ಈಗಾಗಲೇ 5 ಕಕ್ಷೆಗಳನ್ನ ಪೂರ್ಣಗೊಳಿಸಿದ ಸ್ಪೇಸ್​ಕ್ರಾಫ್ಟ್​

ಜುಲೈ 14ರಂದು ಉಡಾವಣೆಯಾಗಿದ್ದ ಚಂದ್ರಯಾನ- 3

ಚಂದ್ರನ ಪಥಕ್ಕೆ ಬದಲಾವಣೆ ಆಗಲಿದೆ ಬಾಹ್ಯಾಕಾಶ ನೌಕೆ

ಸದ್ಯ ಬಾಹ್ಯಾಕಾಶದಲ್ಲಿ ಪ್ರಯಾಣ ಮಾಡುತ್ತಿರುವ ಸ್ಪೇಸ್​ಕ್ರಾಫ್ಟ್​ ಇಂದು ಮಹತ್ವದ ಹಂತಕ್ಕೆ ಮಧ್ಯರಾತ್ರಿ ತಲುಪಲಿದೆ. ಅಂದರೆ ಸ್ಪೇಸ್​ಕ್ರಾಫ್ಟ್​ ಈಗಾಗಲೇ 5 ಕಕ್ಷೆಗಳನ್ನು ಪೂರ್ಣಗೊಳಿಸಿದ್ದು ಟ್ರಾನ್ಸ್​ ಲೂನಾರ್ ಇಂಜೆಕ್ಷನ್​ (TLI) ಪ್ರಕ್ರಿಯೆಯು ಇಂದು ಮಧ್ಯರಾತ್ರಿ 12 ರಿಂದ 1 ಗಂಟೆಯೊಳಗೆ ಇಸ್ರೋ ಸಂಸ್ಥೆ ಪೂರ್ಣಗೊಳಿಸಲಿದೆ. ಇದರಿಂದ ಸ್ಪೇಸ್​ಕ್ರಾಫ್ಟ್​ ಚಂದ್ರನ ಪಥ ಸೇರಲಿದೆ.

ಭಾರತದ ಮಹತ್ವಾಕಾಂಕ್ಷಿಯ, ದೇಶದ ಹಿರಿಮೆಯನ್ನು ವಿಶ್ವ ಮಟ್ಟದಲ್ಲಿ ಇನ್ನಷ್ಟು ಪಸರಿಸುವ ಯೋಜನೆ ಚಂದ್ರಯಾನ- 3 ಅನ್ನು ಜುಲೈ 14 ರಂದು ಉಡಾವಣೆ ಮಾಡಲಾಗಿತ್ತು. ಅಂದಿನಿಂದ ಹಂತ, ಹಂತವಾಗಿ ಕಕ್ಷೆಗಳನ್ನು ಬದಲಾಯಿಸುತ್ತ, ಆಗಸದಲ್ಲಿ ಬಾಹ್ಯಾಕಾಶ ನೌಕೆ ಚಲಿಸುತ್ತಲೇ ಇದೆ. ಅದರಂತೆ 5 ಕಕ್ಷೆಗಳನ್ನು ಪೂರ್ಣಗೊಳಿಸರುವ ನೌಕೆಯು ಚಂದ್ರನ ಪಥಕ್ಕೆ ಬದಲಾವಣೆ ಆಗಲಿದೆ. ಇದು ಆಗಸ್ಟ್​ 01, ಮಧ್ಯರಾತ್ರಿ 12 ರಿಂದ 1 ಗಂಟೆ ಒಳಗೆ ನಡೆಯಲಿದೆ. ಇದು 20 ರಿಂದ 30 ನಿಮಿಷದೊಳಗೆ ಎಲ್ಲ ಪ್ರಕ್ರಿಯೆ ಪೂರ್ಣಗೊಳ್ಳಲ್ಲಿದೆ ಎಂದು ಹೇಳಲಾಗುತ್ತಿದೆ.

ಈ ಪ್ರಕ್ರಿಯೆ ಪೂರ್ಣಗೊಳ್ಳುತ್ತಿದ್ದಂತೆ ಪ್ರೊಪಲ್ಷನ್​ ಮ್ಯಾಡುಲ್​ನಲ್ಲಿ ಇಂಜಿನ್​ಗಳು ತಮ್ಮ ಸ್ಪೀಡ್​ ಅನ್ನು ಅಧಿಕಗೊಳಿಸಲಿವೆ. ಇದರಿಂದ ಬಾಹ್ಯಾಕಾಶ ನೌಕೆ ನಿರ್ದಿಷ್ಟ ಮಟ್ಟ ತಲುಪಲು ಸಹಕಾರಿಯಾಗಲಿದೆ. ಟಿಎಲ್​ಐ ಬರ್ನ್​ ಮಾಡುವುದಕ್ಕೆ ಸಮಯ ನಿಗದಿ ಮಾಡಿದ್ದರಿಂದ ಇಂದು ಮಧ್ಯರಾತ್ರಿ ಈ ಪ್ರಕ್ರಿಯೆ ಸ್ಪೇಸ್​ಕ್ರಾಫ್ಟ್​ನಲ್ಲಿ ನಡೆಯಲಿದೆ.

ಟ್ರಾನ್ಸ್‌ಲೂನಾರ್ ಇಂಜೆಕ್ಷನ್ (TLI) ಫೈರಿಂಗ್ ಅನ್ನು ಆಗಸ್ಟ್ 1 ರಂದು ಮಧ್ಯರಾತ್ರಿ 12 ಅಥವಾ 1 ಗಂಟೆಯ ನಡುವೆ ಯೋಜಿಸಲಾಗಿದೆ. ಈ ಬಗ್ಗೆ ವೀಕ್ಷಣೆ ಮಾಡಲಾಗುತ್ತಿದ್ದು ಮುಂದಿನ ಅಪ್​ಡೇಟ್ ಅನ್ನು ಶೀಘ್ರವೇ ತಿಳಿಸಲಾಗುವುದು ಎಂದು ಇಸ್ರೋ ಸಂಸ್ಥೆ ಈ ಹಿಂದೆ ತಿಳಿಸಿತ್ತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ