ಜೀವದ ಗೆಳೆಯರಾದ ಕೊಹ್ಲಿ- ಎಬಿಡಿ ವಿಚಾರದಲ್ಲಿ ಇದು​ ಉಲ್ಟಾ!

ಇಬ್ಬರ ಗೆಳೆತನಕ್ಕೆ ಕ್ರಿಕೆಟ್ ಲೋಕದ ಫ್ಯಾನ್ಸ್​​ ಮಾರು ಹೋಗಿದ್ದಾರೆ

ಎಬಿಡಿ ಇದು ಇಷ್ಟ ಅಂದ್ರೆ ವಿರಾಟ್​ ಕೊಹ್ಲಿ ಏನು ಮಾಡುತ್ತಿದ್ದರು?

ಒಬ್ಬ ಗೆಳೆಯನ ಇಷ್ಟ-ಕಷ್ಟಗಳು ಇನ್ನೊಬ್ಬ ಗೆಳೆಯನಿಗೆ ಗೊತ್ತಿರುತ್ತೆ. ಆದ್ರೆ, ಕ್ರಿಕೆಟ್​ ಲೋಕದ ಜೀವದ ಗೆಳೆಯರಾದ ವಿರಾಟ್​ ಕೊಹ್ಲಿ- ಎಬಿ ಡಿವಿಲಿಯರ್ಸ್​ ವಿಚಾರದಲ್ಲಿ ಇದು ಉಲ್ಟಾ. ತನಗೆ ಏನೇ ಇಷ್ಟ ಅಂತಾ ಅನಿಸಿದ್ರೂ, ಕೊಹ್ಲಿ ಮುಂದೆ ಮಾತ್ರ ಎಬಿಡಿ ಹೇಳಲ್ವಂತೆ. ಅದ್ಯಾಕೆ ಅನ್ನೋದೆ ಇವತ್ತಿನ ಸಖತ್​ ಸ್ಟೋರಿ.

ವಿರಾಟ್​​ -ಎಬಿ ಡಿವಿಲಿಯರ್ಸ್​​ ಜೀವದ ಗೆಳೆಯರು ಅನ್ನೋದು ವಿಶ್ವಕ್ಕೆ ಗೊತ್ತು. ಧರ್ಮ, ದೇಶ, ಭಾಷೆಯ ಗಡಿಯನ್ನೇ ಮೀರಿದ ಗೆಳೆತನ ಇವರಿಬ್ಬರದ್ದು. ಅದೆಷ್ಟೋ ಕ್ರಿಕೆಟ್​ ಅಭಿಮಾನಿಗಳು ಇವರಿಬ್ಬರ ಗೆಳೆತನಕ್ಕೆ ಮಾರು ಹೋದವರಿದ್ದಾರೆ.

ಇದನ್ನು ಓದಿ: BIG BREAKING: ಆಂಧ್ರಪ್ರದೇಶದ ಮಾಜಿ ಸಿಎಂ ಚಂದ್ರಬಾಬು ನಾಯ್ಡು ಅರೆಸ್ಟ್​

ವಿರಾಟ್​ ಕೊಹ್ಲಿ ಎಬಿಡಿಯನ್ನ, ಎಬಿಡಿಯ ಗೆಳತನವನ್ನ ಬಹುವಾಗಿ ಇಷ್ಟಪಡ್ತಾರೆ. ಡಿವಿಲಿಯರ್ಸ್​ ಜೊತೆಗೆ ಸಂತೋಷ ಹಾಗೂ ದುಖಃದ ವಿಚಾರಗಳನ್ನ ಶೇರ್​ ಮಾಡಿಕೊಳ್ಳುವ ವಿರಾಟ್​​, ಸಮಸ್ಯೆಗಳು ಉಂಟಾದ್ರೆ ಪರಿಹಾರಗಳನ್ನೂ ಕೇಳ್ತಾರೆ. ಇದ್ರ ಜೊತೆಗೆ, ಎಬಿಡಿ ಏನಾದ್ರೂ ನನಗೆ ಇಷ್ಟ ಅಂದ್ರೆ ಮುಗಿಯಿತು. ನೆಕ್ಸ್ಟ್​ ಮಿನಿಟ್​​ನಲ್ಲೇ ಅದನ್ನ ಗಿಫ್ಟ್​ ಮಾಡಿಬಿಡ್ತಾರಂತೆ.

ಎಬಿಗಾಗಿ ಕೊಹ್ಲಿ ಆರ್ಡರ್​ ಮಾಡಿದ್ದೇನು..?

ಒಂದು ಬಾರಿ ಕೊಹ್ಲಿಯ ಶೂ ನೋಡಿದ ಎಬಿಡಿ, ಶೂ ಚನ್ನಾಗಿದೆ ಎಂದು ಹೇಳಿದ್ರಂತೆ. ಅದಾಗಿ ಕೆಲವೇ ನಿಮಿಷಗಳಲ್ಲಿ ಎಬಿಡಿಗೆ ಆ ಶೂ ನೀಡಿದ್ರಂತೆ. ಇನ್ನೊಂದು ಬಾರಿ ಎಬಿಡಿ ನನಗೆ ಕಾಫಿ ಇಷ್ಟ ಎಂದು ಹೇಳಿದ್ರಂತೆ. ಅದಾದ ಸ್ವಲ್ಪ ಹೊತ್ತಿನಲ್ಲೇ ಕೊಹ್ಲಿ, ಎಸ್ಪ್ರೆಸೋ ಕಾಫಿ ಮಷೀನ್​ನ ಎಬಿಗಾಗಿ ಆರ್ಡರ್​ ಮಾಡಿದ್ರಂತೆ. ಇಷ್ಟೇ ಅಲ್ಲ, ಫೋನ್​ ಚಾರ್ಜ್​​ ಕಾಲಿಯಾಗ್ತಿದೆ ಅಂದ್ರೆ, ನೆಕ್ಸ್ಟ್​ ಮಿನಿಟ್​​ ಪವರ್​ ಬ್ಯಾಂಕ್​ ಬೇಕಾ ಎಂದು ಕೇಳಿದ್ರಂತೆ. ಅದೇ ಲಾಸ್ಟ್.​ ಅದಾದ ಬಳಿಕ ಕೊಹ್ಲಿ ಎದುರು, ಯಾವುದೇ ವಸ್ತು ನನಗೆ ಇಷ್ಟವಾದ್ರೂ, ಅದು ಚೆನ್ನಾಗಿದೆ ಎಂದು ಹೇಳೋದನ್ನೆ ಬಿಟ್ಟೆ ಎಂದು ಸ್ವತಃ ಎಬಿ ಡಿವಿಲಿಯರ್ಸ್ ಹೇಳಿ ಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ