ಇದೇ ತಿಂಗಳು 10ನೇ ತಾರೀಖು ಜೈಲರ್​ ಸಿನಿಮಾ ತೆರೆಗೆ

8 ಬ್ರ್ಯಾಂಚ್​​ಗಳಿಗೆ ರಜೆ ಘೋಷಿಸಿದ ತಲೈವಾ ಅಭಿಮಾನಿ

ಜೈಲರ್​​ ಸಿನಿಮಾ ನೋಡಲು ನೌಕರರಿಗೆ ಉಚಿತ ಟಿಕೆಟ್

ಸೂಪರ್​ ಸ್ಟಾರ್​ ರಜಿನಿಕಾಂತ್ ಫ್ಯಾನ್ಸ್​ ಬಗ್ಗೆ ಹೇಳಬೇಕಾಗಿಲ್ಲ. ತಲೈವಾ ಹೊಸ ಸಿನಿಮಾ ಥಿಯೇಟರ್​ಗೆ ಬಂತಂದ್ರೆ ಸಾಕು ನೂಕು ನುಗ್ಗಲು, ಹೌಸ್​ ಫುಲ್​ಗಳ ಬಗ್ಗೆಯೇ ಹೆಚ್ಚು ಚರ್ಚೆ. ಯಾಕೆಂದರೆ 72 ನೇ ವಯಸ್ಸಿನಲ್ಲೂ ತೆರೆ ಮೇಲೆ ಹೀರೋ ಆಗಿ ಮಿಂಚುವ ಈ ನಟನ ಸ್ಟೈಲ್​ಗೆ, ಅಭಿನಯಕ್ಕೆ ಎಂಥವರೂ ಕೂಡ ಫಿದಾ ಆಗೇ ಆಗುತ್ತಾರೆ. ಅಷ್ಟರ ಮಟ್ಟಿಗೆ ಹಾರ್ಡ್​ ಫ್ಯಾನ್ಸ್​​ ರಜನಿಗಿದ್ದಾರೆ. ಅದರಂತೆಯೇ ಇದೀಗ ಜೈಲರ್​ ಸಿನಿಮಾದಲ್ಲಿ ತಲೈವಾ ನಟಿಸುತ್ತಿದ್ದಾರೆ. ಇದೇ ತಿಂಗಳು 10ನೇ ತಾರೀಖು ಈ ಸಿನಿಮಾ ತೆರೆ ಮೇಲೆ ಬರುತ್ತಿದೆ. ಅದರಂತೆಯೇ ಇಲ್ಲೊಬ್ಬ ಸೂಪರ್ ಸ್ಟಾರ್​ನ ಅಭಿಮಾನಿಯೊಬ್ಬರು ಏನು ಮಾಡಿದ್ದಾನೆ ಗೊತ್ತಾ?. ಸಿನಿಮಾ ನೋಡಲು ತನ್ನ ಖಾಸಗಿ ಕಂಪನಿಗೆ ರಜೆ ಘೋಷಿಸಿದ್ದಾರೆ.

ಹೌದು. UNO ಆಕ್ವಾ ಕೇರ್ ಕಂಪನಿಯಿಂದ ರಜನಿಕಾಂತ್​ ಅವರ ಸಿನಿಮಾ ನೋಡಲು ರಜೆ ಘೋಷಿಸಿದ್ದಾರೆ. ಇದೇ ತಿಂಗಳು 10ನೇ ತಾರೀಖು ಬಹುನಿರೀಕ್ಷಿತ ಜೈಲರ್ ಸಿನಿಮಾ ರಿಲೀಸ್​ ಆಗುತ್ತಿದೆ. ವಿಶ್ವದಾದ್ಯಂತ ಬಹುಭಾಷೆಗಳಲ್ಲಿ ಜೈಲರ್ ಸಿನಿಮಾ ತೆರೆ ಮೇಲೆ ಬರುತ್ತಿದೆ. ಹೀಗಾಗಿ ರಜನಿ ಅಪ್ಪಟ್ಟ ಅಭಿಮಾನಿಯೊಬ್ಬರು ತನ್ನ ಕಂಪನಿಗೆ ರಜೆ ಘೋಷಿಸಿದ್ದಲ್ಲದೆ, ಬೆಂಗಳೂರು, ಚೆನ್ನೈ ಸೇರಿದಂತೆ 8 ಬ್ರ್ಯಾಂಚ್​ಗಳಿಗೆ ರಜೆ ಘೋಷಣೆ ಮಾಡಿದ್ದಾರೆ.

A private firm announces HOLIDAY for superstar #Rajinikanth's #Jailer with free tickets for watching the film.#JailerFromAug10 pic.twitter.com/4jPwbDX9Pd

— Manobala Vijayabalan (@ManobalaV) August 4, 2023

ನೌಕರರಿಗೆ ರಜೆ ಘೋಷಣೆ ಮಾತ್ರವಲ್ಲದೆ, ಜತೆಗೆ ಉಚಿತವಾಗಿ ಸಿನಿಮಾ ಟಿಕೆಟ್ ವಿತರಣೆ ಕೂಡ ಮಾಡಲು ಮುಂದಾಗಿದ್ದಾರೆ. ಸಂಸ್ಥೆಯ ಎಲ್ಲಾ ಸಿಬ್ಬಂದಿಗೆ ಉಚಿತವಾಗಿ ಜೈಲರ್ ಸಿನಿಮಾ ಟಿಕೆಟ್ ನೀಡುತ್ತಿದ್ದಾರೆ. ಈ ಘೋಷಣೆ ಬಗ್ಗೆ ಎಲ್ಲಾ ಬ್ರಾಂಚ್​ಗಳಿಗೆ ಮಾಹಿತಿಯನ್ನು ಹಂಚಿದ್ದಾರೆ.

ಜೈಲರ್ ಸಿನಿಮಾ ರಿಲೀಸ್​ಗೂ ಮೊದಲೇ ಹಲ್​​ಚಲ್ ಎಬ್ಬಿಸಿದೆ. ಈಗಾಗಲೇ ಈ ಸಿನಿಮಾದ ಮೇಲೆ ಭಾರೀ ನಿರೀಕ್ಷೆ ಇದೆ. ಇತ್ತೀಚೆಗೆ ಬಿಡುಗಡೆಗೊಂಡ ಕಾವಲಯ್ಯ ಹಾಡು ಕೂಡ ಭಾರೀ ಸೌಂಡ್​ ಮಾಡಿತ್ತು. ಮಿಲ್ಕಿ ಬ್ಯೂಟಿ ತಮನ್ನಾ ಈ ಹಾಡಿಗೆ ಭರ್ಜರಿ ಡ್ಯಾನ್ಸ್​ ಕೂಡ ಮಾಡಿದ್ದರು.

ದಿಲೀಪ್​ ಕುಮಾರ್​ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿ ಬಂದಿದ್ದು, ಕಲಾನಿಧಿ ಮಾರನ್​ ಜೈಲರ್​ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಸ್ಯಾಂಡಲ್​ವುಡ್ ನಟ​ ಶಿವ ರಾಜ್​ಕುಮಾರ್​, ಮಾಲಿವುಡ್​ ಮೋಹನ್​ಲಾಲ್​, ವಿನಾಯಕನ್​, ರಮ್ಯಾ ಕೃಷ್ಣ ಸೇರಿ ಅನೇಕ ತಾರಾಗಣ ಸಿನಿಮಾದಲ್ಲಿದ್ದಾರೆ.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ

​