ಡೆಲ್ಲಿ ವಿರುದ್ಧ ಚೆನ್ನೈ ತಂಡಕ್ಕೆ ಭರ್ಜರಿ ಜಯ

ಪ್ಲೇ ಆಫ್​​ಗೆ ಎಂ.ಎಸ್​​​ ಧೋನಿ ಪಡೆ ಎಂಟ್ರಿ!

ಚೆನ್ನೈ ಸೂಪರ್​​ ಕಿಂಗ್ಸ್​ ವಿರುದ್ಧ ಡೆಲ್ಲಿಗೆ ಸೋಲು

ಇಂದು ದೆಹಲಿಯ ಅರುಣ್​​ ಜೇಟ್ಲಿ ಕ್ರಿಕೆಟ್​ ಸ್ಟೇಡಿಯಂನಲ್ಲಿ ನಡೆಯುತ್ತಿರೋ ಇಂಡಿಯನ್​​ ಪ್ರೀಮಿಯರ್​​ ಲೀಗ್​​ ಹಂತದ ರೋಚಕ ಪಂದ್ಯದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​​ ಡೆಲ್ಲಿ ಕ್ಯಾಪಿಟಲ್ಸ್​​ ತಂಡದ ವಿರುದ್ಧ 77 ರನ್​​ ಅಂತರದಿಂದ ಗೆದ್ದು ಬೀಗಿದೆ. ಈ ಮೂಲಕ ಪ್ಲೇ ಆಫ್​​​ಗೆ ತನ್ನ ಸ್ಥಾನವನ್ನು ಖಚಿತ ಮಾಡಿಕೊಂಡಿದೆ.

ಟಾಸ್​ ಗೆದ್ದು ಫಸ್ಟ್​ ಬ್ಯಾಟಿಂಗ್​ ಮಾಡಿದ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡವು ನಿಗದಿತ 20 ಓವರ್​ಗಳಲ್ಲಿ 3 ವಿಕೆಟ್​ ನಷ್ಟಕ್ಕೆ 223 ರನ್​ ಕಲೆ ಹಾಕಿತ್ತು. ಈ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್​​ಗೆ ಬೃಹತ್​ ಟಾರ್ಗೆಟ್​ ಕೊಟ್ಟಿತ್ತು. ಸಿಎಸ್​​ಕೆ ಪರ ಓಪನರ್​ ಆಗಿ ಬಂದ ರುತುರಾಜ್​​ ಗಾಯಕ್ವಾಡ್​ 50 ಬಾಲ್​ನಲ್ಲಿ 7 ಸಿಕ್ಸರ್​​, 3 ಫೋರ್​ ಸಮೇತ 79 ರನ್​ ಸಿಡಿಸಿದ್ರು. ಹಾಗೆಯೇ ಗಾಯಕ್ವಾಡ್​ಗೆ ಸಾಥ್​ ನೀಡಿದ ಕಾನ್ವೇ 52 ಬಾಲ್​ನಲ್ಲಿ 3 ಸಿಕ್ಸರ್​​, 11 ಫೋರ್​​ನಿಂದ 87 ರನ್​ ಚಚ್ಚಿದ್ರು. ದುಬೆ 22, ಜಡೇಜಾ 20 ರನ್​​ ಗಳಿಸಿದ ಪರಿಣಾಮ ಚೆನ್ನೈ ಬಿಗ್​ ಸ್ಕೋರ್​ ಕಲೆ ಹಾಕಲು ಸಾಧ್ಯವಾಯ್ತು.