ಯಶಸ್ವಿಯಾಗಿ ಉಡಾವಣೆಯಾದ ಇಸ್ರೋದ ಚಂದ್ರಯಾನ-3

ಬಾನೆತ್ತರದಲ್ಲಿ ಕಾಣಿಸಿಕೊಂಡ ಅವಿಸ್ಮರಣೀಯ ದೃಶ್ಯ ಇದು

ವಿಮಾನದ ಕಿಟಕಿಯಿಂದ ಲಿಫ್ಟ್‌ಆಫ್ ಕ್ಯಾಮೆರಾದಲ್ಲಿ ಸೆರೆ

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ (ಇಸ್ರೋ) ಚಂದ್ರಯಾನ-3 ಐತಿಹಾಸಿಕ ಪುಟಗಳಲ್ಲಿ ದಾಖಲಾಗಿದೆ. ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ನಿನ್ನೆ ಮಧ್ಯಾಹ್ನ 2.35ಕ್ಕೆ ಚಂದ್ರಯಾನ-3 ನೌಕೆಯನ್ನು LVM-3 ಮಿಷನ್ ಮೂಲಕ ಯಶಸ್ವಿ ಉಡಾವಣೆ ಮಾಡಲಾಗಿದೆ. ಇದರಿಂದ ಭಾರತದ ಬಾಹ್ಯಾಕಾಶ ಸಂಸ್ಥೆ ಮತ್ತೊಂದು ಮೈಲುಗಲ್ಲು ಸ್ಥಾಪನೆ ಮಾಡಿದಂತೆ ಆಗಿದೆ. ಚಂದ್ರಯಾನ-3 ಅನ್ನು ಇಡೀ ಭಾರತೀಯರೆಲ್ಲ ನೋಡಿ ಖುಷಿಪಟ್ಟಿದ್ದಾರೆ.

ಉಡಾವಣೆಯಾದ 16 ನಿಮಿಷಗಳಲ್ಲೇ ರಾಕೆಟ್​​ನಿಂದ ಪ್ರತ್ಯೇಕಗೊಂಡ ಚಂದ್ರಯಾನ ನೌಕೆ, ಭೂಕಕ್ಷೆಯನ್ನು ಸುಲಭವಾಗಿ ಸೇರಿತು. ಈ ಮೂಲಕ ಚಂದ್ರನ ಮೇಲೆ ನೌಕೆ ಇಳಿಸುವ ಭಾರತದ ಪ್ರಯತ್ನಕ್ಕೆ ಆರಂಭಿಕ ಯಶಸ್ಸು ಸಿಕ್ಕಂತಾಗಿದೆ. ಇನ್ನು ಚಂದ್ರಯಾನ-3 ಕೌಂಟ್‌ಡೌನ್‌ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​ ಆಗಿತ್ತು. ಇದೀಗ ಚೆನ್ನೈನಿಂದ ಢಾಕಾಗೆ ಹಾರುತ್ತಿದ್ದ ವಿಮಾನದ ಕಿಟಕಿಯಿಂದ ಲಿಫ್ಟ್‌ಆಫ್ ಕ್ಯಾಮೆರಾದಲ್ಲಿ ಚಂದ್ರಯಾನ-3 ರಾಕೆಟ್ ಸೆರೆಯಾಗಿದೆ. ಈ ವಿಡಿಯೋವನ್ನು ಇಸ್ರೋ ಮೆಟೀರಿಯಲ್ಸ್ ನಿರ್ದೇಶಕ ಮತ್ತು ರಾಕೆಟ್ ತಯಾರಿಕಾ ತಜ್ಞ ಡಾ.ಪಿ.ವಿ.ವೆಂಕಟಕೃಷ್ಣನ್ ಅವರು ಟ್ವೀಟರ್​​ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇದರ ಜೊತೆಗೆ ವಿಮಾನದಿಂದ ಚಂದ್ರಯಾನ 3 ಉಡಾವಣೆ. ಚೆನ್ನೈನಿಂದ ಢಾಕಾಕ್ಕೆ ಟೇಕ್ ಆಫ್ ಆದ ಸ್ವಲ್ಪ ಸಮಯದ ನಂತರ, ಪೈಲಟ್ ಈ ಐತಿಹಾಸಿಕ ದೃಶ್ಯವನ್ನು ಸೆರೆ ಹಿಡಿದಿದ್ದಾರೆ ಎಂದು ಬರೆದುಕೊಂಡಿದ್ದಾರೆ. ಈ ವಿಡಿಯೋವನ್ನು ಲಕ್ಷಗಟ್ಟಲೇ ವೀಕ್ಷಣೆಯನ್ನು ಪಡೆದುಕೊಂಡಿದೆ. ಈ ವಿಡಿಯೋವನ್ನು ನೋಡಿದ ನೆಟ್ಟಿಗರು ಮೂಕವಿಸ್ಮಿತರಾಗಿದ್ದಾರೆ.

ಸದ್ಯ ಈ ನೌಕೆಯು ಭೂಕಕ್ಷೆಯಲ್ಲಿದ್ದು ಭೂಮಿಯ ಸುತ್ತ ತಿರುಗುತ್ತಿದೆ. ಇದು ಸುಮಾರು 5 ರಿಂದ 6 ಬಾರಿ ಭೂಮಿಯ ಸುತ್ತ ತಿರುಗಲಿದೆ. ಅಂದರೆ ಭೂಮಿಗೆ 170 ಕಿಲೋ ಮೀಟರ್ ದೂರದಿಂದ ತಿರುಗಲು ಶುರುವಾಗಿ ಬರೋಬ್ಬರಿ 36500 ಕಿಲೋ ಮೀಟರ್​ ದೂರದವರೆಗೂ ಸುತ್ತಲಿದೆ. ಸುದೀರ್ಘ 40 ದಿನಗಳ ಬಳಿಕ ನೌಕೆಯು ಚಂದ್ರನ ಮೇಲೆ ಇಳಿಯವ ನಿರೀಕ್ಷೆಯನ್ನು ವಿಜ್ಞಾನಿಗಳು ಇಟ್ಟುಕೊಂಡಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದರೆ ಆಗಸ್ಟ್​ 23 ರಂದು ಸಂಜೆ 5.47ಕ್ಕೆ ಚಂದ್ರನ ಅಂಗಳದಲ್ಲಿ ಈ ನೌಕೆಯನ್ನು ಇಳಿಸಲಾಗುತ್ತದೆ. ಲ್ಯಾಂಡರ್​ ಸಾಫ್ಟ್​​ ಆಗಿ ಚಂದ್ರನ ಅಂಗಳದಲ್ಲಿ ಲ್ಯಾಂಡ್ ಆಗುತ್ತಿದ್ದಂತೆ, ಅದರೊಳಗೆ ಇರುವ ರೋವರ್​ ಹೊರಗೆ ಬರಲಿದೆ. ಅದಾದ ನಂತರ ಚಂದ್ರನ ಮೇಲೆ ಅಧ್ಯಯನಗಳು ಶುರುವಾಗಲಿವೆ.

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ (ಇಸ್ರೋ) ಚಂದ್ರಯಾನ-3 ಐತಿಹಾಸಿಕ ಪುಟಗಳಲ್ಲಿ ದಾಖಲಾಗಿದೆ. ಭಾರತದ ಬಾಹ್ಯಾಕಾಶ ಸಂಸ್ಥೆ ಮತ್ತೊಂದು ಮೈಲುಗಲ್ಲು ಸ್ಥಾಪನೆ ಮಾಡಿದಂತೆ ಆಗಿದೆ. ಇದೀಗ ಚಂದ್ರಯಾನ-3 ಬಾನೆತ್ತರಕ್ಕೆ ಹಾರುತ್ತಿದ್ದ ವೇಳೆ ಚೆನ್ನೈನಿಂದ ಢಾಕಾಕ್ಕೆ ಟೇಕ್ ಆಫ್ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದರು ಈ ಸುಂದರವಾದ ದೃಶ್ಯವನ್ನು… pic.twitter.com/40dY2sRm1m

— NewsFirst Kannada (@NewsFirstKan) July 15, 2023

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ