ಆಗಸ್ಟ್ 5 ರಂದು ಹೊಸ ಅಪ್​​ಡೇಟ್ ಕೊಡಲಿದೆ ಇಸ್ರೋ..!

ಭೂ-ಕಕ್ಷೆಯಲ್ಲಿ 5 ರೌಂಡ್ ಹೊಡೆದು ಚಂದ್ರನತ್ತ ಹೊರಟ ನೌಕೆ

ಟ್ರಾನ್ಸ್​​ಲುನಾರ್​ ಆರ್ಬಿಟ್​ಗೆ ಸೇರಿಸುವ ಪ್ರಕ್ರಿಯೆ ಸಕ್ಸಸ್​, ಇನ್ನೇನಿದ್ದರೂ..

ಭಾರತದ ವಿಜ್ಞಾನಿಗಳು ಜುಲೈ 14 ರಂದು ಕಳುಹಿಸಿರುವ ಚಂದ್ರಯಾನ-3 ನೌಕೆಯ ‘ಚಂದ್ರನಿದ್ದಲ್ಲಿಗೆ ಪ್ರಯಾಣಿಸುವ ಗುರಿ’ ಮತ್ತಷ್ಟು ಸನಿಹ ಆಗಿದೆ. ಕಳೆದ ( ಆಗಸ್ಟ್​ 1) ಮಧ್ಯರಾತ್ರಿಯಿಂದ ನೌಕೆಯು ಭೂಕಕ್ಷೆ ಬಿಟ್ಟು ಚಂದ್ರನಿದ್ದಲ್ಲಿಗೆ ಹೊರಟಿದೆ.

ಇಷ್ಟುದಿನ ಭೂಕಕ್ಷೆಯಲ್ಲಿ ತಿರುಗುತ್ತಿದ್ದ ಚಂದ್ರಯಾನ ನೌಕೆಯನ್ನು ಮಧ್ಯರಾತ್ರಿ ಟ್ರಾನ್ಸ್​​ಲುನಾರ್​ ಆರ್ಬಿಟ್​​ಗೆ ಸೇರಿಸುವ ಪ್ರಕ್ರಿಯೆಯನ್ನು ವಿಜ್ಞಾನಿಗಳು ಪೂರ್ಣಗೊಳಿಸಿದ್ದಾರೆ. ಈ ಮೂಲಕ ನೌಕೆಯು ಚಂದ್ರನಿದ್ದಲ್ಲಿಗೆ ಪ್ರಯಾಣಿಸುವ 3.8 ಲಕ್ಷ ಕಿಲೋ ಮೀಟರ್ ದೂರದ ಪ್ರಯಾಣವನ್ನು ಆರಂಭಿಸಿದೆ ಎಂದು ಇಸ್ರೋ ತಿಳಿಸಿದೆ.

ಆಗಸ್ಟ್ 23 ರಂದು ಲ್ಯಾಂಡಿಂಗ್

ಚಂದ್ರಯಾನ-3 ಮಷಿನ್ ಭೂಕಕ್ಷೆಯಲ್ಲಿ ಸುತ್ತುವ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದೆ. ಐದು ಬಾರಿ ಭೂಕಕ್ಷೆಯನ್ನು ಸುತ್ತಿ, ಇದೀಗ ಚಂದ್ರನಿದ್ದಲ್ಲಿಗೆ ಪ್ರಯಾಣಿಸಿದೆ. ಟ್ರಾನ್ಸ್​ಲುನಾರ್​ ಆರ್ಬಿಟ್​ಗೆ ಸೇರಿಸುವ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲಾಗಿದೆ ಎಂದು ಇಸ್ರೋ ಟ್ವೀಟ್ ಮಾಡಿದೆ. ಈ ಪ್ರಕ್ರಿಯೆ ಪೂರ್ಣಗೊಳ್ಳುತ್ತಿದ್ದಂತೆ ಪ್ರೊಪಲ್ಷನ್​ ಮ್ಯಾಡುಲ್​ನಲ್ಲಿ ಇಂಜಿನ್​ಗಳು ತಮ್ಮ ಸ್ಪೀಡ್​ ಅನ್ನು ಅಧಿಕಗೊಳಿಸಲಿವೆ. ಇದರಿಂದ ಬಾಹ್ಯಾಕಾಶ ನೌಕೆ ನಿರ್ದಿಷ್ಟ ಮಟ್ಟ ತಲುಪಲು ಸಹಕಾರಿಯಾಗಲಿದೆ

ಇದಕ್ಕೆ ಸಂಬಂಧಿಸಿದಂತೆ ಆಗಸ್ಟ್​ 5 ರಂದು ಇಸ್ರೋ ವಿಜ್ಞಾನಿಗಳು ಮತ್ತೊಂದು ಬಿಗ್ ಅಪ್​ಡೇಟ್ ಕೊಡಲಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದರೆ ಆಗಸ್ಟ್​ 23 ರಂದು ಲ್ಯಾಂಡರ್ ವಿಕ್ರಂ ಚಂದ್ರನ ದಕ್ಷಿಣ ಧ್ರುವದಲ್ಲಿ ಸಾಫ್ಟ್​ ಲ್ಯಾಂಡ್ ಆಗಲಿದೆ.

Chandrayaan-3 Mission:
Chandrayaan-3 completes its orbits around the Earth and heads towards the Moon.

A successful perigee-firing performed at ISTRAC, ISRO has injected the spacecraft into the translunar orbit.

Next stop: the Moon 🌖

As it arrives at the moon, the… pic.twitter.com/myofWitqdi

— ISRO (@isro) July 31, 2023

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ