ಲ್ಯಾಂಡಿಂಗ್​ ಸಮಯ ಘೋಷಣೆ ಮಾಡಿದ ಇಸ್ರೋ

ಭಾರತೀಯರ ಕನಸಿನ ನೌಕೆ ಲ್ಯಾಂಡ್​ ಆಗಲು 3 ದಿನ ಬಾಕಿ

ಚಂದ್ರಯಾನ-3 ಕನಸು ನನಸಾಗಲು ಕೂಡಿ ಬಂದಿದೆ ಸಮಯ

ಚಂದ್ರಯಾನ-3 ಪ್ರತಿಯೊಬ್ಬ ಭಾರತೀಯನ ಕನಸು. ಇನ್ನೇನು 3 ದಿನಗಳು ಬಾಕಿ ಇದ್ದು, ಯಶಸ್ಸಿಯಾಗಿ ಚಂದ್ರನ ಮೇಲೆ ನೌಕೆ ಲ್ಯಾಂಡ್​​ ಆಗಲಿದೆ. ಅಚ್ಚರಿಯ ಸಂಗತಿ ಎಂದರೆ ಇಂದು ಬೆಳಿಗ್ಗೆ ಲ್ಯಾಂಡರ್​​ ವೇಗ ತಗ್ಗಿಸುವ ಪ್ರಕ್ರಿಯೆ ಯಶಸ್ವಿಯಾಗಿ ಪೂರ್ಣಗೊಂಡಿದೆ. ಇನ್ನು ಚಂದ್ರನ ಮೇಲೆ ಲ್ಯಾಂಡ್​ ಆಗೋದೊಂದೆ ಬಾಕಿ ಇದೆ. ಹೀಗಿರುವಾಗ ಇಸ್ರೋ ನೌಕೆ ಚಂದ್ರನ ಮೇಲೆ ಲ್ಯಾಂಡ್​ ಆಗುವ ದಿನಾಂಕ ಘೋಷಿಸಿದೆ.

ವಿಕ್ರಂ ಚಂದ್ರನ ಕಕ್ಷೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಬಳಿಕ ದಕ್ಷಿಣ ದ್ರುವದಲ್ಲಿ ಲ್ಯಾಂಡ್​ ಆಗಬೇಕಿದೆ. ಇಸ್ರೋ ಹೇಳಿದಂತೆ ಆಗಸ್ಟ್​ 23ರಂದು ಸಂಜೆ 6:04ಕ್ಕೆ ಭಾರತದ ಕನಸಿನ ಚಂದ್ರಯಾನ ಯಶಸ್ವಿಯನ್ನು ಕಣ್ತುಂಬಿಸಿಕೊಳ್ಳಬಹುದಾಗಿದೆ.

ಈಗಾಗಲೇ ನೌಕೆ ಚಂದ್ರನಿಂದ 134 ಕಿ.ಮೀ ಇರುವ ಕಕ್ಷೆಯನ್ನು ತಲುಪಿದೆ. ಆದರೆ 30 ಕಿ.ಮೀ ಬಾಕಿ ಇರುವಾಗ ಕಠಿಣ ಸವಾಲನ್ನು ಸ್ವೀಕರಿಸಲಿದೆ. ಅದಕ್ಕಾಗಿ ಸಾಫ್ಟ್​​ ಲ್ಯಾಂಡಿಂಗ್​ ಮಾಡಲು ಇಸ್ರೋ ಮುಂದಾಗಿದೆ.

ಖಗೋಳಶಾಸ್ತ್ರಜ್ಞರು ಪ್ರೊ.ಅನ್ನಪೂರ್ಣಿ ಸುಬ್ರಮಣ್ಯಂ ಈ ಬಗ್ಗೆ ಮಾತನಾಡಿದ್ದು, ನೌಕೆ ಬಾಹ್ಯಕಾಶ ಪ್ರವೇಶಿಸಿದಾಗ ಅಲ್ಲಿನ ವಾತಾವರಣ ಮತ್ತು ಗುರುತ್ವಾಕರ್ಷಣೆ ಬದಲಾಗುತ್ತದೆ. ಆದರೆ ಲ್ಯಾಂಡರ್​​ ಭಾರವಾಗಿರುವ ಕಾರಣ ಚಂದ್ರನ ಮೇಲೆ ಅಡ್ಡಾದಿಡ್ಡಿಯಾಗಿ ಕ್ರಮಿಸಬಹುದು ಮತ್ತು ಅಂಕುಡೊಂಕಾದ ಜಾಗದಲ್ಲಿ ಇಳಿಯಬಹುದು. ಆದರೆ ಏನೇ ಆದರು ಅದು ಕಾರ್ಯನಿರ್ವಹಿಸುತ್ತದೆ. ಇದನ್ನು ನಾವು ಅನೇಕ ಬಾರಿ ಪರೀಕ್ಷೆಗೆ ಒಳಪಡಿಸಿದ್ದೇವೆ ಎಂದು ಹೇಳಿದ್ದಾರೆ.

ಬಳಿಕ ಮಾತನಾಡಿದ ಅವರು, ಲ್ಯಾಂಡರ್​ ಸಾಫ್ಟ್​​ವೇರ್ ಅನ್ನು ಹೊಂದಿದೆ. ಇದು ಡೇಟಾವನ್ನು ಒದಗಿಸುತ್ತದೆ. ಆದರೆ ನೌಕೆ ಕಕ್ಷೆ ಸಮೀಪ ಬಂದಾಗ ನೆಲದಿಂದ ಸರಿಯಾದ ದೂರವನ್ನು ಕಂಡುಹಿಡಿಯಬೇಕು. ವೇಗವನ್ನು ನಿರ್ಧರಿಸಬೇಕು. ಬಳಿಕ ಲ್ಯಾಂಡ್​ ಮಾಡಬೇಕು ಎಂದು ಹೇಳಿದ್ದಾರೆ.​​

ಲ್ಯಾಂಡಿಂಗ್​ ಹೇಗೆ?

ಇಸ್ರೋ ಸಿದ್ಧಪಡಿಸಿರುವ ಚಂದ್ರಯಾನ-3 ನೌಕೆ ಆಧುನಿಕ ತಂತ್ರಜ್ನಾನ ಬಳಸಿಕೊಂಡಿದೆ. ಇದಕ್ಕೆ ಲ್ಯಾಂಡರ್​ ಪೊಸಿಷನ್​ ಕ್ಯಾಮೆರಾವನ್ನು ಅಳವಡಿಸಲಾಗಿದ್ದು, ಇದು ಹೈ-ಫೈ ಡಿಟೆಕ್ಷನ್​​ ಕ್ಯಾಮೆರಾ ಆಗಿದೆ. ಇದರಿಂದ ಚಂದ್ರನ ಮೇಲೆ ಲ್ಯಾಂಡ್​ ಮಾಡುವ ಮುನ್ನ ಸರಿಯಾದ ಮತ್ತು ಸಮತಟ್ಟಾದ ಸ್ಥಳ ಹುಡುಕಲಿದೆ. ಬಳಿಕ ನಿಧಾನಗತಿಯಲ್ಲಿ ಚಂದ್ರನನ್ನು ಸ್ಪರ್ಶಿಸಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ