ಪೊಲೀಸ್ ಕಮಿಷನರ್ ದಯಾನಂದ್​​ರಿಂದ ಬಿಗ್ ಪ್ಲಾನ್

ಫೋಟೋ, ವಿಡಿಯೋ ಸಮೇತ ದೂರು ನೀಡಬಹುದು

ದೂರು ನೀಡಬೇಕಾದ ಫೋನ್ ನಂಬರ್​ ಯಾವುದು ಗೊತ್ತಾ?

ಬೆಂಗಳೂರು: ಸಾರ್ವಜನಿಕರಿಗೆ ಪೊಲೀಸರಿಂದ ಮತ್ತೊಂದು ಗುಡ್​ನ್ಯೂಸ್​ ಸಿಕ್ಕಿದೆ. ಇನ್ಮೇಲೆ ಏನೇ ದೂರುಗಳು ನೀಡಬೇಕು ಅಂದರೂ 112 ನಂಬರ್​​ಗೆ ಕರೆ ಮಾಡ್ಬೇಕು ಅಂತೇನಿಲ್ಲ. ನಿಮ್ಮ ವಾಟ್ಸ್​​ಆ್ಯಪ್ ಮೂಲಕವೂ 94808 01000 ನಂಬರ್​ಗೆ ಮಾಹಿತಿ ನೀಡಬಹುದು.

ಎಲ್ಲಿ ಏನೇ ಆದ್ರೂ ಫೋಟೋ, ವಿಡಿಯೋ ಸಮೇತ ದೂರು ನೀಡಬಹುದು. ಈ ಬಗ್ಗೆ ನಗರ ಪೊಲೀಸ್ ಆಯುಕ್ತ ದಯಾನಂದ್ ಟ್ವೀಟ್ ಮಾಡಿ ಮಾಹಿತಿ ನೀಡಿದ್ದಾರೆ. ಇತ್ತೀಚೆಗೆ ಹೊಯ್ಸಳದಲ್ಲಿ ರೌಂಡ್ ಹೊಡೆದು ಮಾಹಿತಿ ಪಡೆದಿದ್ದ ಪೊಲೀಸ್ ಕಮಿಷನರ್ ದಯಾನಂದ್‌ ಅವರು, ಜನರಿಂದ ದೂರು ನೀಡುವುದರ ಬಗ್ಗೆ ಒಂದಷ್ಟು ಮಾಹಿತಿ ಪಡೆದಿದ್ದರು.

ಈ ಹಿನ್ನೆಲೆಯಲ್ಲಿ 112 ಯಾವ ರೀತಿ ವರ್ಕ್ ಆಗ್ತಿದೆ ಎನ್ನುವುದರ ಮಾಹಿತಿ ಪಡೆದಿದ್ದರು. ಆದ್ದರಿಂದ 112 ಉನ್ನತೀಕರಣದ ಬಗ್ಗೆ ಪೊಲೀಸ್‌ ಇಲಾಖೆ ಆಲೋಚನೆ ಮಾಡಿತ್ತು. ಅದರ ಮುಂದುವರಿದ ಭಾಗವಾಗಿ ಜನರಿಂದ ದೂರು, ಸಲಹೆ ಪಡೆಯಲು ಹೊಸ ಉನ್ನತೀಕರಣ ಮಾಡಲಾಗಿದೆ.

ನಮ್ಮ ೧೧೨ ಉನ್ನತಿಕರಿಸಲು ಮೊದಲ ಹೆಜ್ಜೆಯಾಗಿ ನಾಗರೀಕರು ಇನ್ನು ಮುಂದೆ ನಮ್ಮ ೧೧೨ ಸೇವೆಯನ್ನು ಬೆಂಗಳೂರು ಪೊಲೀಸರ WhatsApp ನಂಬರ್ ೯೪೮೦೮೦೧೦೦೦ ಗೆ ಮಾಹಿತಿ ನೀಡುವುದರ ಮೂಲಕವೂ ಪಡೆಯಬಹುದಾಗಿದೆ. https://t.co/8YvbpEwz52

— B Dayananda IPS CP Bengalur ಪೊಲೀಸ್ ಆಯುಕ್ತ ಬೆಂಗಳೂರು (@CPBlr) June 14, 2023

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ