ಡ್ರ್ಯಾಗನ್ ದೇಶ ಚೀನಾದಿಂದ ಹೊಸ ಅನ್ವೇಷಣೆ

ಪ್ರತಿ ಸೆಕೆಂಡ್​​ಗೆ 1.2 ಟೆರಾಬಿಟ್​ ವೇಗದ ಡೇಟಾ

ವಿಶ್ವವನ್ನೇ ಬೆರಗುಗೊಳಿಸಲು ಮುಂದಾದ ಡ್ರ್ಯಾಗನ್ ದೇಶ

ನೆರೆಯ ಡ್ರ್ಯಾಗನ್ ದೇಶ ಚೀನಾ ಏನಾದರೊಂದು ಸರ್ಕಸ್​ ಮಾಡುತ್ತಿರುತ್ತದೆ. ಅದರಂತೆಯೇ ಇದೀಗ ವಿಶ್ವದ ಅತ್ಯಂತ ವೇಗದ ಇಂಟರ್​ನೆಟ್​ ಪರಿಚಯಿಸಲು ಮುಂದಾಗಿದೆ. ಅಚ್ಚರಿ ಸಂಗತಿ ಎಂದರೆ ಈ ಇಂಟರ್​ನೆಟ್ ಮೂಲಕ​​ 1 ಸೆಕೆಂಡ್​ಗೆ 150 ಸಿನಿಮಾಗಳನ್ನು ಡೌನ್​ಲೋಡ್​​ ಮಾಡಬಹುದಾಗಿದೆ ಎಂದು ಹೇಳಲಾಗುತ್ತಿದೆ.

ಚೀನಾದ ಸಿಂಘುವಾ ವಿಶ್ವವಿದ್ಯಾಲಯ, ಚೀನಾ ಮೊಬೈಲ್​, ಹುವಾವೇ ಟೆಕ್ನಾಲಜೀಸ್​ ಮತ್ತು ಸರ್ನೆಟ್​ ಕಾರ್ಪೋರೇಷನ್​ ಒಳಗೊಂಡು ವಿಶ್ವದ ಅತಿ ವೇಗದ ಇಂಟರ್​ನೆಟ್​ ಪರಿಚಯಿಸಲು ಮುಂದಾಗಿದೆ. ಈ ಬಗ್ಗೆ ಪ್ರಯೋಗ ನಡೆಯುತ್ತಿದೆ. ಇಮದು ಪ್ರತಿ ಸೆಕೆಂಡ್​​ಗೆ 1.2 ಟೆರಾಬಿಟ್​ ವೇಗದ ಡೇಟಾವನ್ನು ನೀಡಲಿದೆ.

ಹುವಾಯ್​ ಟೆಕ್ನಾಲಜೀಸ್​​ ಉಪಾಧ್ಯಕ್ಷ ವಾಂಗ್​ಲೀ, ವೇಗದ ಇಂಟರ್​ನೆಟ್​ ಮೂಲಕ ಒಂದು ಸೆಕೆಂಡ್​ಗೆ 150 ಹೈ-ಡೆಫಿನೀಷನ್​ ಸಿನಿಮಾ ಡೌನ್​ ಮಾಡಬಹುದಾದ ಡೇಟಾವನ್ನು ವಿತರಿಸುತ್ತದೆ ಎಂದು ಹೇಳಿದ್ದಾರೆ.

ಸದ್ಯ ಪ್ರಪಂಚದಲ್ಲಿರುವ ಇಂಟರ್​​ನೆಟ್​​ ಪ್ರತಿ ಸೆಕೆಂಡ್​ಗೆ 100 ಗಿಗಾಬಿಟ್​ ವೇಗದಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಯುನೈಟೆಡ್​ ಸ್ಟೇ್ಸ್​ 5ನೇ ತಲೆಮಾರಿನ ಇಂಟರ್​ನೆಟ್​​ ವಿತರಿಸುವತ್ತ ಮುಂದಾಗಿದೆ. ಇದು ಪ್ರತಿ ಸೆಕೆಂಡ್​ಗೆ 400 ಗಿಗಾಬಿಟ್​ ವೇಗದಲ್ಲಿ ಕಾರ್ಯನಿರ್ವಹಿಸುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ