹೇಳಿದ್ದರು. ಹೀಗಾಗಿ ನಾನು ಆಫೀಸ್​ಗೆ ಹೋಗಬೇಕು, ಬೇಗ ಮುಗಿಸಿ ಎಂದು ಹೇಳಿದ್ದೆ. ಆಗ ನನ್ನ ಜೊತೆ ಮಾತನಾಡಿದ ಪೊಲೀಸ್ ನೀವು ಠಾಣೆ ಬಳಿ ಬನ್ನಿ,‌ ಬೇರೆಯವರು ನಿಮ್ಮ ಜೊತೆ ಬರುತ್ತಾರೆ ಎಂದು ತಿಳಿಸಿದ್ದರು.

ನಾನು 7:30ಕ್ಕೆ ಠಾಣೆಗೆ ಬಂದೆ. ಪೊಲೀಸರು ಬಳಿ ಮಾತನಾಡಿದರೆ ಯಾರೂ ಸಹ ನನಗೆ ಸರಿಯಾದ ಉತ್ತರ ನೀಡಿಲ್ಲ. ನಾನು‌ ಆಫೀಸ್​ಗೆ ಹೋಗಬೇಕಿದೆ ಎಂದು ಕೇಳಿದಾಗ 9 ಗಂಟೆಗೆ ಮಹಜರ್ ಹೋಗುವುದಾಗಿ ತಿಳಿಸಿದರು. ಈವರೆಗೆ ಯಾವುದೇ ನನ್ನ ಬಳಿ ಯಾರೂ ಮಾತನಾಡಿಲ್ಲ. ಈಗ 10:30 ಗಂಟೆಗೆ ಮಹಜರ್​ ಹೋಗೋಣ ಎಂದು ಹೇಳಿದ್ದಾರೆ. ಆರೋಪಿಗಳ ವಿಚಾರಣೆ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಚಾಲೆಂಜಿಂಗ್​ ಸ್ಟಾರ್​ ಮನೆಯ ಬಳಿ ಮಹಿಳೆ ಅಮಿತಾ ಜಿಂದಾಲ್​ರನ್ನು ಪೊಲೀಸ್​ ಅಧಿಕಾರಿಗಳು ಸ್ಪಾಟ್ ಮಹಜರ್​ಗೆ ಕರೆ ತಂದಿದ್ದಾರೆ. ದೂರುದಾರೆ ಅಮಿತಾ ಅವರು ಪೊಲೀಸರಿಗೆ ವಿವರಣೆ ನೀಡುತ್ತಿದ್ದಾರೆ. ಆ ದಿನ ಏನೇನಾಯ್ತು ಎಂಬ ಬಗ್ಗೆ ಪೊಲೀಸರಿಗೆ ಮಾಹಿತಿ ಕೊಟ್ಟಿದ್ದಾರೆ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ