ಠಾಣೆಯ ಅಧಿಕಾರಿಗಳ ವಿರುದ್ಧವೇ ತಿರುಗಿಬಿದ್ದ ಪೇದೆ

ಹೆದ್ದಾರಿಯಲ್ಲಿ ಮಲಗಿ ಪ್ರತಿಭಟನೆಗಿಳಿದ ಪೊಲೀಸ್​

ಸಾಮಾಜಿಕ ಜಾಲತಾಣದಲ್ಲಿ​ ಪೇದೆಯ ದೃಶ್ಯ ವೈರಲ್​

ಪೇದೆಯೊಬ್ಬರು ತಾನು ಕರ್ತವ್ಯ ನಿರ್ವಹಿಸುತ್ತಿದ್ದ ಠಾಣೆಯ ಅಧಿಕಾರಿಗಳ ವಿರುದ್ಧವೇ ತಿರುಗಿಬಿದ್ದು ನಡುರಸ್ತೆಯಲ್ಲೇ ಪ್ರತಿಭಟನೆಗಿಳಿದ ಘಟನೆ ಪಂಜಾಬಿನಲ್ಲಿ ನಡೆದಿದೆ.

ಪಂಜಾಬಿನ ಜಲಂಧರ್​ನ ಮುಖ್ಯ ರಸ್ತೆಯಲ್ಲಿ​ ಪೇದೆ ವಾಹನಗಳಿಗೆ ಅಡ್ಡಲಾಗಿ ಮಲಗಿಕೊಂಡು ಪ್ರತಿಭಟನೆ ಮಾಡಿದ್ದಾರೆ. ಅಂದಹಾಗೆಯೇ ಪೇದೆ ತಾನು ಕಳ್ಳನನ್ನು ಹಿಡಿದರೆ ಅತ್ತ ಠಾಣೆಯ ಇತರೆ ಸಿಬ್ಬಂದಿ ಹಣ ಪಡೆದು ಖದೀಮರನ್ನು ಬಿಟ್ಟು ಕಳಹಿಸಿದ್ದಾರೆ ಎಂಬ ಕಾರಣಕ್ಕೆ ನೊಂದಿದ್ದಾರೆ. ಈ ಕಾರಣಕ್ಕೆ ರಸ್ತೆಯಲ್ಲಿ ಅಡ್ಡಲಾಗಿ ಮಲಗಿದ್ದಾರೆ.

ಪೇದೆಯ ಈ ಹೈಡ್ರಾಮ ಮೊಬೈಲ್​ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ವಿಡಿಯೋದಲ್ಲಿ​ ಪೇದೆ ‘ನಾನು ಕಳ್ಳರನ್ನು ಹಿಡಿದಿದ್ದೆ. ಆದರೆ ನಮ್ಮ ಪೊಲೀಸ್​​ ಠಾಣೆಯ ಇತರೆ ಸಿಬ್ಬಂದಿ ಅವರಿಂದ ಹಣ ಪಡೆದು ಖದೀಮರನ್ನು ಬಿಟ್ಟು ಕಳುಹಿಸಿದ್ದಾರೆ’ ಎಂದು ಹೇಳುವುದನ್ನು ಕಾಣಬಹುದಾಗಿದೆ.

ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ವೈರಲ್​ ಆಗುತ್ತಿದೆ. ದೃಶ್ಯದಲ್ಲಿ ಸಹದ್ಯೋಗಿಯೊಬ್ಬರು ಪೇದೆ ಬಳಿ ಬಂದು ರಸ್ತೆ ಬಿಟ್ಟು ತೆರಳುವಂತೆ ಒತ್ತಾಯಿಸಿ ಬಳಿಕ ಒದೆಯುತ್ತಿರುವುದು ಕಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ