ವಿಡಿಯೋ ನೋಡಿ ಧೋನಿ ಅಭಿಮಾನಿಗಳು ಭಾವುಕ

ಸಿಎಸ್​ಕೆಗೆ 5 IPL ಟ್ರೋಫಿ ಗೆಲ್ಲಿಸಿಕೊಟ್ಟಿರುವ ಧೋನಿ

ಟ್ವೀಟ್​​ನಲ್ಲಿ ಫ್ರಾಂಚೈಸಿ ಏನೆಂದು ಬರೆದುಕೊಂಡಿದೆ ಗೊತ್ತಾ?

IPL 2023 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಗುಜರಾತ್ ತಂಡವನ್ನು ಬಗ್ಗು ಬಡಿದು ಐಪಿಎಲ್​ ಟ್ರೋಫಿಗೆ ಮುತ್ತಿಟ್ಟಿದೆ. ಈ ಮೂಲಕ ಮುಂಬೈ ಇಂಡಿಯನ್ಸ್ ಐದು ಬಾರಿ ಕಪ್ ಗೆದ್ದು ನಿರ್ಮಿಸಿದ್ದ ದಾಖಲೆಯನ್ನು ಸಿಎಸ್​ಕೆ ತಂಡದ ನಾಯಕ ಧೋನಿ ಸರಿಗಟ್ಟಿದ್ದಾರೆ. ಸಿಎಸ್​ಕೆ ಹಾಗೂ ಮುಂಬೈ ಇಂಡಿಯನ್ಸ್ ಐದು ಬಾರಿ ಕಪ್ ಗೆದ್ದರೂ, ಹೆಚ್ಚು ಫೈನಲ್ ಪ್ರವೇಶಿಸಿರುವ ಶ್ರೇಯಸ್ಸು ಸಿಎಸ್​ಕೆ ಇದೆ.

ನಿಮಗೆ ಇದು ಗೊತ್ತಾ..?

• ಐಪಿಎಲ್ ಇತಿಹಾಸದಲ್ಲಿ 5 ಐಪಿಎಲ್​ ಕಪ್ ಗೆದ್ದಿರುವ ಯಶಸ್ವಿ ನಾಯಕ. ಜೊತೆಗೆ ಅನೇಕ ಬಾರಿ ರನ್ನರ್​​​ ಅಪ್ ಆದ ಶ್ರೇಷ್ಠ ನಾಯಕ
• 250 ಐಪಿಎಲ್ ಪಂದ್ಯಗಳನ್ನು ಆಡಿರುವ ಧೋನಿ, 5082 ರನ್​ಗಳಿಸಿದ್ದಾರೆ. ಈ ಮೂಲಕ ಐಪಿಎಲ್​ನಲ್ಲಿ ಅತೀ ಹೆಚ್ಚು ರನ್ ಬಾರಿಸಿದ 7ನೇ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
• 41 ವರ್ಷದ ಧೋನಿ, ಐಪಿಎಲ್​ ಇತಿಹಾಸದಲ್ಲಿ 250 ಪಂದ್ಯಗಳನ್ನು ಆಡಿರುವ ಏಕೈಕ ಆಟಗಾರ

ನಿವೃತ್ತಿ ಘೋಷಣೆ ಮಾಡ್ತಾರಾ ತಲಾ..?

ಚೆನ್ನೈ ಸೂಪರ್ ಕಿಂಗ್ಸ್​ ಫ್ರಾಂಚೈಸಿ ನಿನ್ನೆ ನಿಗೂಢ ಟ್ವೀಟ್ ಒಂದನ್ನು ಮಾಡಿದೆ. ಇದು ನಾಯಕ ಧೋನಿಗೆ ಸಂಬಂಧಿಸಿದ ವಿಡಿಯೋ ಆಗಿದೆ. ‘Oh Captain, My Captain!’ ಎಂದು ವಿಡಿಯೋ ಪೋಸ್ಟ್​ಗೆ ಕ್ಯಾಪ್ಷನ್ ನೀಡಿದೆ. ವಿಡಿಯೋದಲ್ಲಿ ಧೋನಿ ಇತ್ತೀಚೆಗೆ ಆಡಿರುವ ಪಂದ್ಯಗಳ ಅದ್ಭುತ ಫೋಟೋ ಹಾಗೂ ವಿಡಿಯೋ ತುಣುಕುಗಳನ್ನು ಸೇರಿಸಲಾಗಿದೆ. ಅದರ ಜೊತೆಗೆ ಪೆವಿಲಿಯನ್ ಕಡೆ ಓಡುತ್ತಿರುವ ಮರ್ಜಿಂಗ್ ವಿಡಿಯೋ ಇದಾಗಿದೆ.

ಈ ವಿಡಿಯೋ ನೋಡಿದ ಅಭಿಮಾನಿಗಳು ಆಘಾತಕ್ಕೆ ಒಳಗಾಗಿದ್ದಾರೆ. ಧೋನಿ ಐಪಿಎಲ್​ಗೆ ನಿವೃತ್ತಿ ಘೋಷಣೆ ಮಾಡ್ತಿದ್ದಾರಾ ಅನ್ನೋ ಅನುಮಾನ ಶುರುವಾಗಿದೆ. ದಯವಿಟ್ಟು ನಿವೃತ್ತಿ ಘೋಷಣೆ ಮಾಡಬೇಡಿ ಎಂದು ಜನ ಪರಿ ಪರಿಯಾಗಿ ಬೇಡಿಕೊಳ್ತಿದ್ದಾರೆ.

Oh Captain, My Captain! 🥹#WhistlePodu #Yellove 🦁💛 @msdhoni pic.twitter.com/whJeUjWUVd

— Chennai Super Kings (@ChennaiIPL) June 13, 2023

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್