ಕಾಂಗ್ರೆಸ್ ಪಾಳಯದಲ್ಲಿ ಮತ್ತೆ ಶುರುವಾದ ಸಿಎಂ ಆಗುವ ಕನಸು

ನಾನು ಒಂದಲ್ಲಾ ಒಂದು ದಿನ ಸಿಎಂ ಆಗುತ್ತೇನೆ ಎಂದಿದ್ದೇಕೆ ಎಂಬಿಪಿ

ಶಿವಾನಂದ ಪಾಟೀಲ್ ಸಿನಿಯಾರಿಟಿ ಪ್ರಶ್ನೆಗೆ ಕೌಂಟರ್ ಕೊಟ್ಟ ಎಂಬಿಪಿ

ಬೆಂಗಳೂರು: ಸಿದ್ದು ಚೇರ್​ ಆಪತ್ತು ಇದ್ಯಾ? ಹಾಗಾದ್ರೆ ಸಿದ್ದು ಉತ್ತರಾಧಿಕಾರಿ ಯಾರು? ಯಾರಿಗೆ ಮುಂದಿನ ಸಿಎಂ ಪಟ್ಟ? ಹೈಕಮಾಂಡ್​ ಮಟ್ಟದಲ್ಲಿ ಚರ್ಚೆ ನಡೀತಿದ್ಯಾ? ಪ್ರಶ್ನೆಗಳು ಹತ್ತಾರು ಇವೆ. ಆದ್ರೆ, ಉತ್ತರ ಮಾತ್ರ ಸಿಎಂ ಸೀಟ್​​ಗೆ ನಡೀತಿರುವ ರೇಸ್​​. ಇವತ್ತು ಎಂ.ಬಿ.ಪಾಟೀಲ್​ ನೇರವಾಗೇ ಎಂಟ್ರಿಕೊಟ್ಟಿದ್ದಾರೆ.

ಶಾಲೆಯಲ್ಲಿ ಬೆಳಗ್ಗೆ ಬೆಳಗ್ಗೆ ಮಕ್ಕಳ ಪ್ರೇಯರ್​. ಅನ್ನಭಾಗ್ಯದ ಅಕ್ಕಿ ಸಿಗುವ ನ್ಯಾಯಬೆಲೆ ಅಂಗಡಿ. ರಾಜ್ಯದ ಸಿಎಂ ಕುರ್ಚಿ.. ಇವುಗಳಲ್ಲಿ ಒಂದು ಕಾಮನ್​​ ಫ್ಯಾಕ್ಟರ್​​​ ಸರತಿ ಸಾಲು. ರಾಜ್ಯದ ಸಿಎಂ ಸೀಟ್​ಗಾಗಿ ಬೀಳ್ತಿರುವ ಟವಲ್​ಗಳು, ಹನುಮನ ಬಾಲವನ್ನೇ ಮೀರಿಸುತ್ತಾ ಪ್ರಶ್ನೆ ಎದ್ದಿದೆ. ಕ್ಷಣಕ್ಕೊಂದು ತಂತ್ರ, ದಿನಕ್ಕೊಂದು ದಾಳ ಉರುಳ್ತಿದ್ದು, ಸೀಟ್​ ಫೈಟ್​​ ಸೀನ್​ ಹಾಲಿವುಡ್ನೇ ಮೀರಿಸ್ತಿದೆ.

ಸಿಎಂ ರೇಸ್​​ಗೆ ಕೊನೆಗೂ ಎಂಟ್ರಿಕೊಟ್ಟ ಎಂಬಿ ಪಾಟೀಲ್​

ಚೇರ್​​​ನಲ್ಲಿ ಸಿದ್ದು ಇದ್ದರೂ ಕಾಂಗ್ರೆಸ್​ನಲ್ಲಿ ಮ್ಯೂಸಿಕಲ್​ ಚೇರ್​ ಗೇಮ್​ಗೆ ನಿತ್ಯವೊಬ್ಬರ ಎಂಟ್ರಿ ಆಗ್ತಿದೆ. ಸಿನಿಯಾರಿಟಿ ದಾಳ ಉರುಳಿಸ್ತಿರುವ ಹಸ್ತದೊಳಗಿನ ಈ ಪಾಂಡವರ ತಂಡ, ಗುಪ್ತ ಕದನ ಮೀರಿ, ಕುರುಕ್ಷೇತ್ರಕ್ಕೆ ಕಹಳೆ ಮೊಳಗಿಸುವ ಕಾಲ ಸನ್ನಿಹಿತಗೊಳಿಸ್ತಿದೆ. ಸದ್ಯ ಸರ್ಕಾರದ ನಂಬರ್​ 2 ಸ್ಥಾನದಲ್ಲಿರುವ ಡಿಕೆಶಿ, ಸತೀಶ್ ಜಾರಕಿಹೊಳಿ, ಪರಮೇಶ್ವರ್‌ ಫ್ರಂಟ್​ಲೈನ್​​ನಲ್ಲಿದ್ರೆ, ಬ್ಯಾಕ್​ಸೈಡ್​ನಲ್ಲಿ ಎಂ.ಬಿ.ಪಾಟೀಲ್​ ಟವಲ್​​ ಜೊತೆ ನಿಂತಿದ್ದಾರೆ. ಇನ್ನು, ಮೊನ್ನೆ ನನ್ನ ಹತ್ರ ಸಿನಿಯರ್​ ಸಿಟಿಜನ್​ ಪಾಸ್​ ಇದೆ ಅಂತ ದೇಶಪಾಂಡೆ, ಸಿದ್ದು ಬಲಕ್ಕಾಗಿ ಕಾದಿದ್ದಾರೆ.

ಇದನ್ನೂ ಓದಿ: ರಾಧಿಕಾ ಕುಮಾರಸ್ವಾಮಿ ರಾಜಕೀಯಕ್ಕೆ ಎಂಟ್ರಿ ಕೊಡೋದು ಫಿಕ್ಸ್‌? ನಾನ್ ರೆಡಿ ಎಂದ ಸೀಕ್ರೆಟ್ ಏನು? VIDEO

ಆಸೆ ಅನ್ನೋದು ಸಹಜ ಮೆಂಬರ್​​ ಆದವನಿಗೆ ಎಂಎಲ್​ಎ ಆಸೆ, ಎಂಎಲ್​​ಎಗೆ ಮಂತ್ರಿ ಆಗುವ ಆಸೆ.. ಮಂತ್ರಿ ಆದ ಬಳಿಕ ಮುಖ್ಯಮಂತ್ರಿ ಆಗಬೇಕು.. ಈಗ ಸಿಎಂ ಕುರ್ಚಿ ಕದನಕ್ಕೆ ಎಂ.ಬಿ.ಪಾಟೀಲ್​​ ರಂಗಪ್ರವೇಶ ಆಗಿದೆ.. ನನಗೂ ಸಿಎಂ ಆಗುವ ಆಸೆ ಇದೆ ಅಂತ ಹೇಳಿದ ಪಾಟೀಲ್​, ಸದ್ಯ ಸಿಎಂ ಸಿದ್ದರಾಮಯ್ಯ ಮುಂದುವರೆಯುತ್ತಾರೆ ಅಂದ್ರು.

ಇದನ್ನೂ ಓದಿ:ಜಾರಕಿಹೊಳಿ ಸೈಲೆಂಟ್ ನಡೆ ಕುತೂಹಲ.. ಸಂಚಲನ ಸೃಷ್ಟಿಸಿದ ಹೈಕಮಾಂಡ್ ರಹಸ್ಯ ಭೇಟಿ.. ಕಾಂಗ್ರೆಸ್​ನಲ್ಲಿ ಏನಾಗ್ತಿದೆ?

ನಿನ್ನೆ ಎಂಬಿ ಪಾಟೀಲ್​ ಸಿನಿಯಾರಿಟಿ ಪ್ರಶ್ನಿಸಿದ್ದ ತಮ್ಮದೇ ಜಿಲ್ಲೆಯ ಶಿವಾನಂದ ಪಾಟೀಲ್​ಗೆ ಕೌಂಟರ್​ ಕೊಟ್ರು. ಸಿದ್ದರಾಮಯ್ಯನವರೇ ಸಿಎಂ ಆಗಿ ಮುಂದುವರೆಯುತ್ತಾರೆ ಎಂದು ಹೇಳವ ಮೂಲಕ ಸಚಿವ ಶಿವಾನಂದ ಪಾಟೀಲ್​ಗೆ ಕೌಂಟರ್ ಕೊಟ್ಟ ಎಂಬಿ ಪಾಟೀಲ್, ಸಿಎಂ ಆಗಲು ಸಿನಿಯರ್ಸ್ ಅನ್ನೊದೊಂದೆ ಮಾನದಂಡವಲ್ಲ. ಅದಕ್ಕೆ ಅನೇಕ ಅರ್ಹತೆಗಳು ಇವೆ ಎಂದು ಹೇಳಿದ್ರು

ಸದ್ಯ ಖಾಲಿ ಇಲ್ಲದ ಸಿಎಂ ಚೇರ್​ಗಾಗಿ ಕಾಂಗ್ರೆಸ್​​​ನಲ್ಲಿ ದೊಡ್ಡ ಪಾಳಿ ಹತ್ತಿದೆ. ಜಾತಿ, ಪ್ರಾಬಲ್ಯ, ಸಿನಿಯಾರಿಟಿ, ವರ್ಚಸ್ಸು. ಈ ಕುರ್ಚಿಗೆ ಮಾನದಂಡಗಳ ಮಂಡನೆ ಆಗ್ತಿದೆ. ಇಷ್ಟೆಲ್ಲಾ ಬೆಳವಣಿಗೆ ಆಗ್ತಿದ್ರೂ ಸಿದ್ದು ಮಾತ್ರ ಸೈಲೆಂಟ್​​ ಆಗಿರೋದು ಕುತೂಹಲ ಮೂಡಿಸ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ