ವಿಶ್ವಕಪ್​​​ಗೆ ಯುವ ಜನಾಂಗದ ಭರ್ಜರಿ ರೆಸ್ಪಾನ್ಸ್

ವಿಶ್ವಕಪ್​​​ ದಂಗಲ್​​​​ ವೀಕ್ಷಣೆಯಲ್ಲಿ ಹೆಚ್ಚಳ ಆಗಿದ್ದೇಕೆ..?

ರೋಚಕತೆ ಇಲ್ಲವೆಂದ್ರೂ ಕ್ರೇಜ್​ ಹೆಚ್ಚಾಗಿದ್ದು ಯಾಕೆ..?

ಒಂದು ಸಿನಿಮಾಗೆ ಪ್ರೇಕ್ಷಕರ ರೆಸ್ಪಾನ್ಸ್​​​​​ ಎಷ್ಟು ಇಂಪಾರ್ಟೆಂಟೋ. ಕ್ರಿಕೆಟ್​​​​​​​​​​ಗೂ ಕೂಡ ಅಷ್ಟೇ ಇಂಪಾರ್ಟೆಂಟ್​​. ಸದ್ಯ ನಡೀತಿರೋ ಏಕದಿನ ವಿಶ್ವಕಪ್​​​ ವೀಕ್ಷಣೆಯಲ್ಲಿ ಹೊಸ ದಾಖಲೆಯನ್ನೇ ಬರೆದಿದೆ. ಎಸ್ಪೆಷಲಿ ಯೂತ್ಸ್ ವಿಶ್ವಕಪ್​​ ಪಂದ್ಯಗಳನ್ನ ಮುಗಿಬಿದ್ದು ನೋಡ್ತಿದ್ದಾರೆ. ರಣರೋಚಕ ಪಂದ್ಯಗಳ ಸಂಖ್ಯೆ ಕಡಿಮೆಯಿದ್ರೂ, ಯುವ ಜನಾಂಗದಲ್ಲಿ ವಿಶೇಷವಾದ ಕ್ರೇಜ್​ ಹುಟ್ಟಿದೆ.

ಏಕದಿನ ವಿಶ್ವಕಪ್​​. ನಾಲ್ಕು ವರ್ಷಕ್ಕೊಮ್ಮೆ ನಡೆಯುವ ಕ್ರಿಕೆಟ್ ಮಹಾಜಾತ್ರೆ. ಈ ಕ್ರಿಕೆಟ್​​ ಜಾತ್ರೆಗಿರೋ ಕ್ರೇಜೆ ಬೇರೇ. ಇದ್ರ ಗತ್ತೇ ಬೇರೆ.. ವಿಶ್ವಾದ್ಯಂತ ಒಂದೂವರೆ ತಿಂಗಳ ಕಾಲ ಕ್ರಿಕೆಟ್​ ಜಪ ನಡೆಯುತ್ತೆ. ಅದರಲ್ಲೂ ಈ ಬಾರಿಯ ವಿಶ್ವಕಪ್​ ಅಂತೂ ಸಂಪೂರ್ಣ ಯೂತ್ಸ್ ಮಯವಾಗಿಬಿಟ್ಟಿದೆ. ಇದನ್ನು ಒನ್ಡೆ ವಿಶ್ವಕಪ್​ ಅಂತ ಕರೆಯುವ ಬದಲು, ಯೂತ್ಸ್ ವಿಶ್ವಕಪ್ ಅಂತ ಕರಿಬೋದು. ಅಷ್ಟರಮಟ್ಟಿಗೆ ಕ್ರೇಜ್ ಇದೆ.

ವಿಶ್ವಕಪ್ ವೀಕ್ಷಿಸಿದ ಬರೋಬ್ಬರಿ 9.6 ಕೋಟಿ ಯುವಕರು

ವಿಶ್ವಕಪ್​ ದಂಗಲ್​​ ಆರಂಭಗೊಂಡ ಮೂರು ವಾರ ಕಳೆದಿವೆ. ಫಸ್ಟ್​ಹಾಫ್​​​​​​ ಬಹುತೇಕ ಮುಗಿದಿದೆ. 21 ಪಂದ್ಯಗಳ ಕದನ ನೋಡುಗರಿಗೆ ಸಖತ್​ ಕಿಕ್​ ಕೊಟ್ಟಿದೆ. ಅದ್ರಲ್ಲೂ ಯುವ ಜನಾಂಗವಂತೂ ವಿಶ್ವಕಪ್​​​ ನೋಡಲು ಮುಗಿಬಿದ್ದಿದೆ. ಟಿವಿ ಮುಂದೆ ಕೂತು ವಿಶ್ವಕಪ್​​​​​ ವೀಕ್ಷಿಸೋದ್ರಲ್ಲಿ ಯುವಕರು ಎಲ್ಲರನ್ನ ಮೀರಿಸಿದ್ದಾರೆ.

ಬ್ಯಾಟ್​​​​-ಬೌಲ್​​​ ಹಿಡಿದು ಆಟಗಾರರು ವಿಶ್ವಕಪ್​ ರಣರಂಗದಲ್ಲಿ ಹೋರಾಡ್ತಿದ್ರೆ ಯುವ ಸಮೂಹ ಟಿವಿ ಮುಂದೆ ಕೂತು ಆ ರಣಕಲಿಗಳನ್ನ ಹುರಿದುಂಬಿಸ್ತಿದ್ದಾರೆ. ಅಕ್ಟೋಬರ್​ 5 ರಿಂದ ಶುರುವಾದ ಈ ಮಹಾದಂಗಲ್​​ ಈವರೆಗೆ ಬರೋಬ್ಬರಿ 9.6 ಕೋಟಿ ಯಂಗ್​ ಜನರೇಷನ್​​​ ವೀಕ್ಷಿಸಿದ್ದಾರೆ. 22 ರಿಂದ 40 ವಯಸ್ಸಿನ 268 ಮಿಲಿಯನ್​​​ ಯೂತ್ಸ್​ ಇಲ್ಲಿತನಕ ವಿಶ್ವಕಪ್​​​​​​ ಪಂದ್ಯಗಳನ್ನ ಕಣ್ತುಂಬಿಕೊಂಡಿದ್ದಾರೆ.

ಕಳೆದ ವಿಶ್ವಕಪ್​​​ಗೆ​ ಸೆಡ್ಡು..! ಈ ಬಾರಿ 22 ಪರ್ಸಂಟ್​​​​ ಹೆಚ್ಚಳ..!

2019ರ ವಿಶ್ವಕಪ್​ಗೆ ಹೋಲಿಸಿದ್ರೆ ವಿಶ್ವಕಪ್​ ನೋಡುವ ಯೂತ್ಸ್ ಸಂಖ್ಯೆಯಲ್ಲಿ 5 ಪರ್ಸಂಟ್​ ಹೆಚ್ಚಳವಾಗಿದೆ. ಬರೀ ಯೂತ್ಸ್ ಅಷ್ಟೇ ಅಲ್ಲ, ಎಲ್ಲಾ ವಯೋಮಾನದವರು ಕೂಡ ವಿಶ್ವಕಪ್​​​​​ ಅನ್ನ ಅತೀವ ಸಂತಸದಿಂದ ವೀಕ್ಷಿಸುತ್ತಿದ್ದಾರೆ. 11 ಪಂದ್ಯಗಳ ಅಂತ್ಯಕ್ಕೆ 2019ರ ವಿಶ್ವಕಪ್​​​ ಹೋಲಿಸಿದ್ರೆ ಈ ಸಲ 22 ಪರ್ಸಂಟ್​ ಹೆಚ್ಚಳವಾಗಿದೆ. ಮಕ್ಕಳು, ಯುವಕರು ಹಾಗೂ ವಯಸ್ಕರು ಬಿಗ್ ಟೂರ್ನಿಯನ್ನು ಕಣ್ತುಂಬಿಕೊಳ್ತಿದ್ದಾರೆ.

ವಿಶ್ವಕಪ್​​​ ದಂಗಲ್​​​​ ವೀಕ್ಷಣೆಯಲ್ಲಿ ಹೆಚ್ಚಳ ಆಗಿದ್ದೇಕೆ

ಈ ಪ್ರಶ್ನೆ ಎಲ್ಲರನ್ನೂ ಕಾಡೋದು ಸಹಜ. ಅದನ್ನ ಆನ್ಸರ್ ಸಿಂಪಲ್​​. 2023ನೇ ವಿಶ್ವಕಪ್​​ ಭಾರತದಲ್ಲಿ ನಡೆಯುತ್ತಿದೆ. ಹೇಳಿಕೇಳಿ ಭಾರತ ಕ್ರಿಕೆಟ್​​​​​​ನ ತವರೂರು. ಇಲ್ಲಿ ಕ್ರಿಕೆಟ್​​ ಅನ್ನ ಧರ್ಮದಂತೆ ಆರಾಧಿಸ್ತಾರೆ. ಇಲ್ಲಿ ಯಾವುದೇ ದ್ವಿಪಕ್ಷೀಯ ಸರಣಿ ನಡೀಲಿ, ಸ್ಟೇಡಿಯಂ ಭರ್ತಿಯಾಗಿರುತ್ತೆ. ಟಿವಿ ಹಾಗೂ ಮೊಬೈಲ್​​ನಲ್ಲಿ ಸಿಕ್ಸರ್​​-ಬೌಂಡ್ರಿಗಳ ಸದ್ದು ಕೇಳುತ್ತೆ. ಅಂತ್ರದಲ್ಲಿ ವಿಶ್ವಕಪ್​​ ಅಂದ್ರೆ ಕೇಳ್ಬೆಕಾ? ಆ ಕ್ರೇಜ್​ ದುಪ್ಪಟ್ಟಾಗಿದೆ. ಇದರ ಜೊತೆ ಭಾರತ ತಂಡ ಅದ್ಭುತ ಪರ್ಫಾಮೆನ್ಸ್​ ನೀಡ್ತಿದೆ. ಈ ಎಲ್ಲ ಕಾರಣಗಳು ವೀಕ್ಷಕರನ್ನ ತನ್ನತ್ತ ಸೆಳೆಯುವಂತೆ ಮಾಡಿದೆ.

ವೀಕ್ಷಣೆಯಲ್ಲಿ ಹೆಚ್ಚಾದ್ರೂ ರೋಚಕತೆ ಮಾಯ

2019ರ ವಿಶ್ವಕಪ್​ ಹೋಲಿಸಿದ್ರೆ ಈ ಬಾರಿ ಟಿವಿಯಲ್ಲಿ ಪಂದ್ಯ ವೀಕ್ಷಿಸೋರ ಸಂಖ್ಯೆ 22 ಪರ್ಸಂಟ್​​ ಹೆಚ್ಚಳವಾಗಿದೆ ನಿಜ. ಆದ್ರೆ ಫಸ್ಟ್​​ಹಾಫ್​​​​ ಡಲ್​ ಹೊಡೆಸಿದೆ. ರೋಚಕತೆ ಅನ್ನೋದೇ ಮಾಯವಾಗಿದೆ. 20 ಪಂದ್ಯಗಳ ಪೈಕಿ ದಕ್ಷಿಣ ಆಫ್ರಿಕಾ-ನೆದರ್​ರ್ಲೆಂಡ್ಸ್​​ ಮ್ಯಾಚ್​ ಹೊರತುಪಡಿಸಿ, ಉಳಿದೆಲ್ಲ ಪಂದ್ಯಗಳು ಒನ್ ಸೈಡೆಡ್​​ ಆಗಿ ಎಂಡ್​​​ ಆಗಿವೆ. ಜಿದ್ದಾಜಿದ್ದಿನ ಹೋರಾಟವಿಲ್ಲದಿದ್ರೂ, ವಿಶ್ವಕಪ್​ ಫಸ್ಟ್​​ಹಾಫ್​​​ ಫ್ಯಾನ್ಸ್​​ ಮನ ಗೆದ್ದಿದೆ. ಸೆಕೆಂಡ್​​​​​ ಹಾಫ್​ನಲ್ಲೇದ್ರೂ​ ಟ್ವಿಸ್ಟ್​ ಅಂಡ್ ಟರ್ನ್​​ ಸಿಕ್ಕಿದ್ದೇ ಆದರೆ ಆ ಕ್ರೇಜ್​ ದುಪ್ಪಟ್ಟಾಗೋದ್ರಲ್ಲಿ ಅನ್ನೋದ್ರಲ್ಲಿ ಅನುಮಾನವೇ ಇಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ